ქიცხოვრ ქრისტიანულ პრინციპეფით
გაუჯგუშით მსახურებაშ უნარეფი—ვაგაგრძელათ ბიბლიაშ გურაფა თინეფწკუმა, მით ცვლილებეფს ვართჷ
მუშენ რე მნიშვნელოვან: გინოსქილადა ქაკონან-და, ხალხიქ იეჰოვაშ სახელ ოკო მიშინუას (რომ. 10:13, 14). არძას, მიდგა ბიბლიაშ გურაფას იჭყანს, ვა უღჷ სურვილ იეჰოვაშ ნორმეფით ქიცხოვრას. მსახურებას ძვირფას დროს თიშო გიმიბრინუანთ, ნამდა მივეხვარათ თინეფს, მიდგას მართალო ოკო იეჰოვაშ მოსაწონო დოთირუას ცხოვრება. მუჟამსით ბიბლიაშ მაგურაფალ გარკვეულ დროშ უკულ მუთუნნერ ცვლილებეფს ვართუნ, გონივრულ იჸუაფ მივოტუათ ბიბლიაშ გურაფა დო დრო შხვეფიშ მოხვარას დავუთმათ (იოან. 6:44). მუჟამსით თე პიროვნება დითირუ დო ქაძირანს, ნამდა „მარადიულ ცხოვრებაშო რე განწყობილ“, ჩქი ხიოლით გუვაგრძელენთ თიწკუმა ბიბლიაშ გურაფას (საქ. 13:48).
მუჭო შეილებნა თეშ კეთება:
-
ქაცქვე თინა, მუშენდა ზუსტ რჩქინაშ მეღებას ოცად (1 ტიმ. 2:4)
-
ხაზ გუსვი, მუსხით მნიშვნელოვან რე ნაგურეფუშ გიმორნაფა (ლუკ. 6:46—49)
-
რბილას გარჩი იესოშ მაგალით მათასალიშ გურშენ დო ქოკითხ, მუ ოცილ თის სულიერო წოხოლე ულას (მათ. 13:18—23)
-
ტაქტიანო გეუნწყ მუშენ გოკო თიწკუმა ბიბლიაშ გურაფაშ მეტება
-
ქუწი, ნამდა თის პერიოდულო ქიმიაკითხანქ დო გურაფა გეგრძელებ, მუჟამსით სულიერო წოხოლე მიდურს
ქუჯინით ვიდეოს დო უკულ ქუპასუხით თუდო მოჩამილ კითხვეფს:
-
მუ დიგურეთ თი ჩიებაშე, სოვრეშეთ იძირედ, ნამდა ბიბლიაშ მაგურაფალ სულიერო ვერდუდ?
-
მუჭო ოძირუ მაქადაგებელქ ბიბლიაშ მაგურაფალს, ნამდა ცვლილებეფ აფუდ ოკეთებელ?
-
მუჭო ოძირუ მაქადაგებელქ, ნამდა მზათ რდუ თიწკუმა ბიბლიაშ გურაფა მომავალს კინ ქიდიჭყუკო?