ყურადღებათ წეკითხითო თე წანაშ „გინაჯინალ კოშკიშ“ სტატიეფ? ქოძირით, მუჭო გაპასუხებენა თუდო მოჩამილ კითხვეფშა:

მუ მაგალითის მარზენა იეჰოვა თიწკუმა დაკავშირებით, მუჭო ოკო მივექცუათ ოსურკათას?

იეჰოვა ვეგმირჩქინანს გიშაკერძაფას დო ართიანშე ვეგშაგორუნს ოსურკათას დო ქომოლკათას. თინა ურჩქილე ოსურკათას, ღორონთშო არძა ართ ვა რე თინეფიშ გრძნობეფ დო ირიათო გურშა მეუღ თინეფიშ პრობლემეფ დო ოწუხებელ. თინა შხვადოშხვა საქმეს დო დავალებას ონდჷ ოსურკათას (w24.01, გვ. 15, 16).

მუჭო შემლებუნა ეფესოელეფიშ 5:7-ის ინოჭარილ სიტყვეფიშ გიმორნაფა, სოდეთ პკითხულენთ: „საქმე ვედეკინათ თინეფწკუმა“?

მოციქულ პავლექ გუმაფრთხილეს, ვა ვაკათათ თიცალ ხალხის, ნამდგაწკუმა ურთიერთობაშ შედეგო, უმოს ძნელ მაჸინა იეჰოვაშ ნორმეფიშ მეჸუნა. თეშა მიშურს თინეფწკუმა მუჭოთ პირად, თეშ სოციალურ ქსელეფით ურთიერთობა (w24.03, გვ. 22, 23).

ნამ ტყურეფს ოკო ეუჩილითუათ დუდ?

ფრთხილას ოკო ვორდათ, მუჟამსით გინომოწმებულ ვა რენ ფერ ინფორმაციას ბღებულენთ მეგობრეფშე, ინტერნეტშე დო განდგომილშე, ნამუთ თეშ მოძირანა დუდის, ითამ ჭეშმარიტება ოინტერეს (w24.04, გვ. 12).

მუ მიჩქუნა დო მუ ვა მიჩქუნა თიწკუმა დაკავშირებით, მუჭო გინოჭყვიდუნს იეჰოვა სოლომონიშ დო თინეფიშ ამბეს, მიდგაქ სოდომ დო გომორს დო წარღვნაშ დროს გენადგურეს?

ზუსტას ვა მარაგადენა, იეჰოვაქ სადღამუშოთ განადგურ დო ვარ თე კათა, მარა თინა ქომიჩქუნა, ნამდა იეჰოვას არძა ფაქტ უჩქჷ დო მოჭყოლოფე რე (w24.05, გვ. 3, 4).

მუშა მარწმუნენა თი ფაქტ, ნამდა იეჰოვა კირდეშა რე შედარებულ? (კან. 32:4).

იეჰოვა დუდიშგითაფორაფალ რე. თინა რე საიმენდო დო მუშ სიტყვას დღას ვეგნურთანს. თეწკუმა ართო, იეჰოვა დღას ვეთირუ, თიშ პიროვნება დო განზრახვეფ მუნერით ირო რდუნ თიცალ სქიდუ (w24.06, გვ. 26–28).

მუ მიგეხვარებუნა, ქიმიანწყუათ ახალ კრებას?

მიენდით იეჰოვას დო რჯერდან, ნამდა თქვა ხოლო თეშ მიგეხვარებუნა, მუჭოთ მუშ მსახურეფს ოხვარუდ ჯვეშ დროს. ვეშუდარათ ართიანს ჯვეშ დო ახალ კრება. რდათჷ აქტიურ ახალ კრებას დო დემეგობრით თექიან და დო ჯიმალეფს (w24.07, გვ. 26–28).

მუს ბგურაფლენთ მათეშ 25-ა დუდის მოჩამილ იესოშ სუმ იგავშე?

შხურ დო თხალეფიშ იგავშე იძირე, ნამდა ოკო ვორდათ ღორონთიშ ართგურეფ. უჭკუე დო ჭკვერ ცირასქუალეფიშ იგავშე ბგურაფლენთ, ნამდა ირო კურცხას დო მზათ ოკო ვორდათ. ტალანტეფიშ იგავშე ირწყებე, მუსხით მნიშვნელოვან რე, გურგედვალირო იფხანდათ (w24.09, გვ. 20–24).

მუშმამაღალა რდჷ სოლომონიშ შენებულ ტაძარიშ მინალ?

ნამთინე ჯვეშ ხეშნაჭარას 2 მატიანეშ 3:4-ის პკითხულენთ, ნამდა ტაძარიშ მინალ „120 წყრთა“ რდჷ, ნამუთ სოდგარენ 53 მეტრა რე. მარა სანდო ხეშნაჭარეფს თე დიხას ჭარჷ „20 წყრთა“, მუთ რე 9 მეტრა. თე სიმაღალე მეურე ტაძარიშ კიდალეფიშ სიფსქას ხოლო (w24.10, გვ. 31).

მუს ნიშნენს მოთხოვნა, ნამდა მომსახურეს „ხვალე ართ ოსურ ოკო ჸუნდას“? (1 ტიმ. 3:12).

თენა ნიშნენს, ნამდა ხვალე ართ ოსურშა ოკო რდასჷ დაქორწინებულ დო დღას ვა უღალატას თის. თეწკუმა ართო, თეშა თინა ხოლო მიშურს, ნამდა შხვა ოსურიშ მიმართ ვეგმირჩქინას რომანტიკულ ინტერეს (w24.11, გვ. 19).

მუშენ შემლებუნა თიშ რაგად, ნამდა იოანეშ 6:53-ს იესო ვეჩიებ, მუქ ოკო მოხვადას გოშინაშ ონჯუაშ აღნიშნებაშ დროს?

იოანეშ 6:53-ს ჩიება მეურს იესოშ ხორციშ „ჭკუმუაშე“ დო თიშ ზისხირიშ „შუმაშე“. თე სიტყვეფ იესოქ ახ. წ. 32 წანას გალილეას აკოშაყარელ ხალხის უწუ, მიდგას დიო ხოლო ვა აფუდეს გიმორჩქინელ რწმენა იესოშ მიმართ. მარა გოშინაშ ონჯუა იესოქ ართ წანაშ უკულ, იერუსალიმს, დარსხუ, მუ დროსით თიწკუმა ართო თი ადამიანეფ რდესჷ, მით თიწკუმა ართო იმეფენდეს ზეცას (w24.12, გვ. 10, 11).