ენთუზიაზმ შხვას ხოლო გინადვალუ. მუჟამსით შურდოგურით იფჩიებუთ, მარჩქილეეფ უმოს ყურადღებას აქციენა ჩქინ ნარაგადის. თეს გეძინელ, ვოძირანთ, მუზმათ ვაფასენთ ცნობას, ნამდგას შხვეფს გინოფჩანთ. ვა უღჷ მნიშვნელობა, მუნერ გარემოს იბრდით ვარდა მუნერ ხასიათიშ ვორეთ, ჩქი შემლებნა ენთუზიაზმიშ გავითარება (რომ. 12:11). მუჭო შემლებნა თეშ კეთება?

პირველ, ქიფიქრ, მუზმათ მნიშვნელოვან რე ცნობა, ნამდგას ქადაგენქ. სი გიღჷ პატი, ხალხის სახიოლო ამბე გეგნოჩე (რომ. 10:15). მაჟია, დეფიქრ, მუ ჯგირ შედეგეფ მოუღ ადამიანეფშა სახიოლო ამბეშ გაგებას. თინეფს მართალო ოსაჭირნა თე ცნობაშ მორჩქილაფა (რომ. 10:13, 14). თაშ ნამდა, იჩი შურდოგურით, გიღდას ბუნებრივ ჟესტეფ დო სახეშ გამომეტყველება.

ქუჯინ ვიდეოს „გეგმოცადით ხიოლ მოწაფეეფიშ მომზადებაშ საქმეს — გაუჯგუშით მსახურებაშ უნარეფ — ენთუზიაზმით გურაფა“. უკულ ქუპასუხ თუდო მოჩამილ კითხვეფს:

• მუშენ უდინ ნიტას ენთუზიაზმიქ?

• მუქ მეხვარ ნიტას დირთინუკო ენთუზიაზმ?

• მუშენ ოკო მაფდან ყურადღება გინოღალირ ჩქინ მარჩქილეეფიშ ჯგირ თვისებეფშა?

• მუჭო შილებე იმოქმედას ჩქინ ენთუზიაზმიქ ბიბლიაშ მაგურაფუეფწკუმა დო შხვეფწკუმა?