იეჰოვა — ირფელიშ შემალებე დო ყურადღებიან ღორონთ
„[იეჰოვას] ჯგირო უჩქჷ, მუჭო ვორეთ გოჭყაფილ, ვაჭყორდუ, ნამდა ტვერ ვორეთ“ (ფსალმ. 103:14).
ობირეშეფი: 30, 10
1, 2. ა) გავლენიან კათაშ გინაწონს, მუჭო ოქცუ იეჰოვა ხალხის? ბ) მუს გუვარჩიენთ თე სტატიას?
გავლენიან დო ძალაუფლება უღნან ფერ კათა ოცადნა იუნჩაშან დო დამცირან შხვეფ (მათ. 20:25; ეკლ. 8:9). მარა იეჰოვა ღორონთ დღას ვექციებ თაშ. თინა ირფელიშ შემალებე რე, მარა თინა იშენით დიდ ყურადღებას გიმირჩქინანს არასრულყოფილ კათაწკუმა. ღორონთ ფიქრენს ჩქინდე დო ოინტერეს, მუს ბგინაფლენთ დო მუ მოსაჭირნა. ღორონც „ვაჭყორდუ, ნამდა ტვერ ვორეთ“, ათეშენ დღას ვა მოფთხინა თიშე მეტის, ვინემ შემლებნა (ფსალმ. 103:13, 14).
2 ბიბლიას ბრელ მაგალით რე მოჩამილ, მუჭო გიმირჩქინანდჷ იეჰოვა მუშ მსახურეფიშ ყურადღებას. მორთ, გუვარჩუათ სუმ მაგალით. პირველ, დეფიფქრათ, მუჭო მეხვარ ღორონთიქ ახალგაზრდა სამუელს, გეგნუჩამუდკო მღვდელმთავარ ელიშა იეჰოვაშ განაჩენ; მაჟია, მუჭო გიმირჩქინ იეჰოვაქ მოთვინება მოსეწკუმა, მუჟამსით თინა ფიქრენდჷ, ნამდა ვეშიალებედ ისრაელიშ ეგვიპტეშე გიშაჸონაფა; მასმა, მუჭო გიმირჩქინ ღორონთიქ ყურადღება ისრაელიშ ეგვიპტეშე გიშაჸონაფაშ უკულ. თე მაგალითეფიშ გარჩიებაშ დროს, დეფიფქრათ, მუს ბგებულენთ იეჰოვაშენ დო მუჭო შემლებნა ნაგურეფ გეგმიბრინუათ ცხოვრებას.
მუმასქუალურ ყურადღებაშ გიმორჩქინა
3. მუქ მოხვად ართ სერს ახალგაზრდა სამუელიშ ცხოვრებას დო მუ კითხვა წიმიჭკირუ? (ქოძირით სურათ 23-ა გვერდის).
3 სამუელი იეჰოვაშ კარავს ბაღანობაშე მსახურენდჷ (1 სამ. 3:1). ართ სერს, დორულაფას აპირენდუნ თეშ, მუდგარენ უჩვეულოქ ქუმოხვად * (წეკითხით 1 სამუელი 3:2—10). * თის ქელასიმ, ნამდა მიდგარენ სახელით უძახუდ. სამუელქ იფიქრჷ, ელიქ უძახუდ, ათეშენ ქიმირულ თიშა დო უწუ: „ამარ ვორექ“. მარა თიშა ელის ვა დუძახინ. მუჟამსით თე სიტუაციაქ კინ ჟირშა გემეორუნ, ელიქ ქიმეხვად, სამუელს ღორონთ უძახუდ. თიქ სამუელს უწუ, მუჭო მიქცუკო დო სამუელქ ხოლო დემორჩილ თის. მუშენ ვა უწუ იეჰოვაქ ხეთეშე სამუელს, თის ელი ვარინ, მუ უძახუდ? ბიბლია მუთუნს ვეჩიებ თეშ გურშენ, მარა უკულიან მოვლენეფშე იძირე, ნამდა შილებე იეჰოვა სამუელიშ გრძნობეფს ითვალისწინენდკო. მუშენ შილებე თეშ რაგად?
4, 5. ა) მუჭო შეასრულ სამუელქ ღორონთშე მეღებულ დავალება დო მუ შედეგიქ მაჸუნ თეს? ბ) მუს მოგურუანა თე შემთხვევა იეჰოვაშ გურშენ?
