შეილებნანო ქუპასუხათ თუდო მოჩამილ კითხვეფს, ნამუთ „გინაჯინალ კოშკიშ“ 2019 წანაშ ნომერეფშა რე გერსხილ?

მუს ნიშნენს ღორონთიშ დუნაპირებ: „სქან წინააღმდეგ კეთებულ ნამთინ იარაღ ვეჸუაფ წარმატებულ“? (ეს. 54:17)

შემლებნა ბჯერდან, ნამდა ღორონთ დამცვენა ნტერეფიშ რისხუაშე (ეს. 25:4, 5). თინეფს დღას ვეშიალებენა, თიცალ ზიან ქიმმორინუან, ნამუთ ვეგშისწორებე. (w19.01, გვ. 6, 7).

მუჭო იძირედ ღორონთიშ სამართლიანობა, თევრეშე, მუჭო ოქცუდ იეჰოვა ქანაანელეფს დო შარას ეჩილათირ ისრაელეფს?

ღორონთიქ განაჩენ გეგშუღ თინეფს, მით სექსუალურ უზნეობას ღებულენდჷ მონაწილებას ვარდა ოსურკათა დო ბაღანეფს უსამართლოთ ოქცუდ. მარა იეჰოვა კურთხევეფს ვარკენდჷ თინეფს, მით მორჩილეფ რდეს დო შხვეფს სამართლიანო ოქცუდეს (w19.02, გვ. 22, 23).

მუჭო ოკო მიფქცუათ, მუჟამსით იეჰოვაშ მოწმე ვა რენ ფერ პიროვნება ხონარმაღალო ლოცულენს დო ჩქი თექ ვორეთ?

ჩქი ოკო ვა ფთქუათ „ამინ“; ვართ ხე ოკო მებკიდათ შხვეფს ლოცვაშ დროს, მარა შემლებნა პატიცემა გიმოფხანტათ დო ვევეცილათ ლოცვას. თეს გეძინელ, შემლებნა გურს იბლოცათ (w19.03, გვ. 31).

მუსხით სერიოზულ დანაშაულ რე ბაღანეფიშ მიმართ სექსუალურ ძალადობა?

ბაღანეფიშ მიმართ სექსუალურ ძალადობა დანაშაულ რე მსხვერპლიშ, კრებაშ, ხელისუფლებაშ დო ღორონთიშ წინააღმდეგ. მუჟამსით არსებენს ფაქტიშ გაცხადებაწკუმა დაკავშირებულ კანონ, უხუცესეფქ ოკო დემორჩილან თის (w19.05, გვ. 9, 10).

მუჭო შეილებნა დოთირუათ ვარდა გეახალათ გონებაშ მამოძრავებელ ძალა?

მთავარ ნაბიჯეფ რე: ლოცვას ქეჩით იეჰოვას. იფიქრით, მუჭო შეილებნა დითირათ. გონივრულო გეგშაგორით მეგობრეფ (w19.06, გვ. 11).

მუშ კეთება შემლებნა ამდღა, ნამდა მივემზადათ თხოზინშო?

ჩქი ოკო გუვამანგარათ ურთიერთობა იეჰოვაწკუმა. ბჯერდან, თის ვუჸორთ დო დღას ვემმოტენა. ირდღას იბკითხათ ბიბლია დო ირიათო იბლოცათ. დარწმუნებულ ვორდათ, ნამდა სამეფო მართალო მომღანა კურთხევეფს. ქიდემახსოვრით თი ბიბლიურ მუხლეფ დო ობირეშეფ, ნამუთ არძაშ უმოსო მორწონა (w19.07, გვ. 2—4).

მუშ კეთება შემლებნა, ნამდა ქიმვეხვარათ ჩქინ ნათესეფს, გეგნასქიდან?

მნიშვნელოვან რე თინეფიშ მდგომარეობაშა გემშაფრთათ, ჩქინ ჯგირ საქციელით დუვამოწმათ დო გეგმიფრჩქინათ მოთვინება დო ტაქტიანობა (w19.08, გვ. 15—17).

მუშენ შეულებ იესოშ დავალებურ საქმეს ჩქინდა ძალეფიშ მოჩამა? (მათ. 11:28)

ჩქი პჸუნა არძაშ უჯგუშ ზედამხედველეფ, არძაშ უჯგუშ მეგობრეფ დო ვორთუთ არძაშ უჯგუშ საქმეს (w19.09, გვ. 23).

მუჭო შეულებ იეჰოვას მუჩან სურვილ დო ძალა, ნამდა იმოფქმედათ? (ფილ. 2:13)

მუჟამსით ბკითხულენთ ღორონთიშ სიტყვას დო ფიფქრენთ ნაკითხერშე, ღორონთის შეულებ ძალეფით ემოფშან, მუჩან სურვილ დო ძალა, ნამდა თიშ ნებაშ შესაბამისო იმოფქმედათ. ღორონთიშ წმინდა შურს შეულებ მიმეხვარან, გუვაუჯგუშათ ჩქინ უნარეფ (w19.10, გვ. 21).

ნამ გონივრულ ნაბიჯეფ ოკო გინობდგათ, სერიოზულ გადაწყვეტილებაშ მეღებაშახ?

ხუთ ნაბიჯ: ლოცვას ქოთხით იეჰოვას სიბრძნე. ჯგირო გეგმირკვით საკითხ. გეგმირკვით თქვან მოტივეფ. გიღდან კონკრეტულ მიზნეფ. რეალურო შეაფასით სიტუაცია (w19.11, გვ. 27—29).

ევაშა ნარაგად სატანაშ სიტყვეფშე მოურსო გურაფა უკვდავ შურიშ გურშენ?

მუჭოთ იძირენ, ვარ. ეშმაკის ვა უთქუალ ევაშა, ნამდა თიშ სხეულ დოღურუდ, მარა თიშ შურ სოდგარენ შხვადო გაგრძელენდჷ ცხოვრებას. თიქ უწუ, ნამდა ვა ღურუდ. არძა ცრუ რელიგიაქ წარღვნაშ დროს გენადგურ. საეგებიოთ, სოიშახ ღორონთ ნინეფს აკურღვანდჷ თინეფს, მით ბაბილონიშ კოშკის აშენენდეს, თე გურაფა უკვდავ შურიშ გურშენ უკვე არსებენდჷ (w19.12, გვ. 15).