ყურადღებათ წეკითხითო თე წანაშ „გინაჯინალ კოშკიშ“ სტატიეფ? ქოძირით, მუჭო გაპასუხებენა თუდო მოჩამილ კითხვეფშა:

მუჭო ოკო მივექცუათ ცხებულ ქრისტიანეფს?

ჩქი ვაფასენთ თინეფიშ რწმენას; მარა ზედმეტ ყურადღებას ვა ვაქციენთ თინეფს. ვოცადუთ დუდ ევუჩილითუათ ადამიანეფიშ განდიდებას (იუდა 16). მუნეფიშ ზეციურ იმენდიშ გურშენ პირადულ კითხვეფს ვა ვუსვენთ — w20.01, გვ. 29.

მუ გარწმუნენა, ნამდა იეჰოვა პირადო თქვა გაქციენა ყურადღებას?

ბიბლიაშე იძირე, ნამდა იეჰოვა დიო ხოლო თიმწკუმა გოკვირდეს, სოიშახ დებადებუდით. თინა ირჩქილე თქვან ლოცვეფს. იეჰოვა ორწყე თქვან გურს დო ფიქრეფს დო თქვან საქციელ თიშ გრძნობეფს ოხუ (1 მატ. 28:9; იგავ. 27:11). თიქ ნება მერჩეს დეახლოვითკო — w20.02, გვ. 12.

მუჟამ რე რაგადიშ დრო დო რაგადშე დუდიშ შეკებაშ დრო?

ჩქი ხიოლით ბრაგადანთ იეჰოვაშ გურშენ. ბრაგადანთ, მუჟამსით ვორწყეთ, ნამდა პიროვნება გლახა შარას გერე. უხუცესეფ ირზენა რჩევას, მუჟამსით თენა საჭირო რე. ჩქი ვებჩიებუთ (ვა ვოცადუთ ქიგებგათ) თიცალ ქიანეფს მსახურებაშ დეტალეფიშ გურშენ, სოდეთ ჩქინ საქმიანობა ვარიებულ რე. ვა ვაცხადენთ კონფიდენციალურ ინფორმაციას — w20.03, გვ. 20, 21.

მუ განსხვავება რე იოელიშ მა-2 დუდის დო გამოცხადებაშ მა-9 დუდის მოშინაფილ კოლეფ შქას?

იოელიშ 2:20—29 იჩიებ, ნამდა ღორონთ ჩაუთხინუანს კოლეფს მუშ ხალხის დო ოპირ, ნამდა კინ დურთინუანს ზარალს, ნამუთ თინეფქ მიღეს. თეშ უკულ ღორონთ ქიმეჩანს მუშ შურს. თექ შისრულ, ბაბილონელეფიშ იერუსალიმშა გენთხაფაშ დროს დო თიშ უკულ. გამოცხადებაშ 9:1—11-ის მოშინაფილ კოლეფ ცხებულ ქრისტიანეფს ასიმბოლოენა. თინეფ გაბედულო აცხადენა ღორონთიშ განაჩენს თე უბადო ქიანაშ წინააღმდეგ დო თინეფს, მიდგა თე ქიანაშ მხარეს რენა, თენა შუროთ ვახუჯნა. — w20.04, გვ. 3—6.

მი რე ჩრდილოეთიშ მეფე ამდღა?

რუსეთ დო თიშ მოკავშირეეფ. თინეფს პირდაპირ გავლენა უღნა ღორონთიშ ხალხშა, აკრძალურ აფნა ქადაგებაშ საქმე დო ჯოგნა იეჰოვაშ მოწმეეფ. ჩრდილოეთიშ მეფე ონირზჷ სამხრეთიშ მეფეს — w20.05, გვ. 13.

ხვალე გალატელეფიშ 5:22, 23-ს გიმოკოროცხილ თვისებეფ მიშურსო „შურიშ ნაყოფშა“?

ვარ. წმინდა შურ მოხვარნა, გუვავითარათ ხოლო შხვა ჯგირ თვისებეფ, მუნერით რე სიმართლე (ეფეს. 5:8, 9) — w20.06, გვ. 17.

მუ საფრთხეეფს შილებე შეხვადათ ინტერნეტის მუდგარენეფიშ გედვალაშ დროს?

მუდგას ინტერნეტის გედვანქინ, თიქ შილებე შხვეფს ოფიქრებაფუას, ნამდა სქან დუდით იცქვანქ დო ვა რექ თანდაბალ — w20.07, გვ. 6, 7.

მუშ გურაფა შეულებ ქრისტიანს გამოცდილ მეჩხომეშე?

თინეფს უჩქნა, სო დო მუჟამ იდან ოჩხომშა, მუჭო გიმირინუან საჭირო მონწყილობა. სიტუაციაშ თირუაშ უმკუჯინუო, გაბედულო აგრძელენა მუშობას. ჩქი ხოლო თაშ შემლებნა ვაკეთათ მსახურებაშ დროს — w20.09, გვ. 5.

მუ საშვალებეფით შემლებნა მივეხვარათ ბიბლიაშ მაგურაფალს, უმოსო ქიჸოროფუას იეჰოვა?

ჩქი შემლებნა ელვუჩათ თინეფს, ირდღას წეკითხან ბიბლია დო ქიფიქრან ნაკითხირშე. თეს გეძინელ, შემლებნა ვოგურუათ, მუჭო ილოცან — w20.11, გვ. 4.

მი იგულისხმებ სიტყვეფს: „გეთელებ არძა ქრისტეშ ჭყოლოფათ“? (1 კორ. 15:22).

პავლე მოციქულ ვეჩიებუდ, ნამდა არძა ადამიან გეთელებუდ. თინა რაგადანდჷ ცხებულ ქრისტიანეფშენ, მიდგაქ ღურეს „ქრისტეწკუმა ართობას (1 კორ. 1:2; 15:18) — w20.12, გვ. 5, 6.

მუ საქმე ელნა თინეფს, მით „თოლიშ დოვალაფაშა“ დითირუნა „უკანასკნელ საყვირიშ ხონარიშ დროს“? (1 კორ. 15:51—53).

თინეფ ქრისტეწკუმა ართო რკინაშ კვერთხით დოჭყიშანა არძა ხალხის (გამოცხ. 2:26, 27) — w20.12, გვ. 12, 13.