4 წეკითხით 1 სამუელი 3:11—18. * იეჰოვაშ კანონ ავალდებულენდჷ ბაღანეფს ხანშა მიშულირეფიშ, განსაკუთრებულო ხემძღვანელობა ოვალდესინ ფერ კათაშ პატიცემას (გამ. 22:28; ლევ. 19:32). მუჭო ფიქრენთ, ადვილ იჸუაფუდუო სამუელშო, გოთანაშა ქიმერთუკო ელიშა დო გაბედულო გეგნოჩკო თის იეჰოვაშ განაჩენ? მუშო ოკო რაგად, ვარ! ბიბლიას სამუელიშ გურშენ პკითხულენთ, ნამდა ოშკურუდ, ქუწუკო ელის თინა, მუთ ხილუას ძირჷ. მარა იეჰოვაქ ელიქ ქუგაგებაფუ, სამუელს თინა უძახუდუნ. ათეშენ ელიქ სამუელს უწუ, მუთუნ ვა უფულკო, მუთ ღორონთიქ გინოჩ. სამუელქ დემორჩილ თის დო ქუწუ ირფელ.
5 ელის იშენდოიშენ ვა გაკვირებ სამუელიშ ნარაგად, მუშენდა უმოს ადრე „ღორონთიშ კოჩიქ“, ნამუშ სახელ ბიბლიას მოშინაფილ ვარენ, თეგვარ ცნობა გინოჩ მღვდელმთავარს (1 სამ. 2:27—36). თე შემთხვევაშე ვორწყეთ, მუნერ ყურადღებიან დო ბრძენ ღორონთ რე იეჰოვა.
6. მუშ გურაფა შეილებ თი შემთხვევაშე, მუჟამსით იეჰოვაქ მეხვარ ახალგაზრდა სამუელს?
6 ახალგაზრდა ქორექ-და, სამუელიშ მაგალითშე შეილებ ძირე, ნამდა იეჰოვას არჩქილე თი სირთულეეფ, ნამდგას შეხვადუქ. შილებე მორდებუან რექ დო გოძნელ სახიოლო ამბეშ გურშენ შხვეფწკუმა რაგად ვარდა სქან მახანეფშე განსხვავებულ რექინ თინა გოონჯღორდას. რჯერდას, ნამდა იეჰოვას ოკო მიგეხვარას. თაშ ნამდა, ლოცვას გურ გეგნუფაჩ თის (ფსალმ. 62:8). დეფიქრ ბიბლიას მოჩამილ ახალგაზრდეფიშ, მაგალთო, სამუელიშ შემთხვევაშე. თეს გეძინელ, ქუდურაგადე და დო ჯიმალეფს, მუჭოთ სქან მახანეფსინ თეშ, უნჩაშეფს ხოლო, მიდგაქ თეცალ სირთულეს გიორჯგინ. შილებე თიცალ შემთხვევეფ უღდან, მუჟამსით იეჰოვაქ შურო ველდესინ ფერ საშვალებათ მეხვარ პრობლემაშ მოგვარებას.
ყურადღებაშ გიმორჩქინა მოსეწკუმა
7, 8. მუჭო ოძირუ იეჰოვაქ, ნამდა ყურადღებას გიმირჩქინანდჷ მოსეწკუმა?
7 80 წანერ მოსეს იეჰოვაქ რთულ დავალება მეჩჷ. მოსექ ისრაელეფ ეგვიპტეშ მონობაშე ოკო დერსხუკო (გამ. 3:10). თინა 40 წანას მიდიანს შხურეფს ჭყიშანდჷ დო მუშო ოკო რაგად, თეცალ დავალება თის დაშკურინუანდჷ. მოსექ თქუ: „მა მი ვორექ, ნამდა ფარაონშა იბდე დო ეგვიპტეშე ისრაელ გიშეპჸონე?“. ღორონთიქ დარწმუნ მოსე: „მა იპჸიქ სქანწკუმა“ (გამ. 3:11, 12). თეს გეძინელ, იეჰოვაქ ისრაელიშ უხუცესეფიშ გურშენ თქუ, ნამდა ქუდუჯერენდეს მოსეს. თეშ პასუხო მოსექ იკითხ: „დავუშვათ ... ვა მომრჩქილეს?“ (გამ. 3:18; 4:1). თეშ იძირედ, ნამდა მოსეს იეჰოვაშ ნარაგად ოეჭვუდ. მარა ღორონც მოთვინება ვა უდინუაფ დო ხოლო უმოს გაკეთ თიშო. მოსე რდუ პირველ კოჩ, ნამუსით იეჰოვაქ სასწაულეფიშ კეთებაშ ძალა მეჩჷ (გამ. 4:2—9, 21).
