ყურადღებათ წეკითხითო თე წანაშ „გინაჯინალ კოშკიშ“ სტატიეფ? ქოძირით, მუჭო გაპასუხებენა თუდო მოჩამილ კითხვეფშა:

მუ მიშურს აზროვნებაშ თირუაშა? (რომ. 12:2).

თეშა ვემშურს უბრალოთ მუსხირენ ჯგირ საქმეშ კეთება. აზროვნებაშ თირუაშა მიშურს ჩქინ შინაგან პიროვნებაშ გურგედვალირო გიმორკვიება დო თიშ თირუა, მუთ ოთირალ მაფნა, ნამდა ჩქინ ცხოვრება მუთ შილებე ირნერო მეურდას იეჰოვაშ ნორმეფს. w23.01, გვ. 8, 9.

მუ მიმეხვარებნა, მიღდან გაწონასწორებულ დამოკიდებულება თი მოვლენეფიშ მიმართ, მუთ მსოფლიოს ხვადუ?

მუშო ოკო რაგად, მოინტერესნა, მუჭო ისრულებ ბიბლიურ წინასწარმეტყველებეფ თი მოვლენეფით, ნამუთ ამდღა მსოფლიოს ხვადუ. მარა თიშ მანგიორო, ნამდა ჩქინით გიშებღათ დასკვნეფ, ნამდგაქ შილებე კრებაშ ართობას ეცილას, უჯგუშ იჸუაფ, იფხემძღვანელათ თი ინფორმაციათ, მუდგას იეჰოვაშ ორგანიზაციაშე ბღებულენთ (1 კორ. 1:10). w23.02, გვ. 16.

მუ განსხვავება რე იესოშ ნათუაშ დო თიშ მიმაჸუნალეფიშ ნათუაშ შქას?

იესოქ იეჰოვაშა მეძღვინელ ერს დებად, ათეშენ ღორონთშა დუდიშ მეძღვინუა ვასაჭირუდ. თეს გეძინელ, თინა სრულყოფილ რდჷ, დღას ვეშუცოდებ, ათეშენ ვართ ცოდეფიშ მონანიება ოსაჭირუდ. w23.03, გვ. 5.

მუჭო შემლებნა ხე შევუნწყუათ თის, ნამდა კომენტარეფს შხვეფქ ხოლო მიღან მონაწილება?

მოკლე კომენტარეფიშ კეთებათ შხვეფს ხოლო ვუტენთ ორაგადეს. თეს გეძინელ, ჯგირ იჸუაფ, დუდ ეუჩილითუათ აბზაცშე არძა აზრიშ მოშინაფას. თეშნერო, შხვეფს ხოლო ქიმეფჩანთ საშვალებას, გაკეთან კომენტარეფ. w23.04, გვ. 23.

მუ მიშურს ესაიაშ 35:8-ს მოშინაფილ „სიწმინდეშ შარაშა“?

ბიბლია სიმბოლურ „სიწმინდეშ შარას“ პირველო თიმწკუმა მიშინუანს, მუჟამსით იუდეველეფქ ბაბილონშე იერუსალიმშა მიმაულარ შარას ქიგიოდირთეს. მუშ რაგად შილებე ამდღარ დროშე? 1919 წანაშახ საუკუნეეფით ადრე თე შარაქ მომზადებულქ იჸუ, მუდგაშა მიშეშ ბიბლიაშ თარგმნუა, ბეშტუა დო ხოლო შხვა საქმეეფ. შედეგო ღორონთიშ ხალხ სულიერ სამოთხეს რე დო გეჸუნს „სიწმინდეშ შარას“, ნამუთ მიჸონანს თი კურთხევეფშა, მუდგას ღორონთიშ სამეფო მიღანს. w23.05, გვ. 15—19.

მუ მოწვიებაშ გურშენ ბგებულენთ იგავეფიშ მა-9 დუდის მოშინაფილ ჟირ სიმბოლურ ოსურკოჩშე?

