მუჟამსით უჯინეთ შხვადოშხვა ფერიშ ყვავილეფს, მურიცხეფით გოჭკადილ ცას ვარდა მიხვარჩალუნ ფერ ჩანჩქერს, ქამჩნიენთო გუმაჭყაფალიშ ხეს? გუნაჭყეფშე არგამათ იძირე იეჰოვაშ თვისებეფ (რომ. 1:20). მუჟამსით ჩქი დროს გიმურთუნთ თიშე ფიქრის, მუდგას თოლით ვორწყეთ, თე დროს ვამჩნიენთ ღორონთიშ ძალას, ჸოროფას, სიბრძნეს, სამართლიანობას დო ხეგოფაჩილობას (ფსალმ. 104:24).

იეჰოვაშ ნამ გუნაჭყეფუს ორწყეთ ირდღას? შილებე ქალაქის ცხოვრენთ, მარა ორწყეთ ჩიტეფს, ნამუთ ჯას გიმახენა. იეჰოვაშ გუნაჭყეფშა დაკვირება მიმეხვარებნა ნაკლებო იბნერვიანათ, პრობლემეფშე ნაკლებო იფიფქრათ დო გემამგარათ თიშ რწმენა, ნამდა იეჰოვას შეულებ ჩქინდე მარადიულო იზრუნას (მათ. 6:25—32). ბაღანეფ ქორჸუნან-და, ქიმეხვარით თინეფს ქეშიამჩნიან იეჰოვაშ სარკო თვისებეფ. მუჟამსით ღორონთიშ გუნაჭყეფუშ გურშენ უმოს მარდულობას გიმიფრჩქინანთ, თენა გუმაჭყაფალწკუმა უმოსო დუმაახლოვენა (ფსალმ. 8:3, 4).

ქუჯინით ვიდეოს „სარკო გუნაჭყეფუეფს ღორონთიშ დიდება იძირე — სინთე დო ფერი“, დო უკულ ქუპასუხით თუდო მოჩამილ კითხვეფს:

• მუჭო მოხვარნა პიგმენტეფ ფერეფიშ ძირაფას?

• მუ იწვიენს შხვადოშხვა ფერეფიშ არსებობას?

• მუშენ ვორწყეთ ცას შხვადოშხვა ფერეფს?

• იეჰოვაშ გუნაჭყეფუშ მუ სარკო ფერეფს ორწყექ სქან ჸუდეშ ხოლოს?

• მუშენ ოკო გიმურთათ დრო ბუნებაშა დაკვირებას?