8 მოსე იშენით ოცადუდ დუდიშ გიშაღალას დო იჩიებუდ, ნამდა ვა რდუ ჯგირ მორაგადე. თეშ პასუხო იეჰოვაქ უწუ: „მა იპჸიქ სქანწკუმა დო მა გიწინქ, მუ ოკო თქუე“. ბოლო-ბოლო დეთანხმუო მოსექ? მუჭოთ იძირენ, ვარ, მუშენდა თიქ ღორონც ქოთხუ, შხვა მიდუშკუმალუდკო. თეცალ პასუხიშ უკულ იეჰოვაქ სამართლიანო გერისხ, მარა იშენით გეთვალისწინ თიშ გრძნობეფ დო აარონ ქელურინუ დამხმარეთ (გამ. 4:10—16).
9. მუჭო მეხვარ იეჰოვაშე მოთვინებაშ დო ყურადღებაშ გიმორჩქინაქ მოსეს, შეასრულკო მუშ დავალება?
9 მუს ბგურაფლენთ იეჰოვაშ გურშენ თე შემთხვევაშე? თინა ირფელიშ შემალებე ღორონთ რე დო შეულებუდ მოსეს მორჩილება დანძალკო. მარა ღორონთიქ მოთვინება დო სიჯგირა გეგმირჩქინ დო ოცადუდ მუშ თანდაბალ მსახურიშ დარწმუნებას. მუ შედეგიქ მაჸუნ იეჰოვაშ მხარეშე თეგვარ ყურადღებაშ გიმორჩქინას? მოსექ დიდებულ წინამძღოლო გინირთ, ნამუთ ოცადუდ მიაჸუნკო იეჰოვაშ მაგალითის და გეგმირჩქინკო შხვეფიშ ყურადღება (რიცხ. 12:3).
ქიმეჸუნთო იეჰოვაშ მაგალითის, მუჟამსით საქმე შხვეფწკუმა ურთიერთობას ოხუ? (ქოძირით აბზაცი 10)
10. მუ ჯგირობუას მოიღანა, მუჟამსით ოცადუთ მიაჸუნათ იეჰოვაშ ყურადღებიანობაშ მაგალითის?
10 მუშ გურაფა შეულებნა თავრეშე ქომონჯეფს, მშობლეფს დო კრებაშ უხუცესეფს? თინეფს გარკვეულ ძალაუფლება უღნა. ათეშენ, მნიშვნელოვან რე მიაჸუნან იეჰოვაშ მაგალითის დო გეგმირჩქინან ყურადღება, სიჯგირა დო მოთვინება თინეფწკუმა ურთიერთობაშ დროს, მიდგაშე ზრუნენა (კოლ. 3:19—21; 1 პეტ. 5:1—3). მუჟამსით ქეცადებუთ, მიაჸუნათ იეჰოვაშ დო დიდ მოსეშ, იესო ქრისტეშ მაგალითის, შხვეფს უმოსო გეადვილებნა თქვანწკუმა ურთიერთობა (მათ. 11:28, 29). თეს გეძინელ, თეთ ჯგირ მაგალითის მეჩანთ არძას (ებრ. 13:7).
ძალიერ დო ყურადღებიან ღორონთი
11, 12. მუ აკეთ იეჰოვაქ, ნამდა ეგვიპტეშე გიშულაშ უკულ, ისრაელეფქ დუდ თხილერო ქიგინესკო?
11 ჯვ. წ. 1513 წანას, მუჟამსით ისრაელეფქ ეგვიპტეშე გიშართესინ, სუმ მილიონშე უმოს რდეს. თინეფ შკას რდეს ბაღანეფ, ხანშა მიშულირეფ დო თი კათა, მიდგას ჯამრთელობაშ პრობლემეფ უღუდ. თე კათას თიცალ წინამძღოლ ოსაჭირუდ, ნამუთ თინეფიშ მდგომარეობაშა მიშელენდჷ დო გაუგენდჷ. იეჰოვა ზუსტას თეშნერ წინამძღოლ რდუ დო თექ თიმწკუმა გეგმორჩქინდჷ, მუჟამსით მოსე ხემძღვანელო დანიშნჷ. მუ რდუ თეშ შედეგ? ისრაელეფს ეგვიპტეშ გალე სოთინ ვა უცხოვრებნა, მარა მუჟამსით თე მხარე ქიდიტესინ, დუც თხილერო გინაფლენდეს (ფსალმ. 78:52, 53).
