ქუგოკონო, პირად გურაფაქ უმოს ჯგირობუა მოიღას? თაშ ქორენ-და, შილებე თუდო გიმოკოროცხილ რჩევეფქ თეს მიგეხვარას.

• გეგშეგორ სქანო მოხუჯურ ადგილ. შეიოლებერ ქორენ-და, გეგშეგორ სუფთა დო სინთე გიორენ ფერ ადგილ. შეილებ სტოლწკუმა ქუმკოზოჯე ვარდა გალე დოგორე თიცალ ადგილ, სოდეთ გემუანო იჸიქ.

• გეგშეგორ ხვალე იჸიქინ ფერ ადგილ. იესოქ ოლოცებშა „კოჩ ვა რდუნ ფერ ადგილშა მიდართჷ“, მუჟამსით „დიო ხოლო გოთანელ ვა რდჷ“ (მარ. 1:35). პირად გურაფაშო ხვალე იჸიქინ ფერ ადგილშა ვა გალინენ-და, სქანწკუმა ართო ცხოვრენან თინეფს ქუწი, მუჟამ გიღჷ პირად გურაფა, დო ქოთხი, ვეგეცილან.

• მთელ ყურადღება გურაფაშა გეგნიღ. ჩეთხინე ირფელ, მუთ ყურადღებას შხვა მუდგარენშა გეგნგოღალაფუანს. პირად გურაფაშო ტელეფონს ვარდა პლანშეტის ქირინუანქ-და, უხმოს ვარდა სამალიოტიშ რეჟიმს ქიგიორინე, ნამდა გურაფას მუთუნქ ვემგკოჩილითუას. გურაფაშ დროს მუდგარენ გაფჷ ოკეთებელინ ქუგგაშინენ-და, უცფას სოდგაინ ქინიჭარ, ნამდა ვაგგოჭყორდას, დო გაგრძელ პირად გურაფა. გიმორკვიებაშ დროს გეგნოშურდ დო ყურადღებათ ვა რექინ ქატყუაფუქ-და, ჭიჭე გილ-მილ დო ქიგუსვანჯე.