წიგნ „იგავეფს“ მოშინაფილ რე „უჭკუე ოსურ“, მიდგაშ მოწვიებაშ მეღებას ღურა მოჸუნს. თეს გეძინელ, მოშინაფილ რე „სიბრძნე“, ნამდგას კინ ოსურკოჩ ასიმბოლოენს დო მით, თიშ მოწვიებას მიღენს „გონიერეფიშ შარას“ გიოდირთუ დო მარადიულ სიცოცხლეს მიღენს (იგავ. 9:​1, 6, 13, 18). w23.06, გვ. 22—24.

მუჭო იძირ ლოტიშ შემთხვევაშე იეჰოვაშ თანდაბლობაქ დო გონიერებაქ?

იეჰოვაქ გაფრთხილ ლოტ, ქიდიტუკო სოდომ დო ინტუკო გვალამ მხარეშა. მარა, მუჟამსით ლოტიქ თხუ, ნამდა ცოარშა ნტებაშ უფლება ქიმეჩკო, იეჰოვაქ ქუდაჸუნ თის. w23.07, გვ. 21.

მუშ კეთება შეულებ ოსურს, მუჟამსით თიშ ქომონჯ პორნოგრაფიას უჯინე?

ოსურს ოკო შუდას, ნამდა თენა მუშ ბრალ ვა რე. თიქ მთელ ყურადღება ოკო გეგნიღას იეჰოვაწკუმა პირად ურთიერთობაშა დო დეფიქრას ბიბლიას მოჩამილ თი ოსურკათაშ შემთხვევეფშე, მით იეჰოვას მირჩქინანდეს დუდიშ გითაფორაფალო. თეს გეძინელ, თის შეულებ მეხვარას მუშ ქომონჯის, დუდ აურიდას თიცალ სიტუაციეფს, ნამდგაშ დროს შილებე ცდუნებას გეიაჸუნას. w23.08, გვ. 14—17.

მუჭო მიმეხვარებნა გურგოჩამილობა ლიბ ხასიათიშ გიმორჩქინას, მუჟამსით ჩქინ რწმენაშ გურშენ სირთულეეფს ფხვადუთ?

მუჟამსით მიდგარენ კითხვას მისვენა ვარდა მაკრიტიკენა, შემლებნა თენა თიშ გაგებელო გეგმიბრინუათ, მუს ფიქრენს დო მუ მოტივეფ უღჷ თის. თეშნერო შემალებენა ადამიანეფს თავაზიანო უპასუხათ. w23.09, გვ. 17.

მუშ გურაფა შემლებნა მარიამიშ მაგალითშე საჭირო ძალაშ მეღებაწკუმა დაკავშირებით?

მუჟამსით მარიამქ გეგჷ, ნამდა მესიაშ დიდა იჸუაფუდ, საჭირო ძალაშ მიოღებელო შხვეფს ქოთხუ მოხვარა. გაბრიელ დო ელისაბედიქ მარიამს წინასწარმეტყველურ სიტყვეფით გურშა ელუკინეს. ჩქი ხოლო შემლებნა თანაქრისტიანეფიშ საშვალებათ გემამნგარათ. w23.10, გვ. 15.

მუჭო შილებე იეჰოვაქ უპასუხას ჩქინ ლოცვეფს?

იეჰოვა მარწმუნენა, ნამდა ირჩქილე ჩქინ ოთხუალს დო თის ხოლო ოკვირ, მუჭო ოკავშირ ჩქინ ოთხუალ მუშ განზრახვას (იერ. 29:12). თიქ შილებე ართდოიგივე ოთხუალს შხვადოშხვანერო უპასუხას, მარა შემლებნა დარწმუნებულ ვორდათ, ნამდა ირიათო ელამდირთუნა. w23.11, გვ. 21, 22.

თიშ უკულ, მუთ პავლექ რომაელეფიშ 5:2-ს იჩუ იმენდიშ გურშენ მუშენ დართჷ თე საკითხის მა-4 მუხლის?

სახიოლო ამბეშ მორჩქილაფაშ უკულ, პიროვნებას დედამიწას მარადიულ ცხოვრებაშ იმენდ ურჩქინდუ. მარა თიშ უკულ, მუთ შხვადოშხვა განსაცდელს მოთვინებათ გეგნიღანს დო ღორონთიშ მოწონას მიღენს, თე იმენდ უმოსო იმანგარებ დო რეალურო გინირთუ თიშო. w23.12, გვ. 12, 13.