12 მუ აკეთ იეჰოვაქ, ნამდა მუშ ხალხიქ დუდ თხილერო ქიგინკო? თიქ ისრაელეფ „რაზმეფო“ გორთჷ დო თაშ გეგშეჸონ ეგვიპტეშე (გამ. 13:18). თეცალ ორგანიზებაშ ჭყოლოფათ, ისრაელეფ ქოძირუნდეს, ნამდა ღორონთ აკონტროლენდჷ სიტუაციას. თეს გეძინელ, ბიბლიას ჭარ, ნამდა იეჰოვა „დღაშით მუნაფათ ეწოჸუნდ დო სერით — დაჩხირიშ სინთეთ“. თეგვარო, ისრაელეფ ორწყედეს, ნამდა ღორონთ თინეფწკუმა რდუ (ფსალმ. 78:14). იეჰოვა ურაგადუდ თინეფს: „ვა გაშკურნას. თქვანწკუმა ვორექ დო მა დორთხილანქ“. მუშო ოკო რაგად, თეგვარ გურიშ ელაკინა თინეფს დასურო ოსაჭირდეს.
მუჭო გეთვალისწინ იეჰოვაქ ისრაელეფიშ მდგომარეობა, მუჟამსით თინეფქ ჭითა ზღვა გინოკვათეს? (ქოძირით აბზაცი 13)
13, 14. ა) მუჭო გეთვალისწინ იეჰოვაქ ისრაელეფიშ მდგომარეობა, მუჟამსით თინეფქ ჭითა ზღვა გინოკვათეს? ბ) მუჭო ოძირუ იეჰოვაქ, ნამდა ეგვიპტელეფშე ძალიერ რდუ?
13 წეკითხით გამოსვლა 14:19—22. * წერმიდგინით, ნამდა უკახალე ფარაონიშ ჯარ მიკოირენა დო წოხოლე ჭითა ზღვა გიწოიძნა. უკულ იეჰოვა იჭყანს მოქმედებას. მუნაფაშ სვეტ ბანაკიშ უკახალე გინმურს დო ეგვიპტეშ ჯარს ისრაელიშ ბანაკიშ ხოლოშა ვამაშკვანს. ეგვიპტელეფ წკურუმ უკმელას რენა, მარა თქვან ბანაკი განათებულ რე. უკულ ორწყეთ, ნამდა მოსექ მუშ ხე მაღალაშე გეჭოფ ზღვაჸურე დო აღმოსავლეთიშ ქარბორიაქ ზღვა შკას გორთჷ. ოჯახწკუმა, ორინჯწკუმა დო შხვეფწკუმა ართო ორგანიზებულო გინმოკვათუნთ ზღვას დო ქვინჯის გიობიჯგუანთ კუჩხის. ორწყეთ, ნამდა დიხა ვართ ბალოტამ რე დო ვართ გოჸინილ; თინა სკირ რე დო კუჩხიშ გებიჯგაფა შეილებნა. შედეგო, თინეფ ხოლო, მისით გილულა უჭირან, ადვილო გინმულა მაჟია მხარეშა.
14 წეკითხით გამოსვლა 14:23, 26—30. * თე დროს ამაყ დო უგუნურ ფარაონქ ხოლო მინდომ ზღვაშ გინოკვათუა. ხოლო ართშა მოსე ხეს მაღალაშე ეუკინანს დო თე დროს ზღვა, ნამუთ მელე-მოლე კიდალეფო რე გორთილინ, ეკმოცენს დო ართიანს არაგუ. ფარაონს დო მუშ ჯარს გინოსკილადაშ შანსეფ ვა უღჷ! (გამ. 15:8—10).
15. მუს ბგურაფლენთ თე შემთხვევაშე იეჰოვაშ გურშენ?
15 თე შემთხვევაშე ვორწყეთ, ნამდა იეჰოვა წესრიგიშ მოჸოროფე ღორონთ რე დო თენა მოხვარნა, დუდ თხილერო ქიბგინათ (1 კორ. 14:33). თეს გეძინელ, იეჰოვა მოჸოროფე ჭყიშ რე, ნამუთ ზრუნენს მუშ შხურეფშე დო ელურე თინეფს. თინა თხილანს მუშ მსახურეფს დო ნტერშე იცვენს. თე ირფელ გურშა ელამკინანა, განსაკუთრებულო ამდღა, მუჟამსით თე ქვეყნიერებაშ ბოლო დღალეფს ფცხოვრენთ (იგავ. 1:33).
