არძას ქიანაშ საქმე მიღნა, ათეშენ იშენდოიშენ ბრელ დრო ვა მოსქიდნა პირად გურაფაშო. მუჭო შეილებნა გონივრულო გეგმირინუათ დრო? პირველ რიგის, დასაბაღ დრო გეგმურთით გიმორკვიებას. ჭიჭე მასალაშ გურგედვალირ კითხირ უმოს ჯგირობუას მოიღანა, ვინემ დიდ მასალაშ გინორულაფირო კითხირ.

გეგნოჭყვიდით, ნამ უმოს პრიორიტეტულ რე (ეფეს. 5:15, 16). თეს შილებე მიგეხვარან თუდო გიმოკოროცხილ რჩევეფიშ გიმორნაფაქ:

• წეკითხით ბიბლია ირდღას (ფსალმ. 1:2). დაჭყაფუს შილებე თეშო პრაქტიკულქ იჸუას წეკითხათ თი დუდეფ, ნამდგას ირმარას, შქა მარაშ შეხვალამას ვარჩიენთ.

• წინასწარ გარჩით „გინაჯინალ კოშკიშ“ ოგურაფალ სტატია დო შქა მარაშ შეხვალამას გარჩიებელ მასალა დო მამზადით კომენტარეფ (ფსალმ. 22:22).

• მიღით შხვა სულიერ საზრდო ხოლო. მაგალთო, მუჭოთ დრო ქუგაშინა, გემშართით ვებგვერდშა jw.org დო ქოძირით თექ გედვალირ ჟურნალეფ, ვიდეოეფ დო შხვა მასალა.

• გეგმირკვით თი საკითხ, ნამუთ გოინტერესნა. მაგალთო, შეილებნა გეგმირკუათ, მუჭო გიორჯგინათ თი პრობლემას, ნამუთ გიღნა. თეს გეძინელ, შეილებნა ქიგეგათ თი კითხვაშ პასუხ, ნამუთ გოინტერესნა ვარდა გეგმირკუათ თი ბიბლიურ საკითხ, ნამდგას გოკონა უჯგუშო ქინანჭათ.