ყურადღებათ წეკითხითო თე წანაშ „გინაჯინალ კოშკიშ“ სტატიეფ? ქოძირით, მუჭო გაპასუხებენა თუდო მოჩამილ კითხვეფშა:

მუ კურთხევეფს მიბღენთ, მუჟამსით დროს გეგმურთუნთ იეჰოვაწკუმა ჩიებას, თიშ რჩქილას დო თიშე ფიქრის?

მიბღენთ უჯგუშ გადაწყვეტილებეფს, იპჸუაფუთ უჯგუშ მასწავლებერ, ჩქინ რწმენა უმოსო გემანგარებ დო იეჰოვაშ მიმართ ჩქინ ჸოროფა ხოლო გემანგარებ. w22.01, გვ. 30, 31.

მუს მიმეხვარებნა იეჰოვაშ დო თიშ წარმომადგენელეფიშ მიმართ ნდობაშ დოგურაფა?

ამდღა რე დრო, ქიდიბგურუათ ღორონთიშ ნდობა თით, ნამდა ეჭვ ვემშებღათ უხუცესეფიშ მითითებეფშა დო გადაწყვეტილებეფშა დო მივაჸუნათ თინეფს. თეშნერო, მზათ იპჸუაფუთ, დიდ გასაჭირიშ დროს გეგმიფრჩქინათ მორჩილება, მუჟამსით შილებე თიცალ მითითებეფ მიბღათ, ნამუთ იშენდოიშენ ჭკვერულო ვა მაძირედან. w22.02, გვ. 4—6.

მუს ნიშნენდჷ ანგელოზიშ სიტყვეფ, ნამუთ ზაქარიას უწუ: „ზერუბაბელიშ [ებრაელ მართველიშ] ხეს შვეულს ქოძირნა“? (ზაქ. 4:8—10)

თე ხილუაქ ღორონთიშ ხალხ დარწმუნ, ნამდა ტაძარიშ შენება, ნამუთ მოკრძალებურ რდჷ, გეთებუდ დო იჸუაფუდ თიცალ, მუნერით იეჰოვას ოკოდ. w22.03, გვ. 16, 17.

მუჭო შემლებნა ვორდათ „სამაგალითო . . . რაგადის“? (1 ტიმ. 4:12)

ჩქი გემუანო დო პატიცემათ იფჩიებუთ მსახურებას; მთელ გურით იბიბრთ დო რეგურალურო ვაკეთენთ კომენტარეფს შეხვალამეფს; იფჩიებუთ ალალას დო გურშა ელუკინანთ შხვეფს. თეწკუმა ართო, დუდის ეუჩილითუანთ ლანძღუას. w22.04, გვ. 6—9.

მუშენ რე დანიელიშ მა-7 დუდის მოშინაფილ ოთხ მხეციშ (სამეფოეფიშ) მახასიათებელ ნიშნეფ გამოცხადებაშ 13:1, 2-ს მოშინაფილ ართ მხეცის გაერთიანებულ?

თე მხეც ხვალე ართ მთავრობას ვარდა მსოფლიო მპყრობელს ვა ნიშნენს, მუნერით რომ რდჷ. თინა განასახიერენს არძა პოლიტიკურ მართველობას, ნამდგას დიდ ძალაუფლება უღუდ მთელ მსოფლიოს. w22.05, გვ. 9.

ნამ მთავარ საშვალებათ ვოძირანთ, ნამდა ვონდუთ იეჰოვაშ სამართალს?

მუჟამსით მიდგაინ მოწყინებაფუანა, შეურაცხყოფას მიმორინუანა ვარდა დამშენა, პრობლემაშ იეჰოვაშა გინოჩამათ, ვოცადუთ, ჩეფთხინუათ გაჟღამება დო გურიშ მოულა. იეჰოვა დამთხინუანა შხვაშ დუნაშებუთ მეღებულ არძა ემოციურ ჭუას. w22.06, გვ. 10, 11.

მუ ოკო შუდან ჯიმალეფს, მით შეხვალამაშ დროს ლოცულენა?

თინეფქ ლოცვაშ დროს ვართ რჩევა ოკო მეჩან კრებას დო ვართ განცხადება აკეთან. თინეფქ ბრელ ხანს ოკო ველოცან, განსაკუთრებულო შეხვალამაშ დოჭყაფაშ დროს (მათ. 6:7). w22.07, გვ. 24,25.

მუ გაგებათ გეთელებნა „გასასამართლებერო“ თინეფ, „მით გლახას ორთუდ“? (იოან. 5:29)

თინეფ ვეგესამართლებნა მუნეფიშ ულირ ცხოვრებაშ მიხედვით. თინეფს გასამართლენა თიშ მიხედვით, მუნერ დამოკიდებულება დო საქმეეფ აღვენუნა გათელებაშ უკულ. w22.09, გვ. 18.

მუ განსაკუთრებულ მოწოდება აკეთ რუტერფორდიქ 1922 წანაშ სექტემბერიშ კონგრესის?

კონგრესის, ნამუთ იტარებუდ სიდარ-პოინტის, ოჰაიოს (აშშ), თიქ გიმაცხად: „მეფე მეფენს! თქვა რეთ თიშ ცნობაშ საჯაროთ გუმაცხადებელეფ, ათეშენ გაცხადით, გაცხადით, გაცხადით მეფეშ დო თიშ სამეფოშ გურშენ!“. w22.10, გვ. 3—5.

მუჭოთ ესაიაშ 30-ა დუდშე იძირე, მუ სუმ საშვალებათ მოხვარნა იეჰოვა გარზებას?

თე დუდშე იძირე, ნამდა თინა 1) ურჩქილე ჩქინ ლოცვეფს დო პასუხენს, 2) მარზენა ხემძღვანელობას დო 3) კურთხევეფს მარზენა ამდღა დო მუჩანა მომავალს. w22.11, გვ. 9.

მუშენ შემლებნა ფთქუათ, ნამდა ფსალმუნიშ 37:10, 11, 29-ქ შისრულ ჯვეშო დო შისრულებ მომავალს?

დავითიშ სიტყვეფ ეჭარუნს თი კურთხევეფს, ნამუთ ისრაელს უღუდ, მაგალთო, სოლომონიშ მართველობაშ დროს. იესო იჩიებუდ მომავალ სამოთხეშ გურშენ დო მიჸონ მა-11 მუხლ (მათ. 5:5; ლუკ. 23:43). w22.12, გვ. 8—10, 14.