16. მუშ გურაფა შემლებნა თევრეშე, მუჭო დერსხჷ იეჰოვაქ ისრაელეფ?
16 იეჰოვა ამდღა ხოლო ზრუნენს მუშ ხალხშე, მუჭოთ სულიერონ თეშ ფიზიკურო ხოლო. მუშო ოკო რაგად, თინა დიდ გაჭირებაშ დროს ხოლო გაგრძელენს თეგვარო მოქმედებას (გამოცხ. 7:9, 10). თაშ ნამდა, ვა უღჷ მნიშვნელობა ახალგაზრდეფ რენა დო ვარ ხანშა მიშულირეფ, ჯამრთელეფ დო ვარ ლეხეფ, ღორონთიშ ხალხის დიდ გასაჭირიშ * დროს ვაღვენუ შიშიშ მიზეზ. თინეფ გვალო შხვანერო მიქციებნა დო ქიგიშინანა იესოშ სიტყვეფს: „გითინით დო დუდეფ გეჭოფით, მუშენდა მონჭაფილ რე თქვან რსხება“ (ლუკ. 21:28). გოგ მაგოგი, ნამუთ ფარაონიშ ჯარშე უმოს ძალიერ რენ, დუც ქიგიანთხუ ღორონთიშ ხალხის. მარა იეჰოვაშ ხალხ თე დროს ხოლო დარწმუნებულ იჸუაფ, ნამდა დეცვენს თინეფს (ეზეკ. 38:2, 14—16). თინეფ დარწმუნებულეფ იჸუაფნა, მუშენდა უჩქნა, ნამდა იეჰოვა ვეთირუ. თინა ხოლო ართშა დამტკიცენს, ნამდა მოჸოროფე ღორონთ რე დო თხილანს მუშ ხალხის (ეს. 26:3, 20).
17. ა) მუს ბგურაფლენთ ბიბლიას მოშინაფილ შემთხვევეფშე თიშ გურშენ, მუჭო ზრუნენს იეჰოვა მუშ ხალხშე? ბ) მუს გუვარჩიენთ უკულიან სტატიას?
17 თე სტატიას გუვარჩით მუსხირენ მაგალით, სოვრეშეთ იძირე, მუჭო გიმირჩქინანს იეჰოვა ყურადღებას, მუჟამსით ზრუნენს, მითითებას არზენს დო თხილანს მუშ ხალხის. თეცალ შემთხვევეფიშ კითხირიშ დროს ყურადღება ქიმიაქცით დეტალეფს, სოვრეშეთ იეჰოვაშე მუდგარენ ახალს ბგებულენთ. თეგვარო იეჰოვაშ თვისებეფ უმოსო ქიმოქმედენს ჩქინ გურ დო გონებაწკუმა. თეს გეძინელ, ღორონთიშ ჸოროფა დო რწმენა უმოსო გემემანგარებნა. უკულიან სტატიას გუვარჩიენთ, მუჭო შემლებნა მივაჸუნათ იეჰოვაშ მაგალითის დო შხვეფწკუმა ყურადღება გეგმიფრჩქინათ. ჩქი ქობძირუნთ მუჭო შემლებნა თეშ კეთება ოჯახის, კრებას დო მსახურებას.
^ აბზ. 3 ებრაელ ისტორიკოს იოსებ ფლავიუსი იჩიებ, ნამდა სამუელი თიმ დროს 12 წანერ რდუ.
^ აბზ. 3 თე მუხლეფიშ თარგმან შეილებნა ძირათ თე ჟურნალიშ ელექტრონულ ვერსიას.
