იესოქ თქუ: „შხვაშა ჯგირიშ კეთებას უმოს ბედნერობა მოუღ, ვინემ მეღებას“ (საქ. 20:35). თენა იეჰოვაწკუმა ჩქინ ურთიერთობას ხოლო ოხუ. მუშენ იფჩიებუთ თეს? იეჰოვაშე ბრელ თიცალ ძღვინს ბღებულენთ, ნამუსით ჩქინო ბედნერობა მოუღჷ. მარა უმოს ბედნერობა იეჰოვაშა ძღვინიშ მეჩამას მოუღ. მუ ძღვინიშ მეჩამა შემლებნა იეჰოვაშა? იგავეფიშ 3:9-ს ჭარჷ: „პატი ქოც იეჰოვას სქან ქონებაშე“. „ქონებაშა“ მიშურს ჩქინ დრო, ნიჭი, შესაძლებლობეფ დო მატერიალურ მდგომარეობა. მუჟამსით თინეფს წმინდა თაყვანიშმცემლობაშ წიმი ოულარო გიმიბრინუანთ, თეგვარო ძღვინს ვარზენთ იეჰოვას, მუდგას ჩქინო ბედნერობა დო კურთხევეფ მოუღ.

ჩქინ მატერიალურ მდგომარეობაშე გამომდინარე, მუ მიმეხვარებნა დუდ ვეშებკინათ, ნამდა ქიმეფჩათ ძღვინ იეჰოვას? მოციქულ პავლექ კორინთელ ქრისტიანეფს მეჭარ, მუდგა შეულებდეს თინა გეგნუდვალდესკო მუჭოთ შესაწირავ (1 კორ. 16:2). სო შეილებნა უმოს მეტ ინფორმაციაშ მეღება შესაწირავეფიშ საშვალებეფშენ, ნამუთ თქვან ტერიტორიას რე ხეშამალაფარ? ქოძირით

თუდო მოჩამილ ჩარჩო.

ონლაინ შესაწირავეფიშ კეთება არძა ქიანას ვა რე შეიოლებერ. მარა შესაწირავეფიშ გვერდის შეილებნა ქოძირათ ინფორმაცია, მუჭო აკეთათ შესაწირავეფ. ნამთინე ქიანას, თე გვერდის მოჩამილ რე პასუხეფ ხშირას დასმებულ კითხვეფშა შესაწირავეფიშ გურშენ.