კანკალეშა გიმირინუანდეს. გუვარჩუათ ართ მაგალითი. კანონიშ 24:14, 15-ის ინოჭარ: „ვაღორა სქან დიხას, სქან ქალაქის, ქირებულ მუშა, ნამუსით გაჭირება უღჷ, მუთუნ ვაპალუ, გოკონდა სქანიან რდას დო გოკონდა შხვა ქიანაშე მუნაულა . . . ვარა ქოიჩიულენს იეჰოვაწკუმა დო ცოდა ქიგგადვალუ“.

ართ თეშნერ შემთხვევა მოშინაფილ რე ჭკუდიშ ნოტეხის, ნამუთ ჯვ.წ. მაშკვითა საუკუნეთ რე დათარიღებული. თინა ძირეს აშდოდიშ გოხოლოუას. შილებე თენა ჭარკო მუშაქ, ნამუსით საეგებიოთ ბატონშა ვემიაჩინ ოკუთვნუდუნ თიზმა მარცველულქ. თე ნოტეხის გეჭარ: „მუსხირენ დღაშ წოხლე, მუჟამსით სკან მსახურქ [მიდგა ჩიულენსინ] მოსავალიშ ეჭოფუა გათუნ, შობიშ სქუა ჰოშაიაჰუქ ქუმორთ დო გეჭოფ სქან მოინალეშ მიკაქუნალი . . . არძა მით თაკარია ჩხანას ჩქიმწკუმა ართო მოსავალს ეთმოჭოფუნდუნ დადასტურენს . . . ნამდა მართალს იფჩიებუქ დო მუთუნ ბრალ ვა მიღჷ . . . მმართველ მუკაქუნალიშ დორთინაფას მუშ მოვალეობათ ვა თვალუნს-და, სიცოდილიშ გურშენ ვარა გაკეთას თენა! მუჟამსით სქან მოინალე მუკაქუნალიშ უმშო რენ, ხონარ ოკო გეკიღე“.

ისტორიკოს საიმონ შამა თე საჩივარიშ გურშენ იჩიებ: „თავრეშე გურგოტახილ მუშაშ სიტყვეფშე უმოს იძირე . . . საეგებიოთ, მიდგა ჩიულენსინ თის მუდგარენ უჩქუდჷ ლევიანეფს დო მაჟია კანონს ენოჭარილ ბიბლიურ კანონიშ გურშენ, ნამუთ გაჭირებულ ხალხშა გლახათ მოქციებას ოხუდჷ“.