ბრელ მაუწყებელ კრებაშ შეხვალამეფიშ მამზადებელო ირინუანს „JW ბიბლიოთეკას“ დო მანგარო მოწონა, ნამდა ადვილო მიოგორუანა „გინაჯინალ კოშკიშ“ ოგურაფალ სტატიეფს. მარა „გინაჯინალ კოშკის“ რე ხოლო შხვა სტატიეფ, სოვრეშეთ შემლებნა სულიერ საზრდოშ მეღება. მუჭო შეილებნა მიოგორუათ თე სტატიეფს დო „JW ბიბლიოთეკაშ“ გიმორნაფათ უმოს ჯგირობუა მიღათ თინეფშე?

• „გინაჯინალ კოშკის“ თითოულ ოგურაფალ სტატიაშ ბოლოს მოჩამილ რე ლინკ. ქიგუნჭირით თე ლინკის დო გამკორჩქიდუ თე ჟურნალს მოჩამილ არძა სტატია. შეილებნა თოლ გეგნულინუათ სარჩევს, სოდეთ ოგურაფალ სტატიეფ მუქ ასოეფით რე ჭარილ დო დანომრილ რე. გეგშეგორით ოგურაფალ ვა რენ ფერ სტატიეფშე ნამდგაინ, ნამდგაშ კითხირ გოკონა.

• „JW ბიბლიოთეკაშ“ მთავარ გვერდის შეილებნა ქოძირათ „გინაჯინალ კოშკიშ“ ახალ გიშაშქუმალა დო გეგნოჭარათ თინა. გინოჭარუაშ უკულ გონწყით ჟურნალ დო გემშართით სარჩევშა, ნამდა შეგალებუან ჯგირობუა მიღათ არძა სტატიაშ კითხირით, იჸუაფ თენა ოგურაფალ დოვარ შხვა.