იერუსალიმს მნიშვნელოვან შაყარუაშ დროქ ქუდოდირთ. დავით მეფექ აკოშაყარუ არძა მთავარი, სამეფო კარიშკოჩეფი დო ძალიერ ქომოლკათა. თინეფ აღფრთოვანებულ რენა თი სპეციალურ განცხადებათ, ნამუთ მირჩქილეს. იეჰოვაქ დავალ დავითიშ სქუა სოლომონს, აუშენებუდკო განსაკუთრებულ კონსტრუქციაშ შენობა, ნამუთ იჸუაფუდ ღორონთიშ თაყვანიშცემაშო მერჩქინელი. ხანშა მიშულირ ისრაელიშ მეფექ ღორონთშე არქიტექტურულ გეგმა მიღუ დო თენა სოლომონს გეგნოჩუ. დავითიქ თქუ: „თე საქმე დიდ რე, მუშენდა თე დიდებულ ჸუდე იეჰოვა ღორონთშო რე დო ვართ ხოლო კოჩშო“ (1 მატ. 28:1, 2, 6, 11, 12; 29:1).

თეშ უკულ დავითიქ იკითხუ: „მი ინებენს ამდღა იეჰოვაშო მუშ ნება- სურვილით ხე გეიფშას ძღვინით?“ (1 მატ. 29:5). თქვა თექ ქოჸოფედითკონ, მუჭო მიქციებუდით? მიღენდითო მონაწილებას თე დიდ საქმეს? ისრაელეფქ ხეთეშე ქეშუდირთეს თე საქმეს. ნამდვილო, ხალხი „გახარ შესაწირიშ მუშ ნება-სურვილით მეღალაქ, მუშენდა თინეფქ მთელ გურით ქიმიღეს შესაწირავ იეჰოვაშო“ (1 მატ. 29:9).

საუკუნეეფიშ უკულ იეჰოვაქ იერუსალიმიშ ტაძარშე უმოს დიდი, სულიერ ტაძარ დაფუძნუ, ნამუშ ჭყოლოფუათ ხალხის შეულებ დეახლოვას დო თაყვან ცას ღორონთის იესოშ გიშაჸიდირალ მსხვერპლიშ საფუძველშა (ებრ. 9:11, 12). იეჰოვა ამდღა მოწაფეეფიშ მომზადებაშ საქმეთ ოხვარ ხალხის, ნამდა მუს გერიგან (მათ. 28:19, 20). თე საქმეშ რეზულტატ თინა რე, ნამდა ირ წანას მილიონობით ბიბლიაშ გურაფა იტარებუაფ, ანთასობით მოწაფე ინათუ დო ოშობით ახალ კრება ინწყუმუ.

ათეშგურშენ საჭირო რე, უმოს მეტ ბიბლიურ ლიტერატურაშ გიშაშქუმალა, სამეფო დო საკონგრესო დარბაზეფიშ შენება. ქათანხმუთო თის, ნამდა სახიოლო ამბეშ ქადაქება დიდებულ დო ჯილდოშ მუმუღალარ საქმე რე? (მათ. 24:14).

ღორონთიშ დო მოყვასიშ ჸოროფა დო სახიოლო ამბეშ უგნუდვალუო ქადაქებაშ აუცილებლობა, ღორონთიშ ხალხის სტიმულს არზენს, ნამდა იეჰოვაშო მუნეფიშ ნება-სურვილით ხე გეიფშან ძღვინით. ღორონთის გურს უხარენთ, მუჟამს პატის გებდვანთ თის დო ჩქინ ქონებაშე შესაწირს ვაკეთენთ დო თიშ ძირაფა ხოლო, ნამდა თე ირფელს ჭკვერულო გიმიბრინუანთ არძაშ უჯგუშ საქმეშო კაცობრიობაშ ისტორიას (იგავ. 3:9).