ქუგაფნანო გურგოჩამილო კითხირებულ „გინაჯინალ კოშკიშ“ ბოლო ნომერეფი? ქოძირით, მუჭო გაპასუხებენა თუდო მოჩამილ კითხვეფშა:

ნამ ოთხ საშვალება მიმეხვარებნა უჯგუშო იბიბრათ?

ობირეშეფიშ წიგნი მაღალას ოკო მიკინებდან. თეს გეძინელ, სწორაშე ოკო იბსუნთქათ. პიჯის ჯგირო გუვონჯანთ დო ხონარს ქევუკუნანთინ, შემალებენა ხონარმაღალო ბირა (w17.11, გვ. 5).

მუთ რე შთამბეჭდავ ისრაელს დუდიშ გითაფორაფალ ქალაქეფიშ განლაგება დო თიშა მიოულარ შარეფ?

ისრაელს ამშვ დუდიშ გითაფორაფალ ქალაქ მალწყარ იორდანეშ მელე მოლე რდუ განლაგებულ, ნამდგაშ მიოულარო ჯგირ შარეფ რდუ კეთებულ. თე ქალაქეფ მოხუჯურ დო შედარებით ადვილ ოგორალ აფუდ პიროვნებას, ნამუთ თექ მინტებუდ (w17.11, გვ. 14).

მუშენ რე იესოშ გიშაჸიდირალიშ მსხვერპლ არძაშ უჯგუშ საჩუქარ, ნამუთ ღორონთიქ მუჩეს?

თე საჩუქარ საშვალებას მარზენა მიღდან მარადიულ სიცოცხლე; თიშ უმშო დუდ ვადმარსხებედეს ცოდა დო ღურაშე. ღორონც უჸორს ადამიშ გამნარყ, ათეშენ თიქ იესოშ სიცოცხლე დათმ, დიო ხოლო ცოდამეფ ვორდითინ თეშ (wp17.6, გვ. 6, 7).

მუჭო მეუთითენს ფსალმუნიშ 118:22 იესოშ გათელებაშა?

იესო ვემიღეს მუჭო მესია დო დოჸვილეს. „კუნთხუშ დუც გიოდვალარ ქუათ“ გინირთკონ თიშენ, თიქ ოკო გეთელკო (w17.12, გვ. 9, 10).

ქორდ დო ვარ პირმშოობა საჭირო, ნამდა პიროვნება მესიაშ საგვარეულო ხაზის ქოჸოფედკო?

მესიაშ საგვარეულო ხაზი ირიათო ვემიშ პირმშოეფშე. დავით იესეშ უნჩაშ სქუა ვა რდუ, მარა მესიაქ დავითიშ გამნარყშე მორთ (w17.12, გვ. 14, 15).

მედიცინას ოხუნ ფერ ნამ პრინციპეფი რე მოჩამილ ბიბლიას?

კანონს მოჩამილ რდუ, ნამდა ნამთინე ლახალაშ დროს ლეხიქ შხვეფშე ცალკე ოკო იცხოვრუკო. ღურელწკუმა შეხებაშ უკულ, აუცილებერო ოკო გიბონესკო. კანონ ითხინდ, ნამდა ექსკრემენტეფ ოცხოვრებელ ადგილშე მიკოკინელს ოკო დუნთხორდესკო. ღორონთიშ კანონს ჭარუდ, ნამდა ახალდაბადებულშა წინადაცვეთა მაბრუო დღას ოკო უკეთებდეკსო, მუჟამსით ზისხირიშ შედედება საჭირო დონეს მიოჭირინუანს (wp18.1, გვ. 7).

მუშენ რე ზომიერო დუდიშ ჸოროფა მისაღებ ქრისტიანშო?

ჩქი მოყვას ჩქინ დუდცალო ოკო მიჸორდან (მარ. 12:31). ქომონჯეფს მუნეფიშ „დუდცალო ოკო უჸორდან ოსურეფი“ (ეფეს. 5:28). მარა შილებე ზედმეტო ქიპოროფუათ ჩქინ დუდ (w18.01, გვ. 23).

მუ ნაბიჯეფიშ გინოდგუმა რე საჭირო, ნამდა სულიერო წიმი მიდაფრთათ?

საჭირო რე იპკითხათ ღორონთიშ სიტყვა, იფიფქრათ ნაკითხერშე დო გიმიბრინუათ ნაგურეფ ცხოვრებას. ჩქი საშვალება ოკო ქიმეფჩათ წმინდა შურს, ქიმოქმედას ჩქინ გურ დო გონებაწკუმა დო თეწკუმა ართო, მიბღათ შხვეფშე მოხვარა (w18.02, გვ. 26).

მუშენ ვა უჩქჷ ასტროლოგიას დო მაკითხეფს, მუ მოხვადუ მომავალს?

თეშ ბრელ მიზეზ არსებენს, მარა მთავარ მიზეზ თინა რე, ნამდა ბიბლია ვეწონუანს ვართ ართის დო ვართ მაჟიას (wp18.2, გვ. 4, 5).

მუჭო ოკო მიფქცუათ, მუჟამსით სტუმარო მაპეჯენა?

მუჟამსით სტუმარო ქუდმაპეჯენან, ირნერო ვეცადათ ოკო შევასრულათ ჩქინ პირობა (ფსალმ. 15:4). მენძელ ბრელს ხანდეს, ნამდა პატი ქოფცან, ათეშენ სერიოზულ მიზეზ ვამღუნან-და, ვეგნობდვათ ოკო სტუმარო მეულა (w18.03, გვ. 18).

მუშ გურაფა შეულებნა პასუხიშმგებელ ჯიმალეფს ტიმოთეშ მაგალითშე?

ტიმოთე ზრუნენდჷ შხვეფშო დო სულიერ საქმეეფს პირველ ადგილს გიორინუანდჷ. თინა ბრელს ორთუდ წმინდა მსახურებას დო ნაგურეფუს ცხოვრებას გიმირინუანდ. ტიმოთე აგრძელენდ რჩქინაშ მეღებას დო ონდუდ იეჰოვაშ წმინდა შურს. მუჭოთ უხუცესეფს, თეშ შხვეფს ხოლო შეულებნა მიაჸუნან ტიმოთეშ მაგალითის (w18.04, გვ. 13, 14).