^ აბზ. 4 1 სამ. 3:11—18: 11 უწუ იეჰოვაქ სამუელს: „თიცალ მუდგარენს ქოფქიმინუნქ ისრაელს, ნამდა მიდგა გეგენსინ, დოშკურდუ. 12 თიმ დღას ირფელს შევუსრულნქ ელის, მუთ თიშ ჸუდეშენ ფთქვი დუდშე ბოლოშა. 13 ქუწი, მარაიდულო დესაჯებ თინეფიშ ჸუდე თე დაშებულიშ გურშენ, მუშენდა უჩქჷ, ნამდა ლანძღუნა ღორონც თიშ ქომოლსქუალეფ დო თინა ვა უდღან თინეფს. 14 ათეშენ მა დუფუჩე ელიშ ჸუდეს, ნამდა ვეგშაჸიდირედ თინეფიშ დაშებულ ვართ მსხვერპლით დო ვართ შხვა შესაწირით“. 15 ოჭმარეშახ ჯანუდ სამუელი. უკულ განჯჷ იეჰოვაქ კარავიშ ეზოშ კარი. ოშკურუდ სამუელს ელიშა ხილუაშ გურშენ ჩიება. 16 ქუდუძახ ელიქ სამუელს: „სამუელ, სქუა!“ თიქ უპასუხ: „თაქ ვორექ!“. 17 თიქ შეკითხ: „მუ გიწუ? ქორთხინქ, ვამფულა. თიშ ართ სიტყვას ხოლო დომფულუნქ-და, ღორონთიქ დარსაჯას“. 18 სამუელს მუთუნ ვა უფულ, ირფელ ქოუწუ. თიქ უპასუხ: „თეცალ რე იეჰოვაშ ნება! მუდგა ონებუნ თინა გაკეთას“.
^ აბზ. 13 გამ. 14:19—22: 19 ჭეშმარიტ ღორონთიშ ანგელოზიქ, ნამუთ ისრაელიშ ბანაკის ეწოჸუნდჷ, უკახალე გინილ; მუნაფაშ სვეტიქ ხოლო უკახალე გინილ — თინეფიშ წოხოლე რდუ დო თინეფიშ უკახალე გაჩედნჷ. 20 ქეშადირთ თიქ ეგვიპტელეფიშ დო ისრაელიშ ბანაკეფ შკას. მუნაფაშ ართ მხარეს წკურუმ უკმელა რდუ, მაჟია მხარეს — სინთე. მთელ სერქ თეშ გემკორთჷ, ნამდა ეგვიპტელეფიშ ბანაკის ისრაელეფიშ ბანაკშა ვემიართინ. 21 მოსექ ზღვაჸურე გეჭოფ ხე. იეჰოვა აღმოსავლეთიშ ძალიერ ბორიათ მთელ სერს ოსკირუანდჷ წყარს დო ზღვაშ ქვინჯ ხოლო გასკირუ. წყარქ გირთჷ. 22
^ აბზ. 14 გამ. 14:23, 26—30: 23 ქეკათხოზეს ეგვიპტელეფქ; ფარაონიშ მხედარეფქ ცხენეფით დო ოჩხუპებელ ეტლეფით შკა ზღვაშა გენაჸუნეს თინეფს. 26 უკულ იეჰოვაქ უწუ მოსეს: „გეჭოფ ხე ზღვაჸურე, ნამდა ეგვიპტელეფს, თინეფიშ ოჩხუპებელ ეტლეფს დო მხედარეფს წყარქ დუც ქიმნაწუას“. 27 მოსექ ხოლო გეჭოფ ხე ზღვაჸურე დო ოჭმარეს ზღვაქ მუშ ადგილს დართჷ. ეგვიპტელეფ წყარშე ნტებას ოცადდეს, მარა იეჰოვაქ შკა ზღვას ქინარღვჷ თინეფ. 28 წყარ მუშ ადგილს ართუდ. ბოლოს დოფორ თიქ ფარაონიშ ჯარიშ ოჩხუპებელ ეტლეფ დო მხედარეფ დო არძა, მით თის ეკოჸუნდ ზღვას. ნამთინ ვეგნოსკილადე. 29 ისრაელიშ სქუალეფქ შქა ზღვა გეგნორთეს, ქვინჯის, დიხას; მარძგვან დო კვარჩხან მხარეშე წყარ კიდალაცალო რდუ გინორთელ. 30 თაშ ირსხ იეჰოვაქ ისრაელეფ ეგვიპტელეფიშ ხეშე. ქოძირ ისრაელქ ზღვა პიჯის ეგვიპტელეფიშ გვამეფ.
^ აბზ. 16 სამ. 3:2—10: 2 ართ დღას ელი ჯანუდ. თის თოლსინთე აფუდ დინაფილ დო მუთუნს ვარწყედ. 3 დიო ვაშკირატე ღორონთიშ ლამპა. სამუელი იეჰოვაშ ტაძარს ჯანუდ, სოდეთ ღორონთიშ კიდობან რდუ. 4 იეჰოვაქ სამუელს ქუდუძახ. თიქ უპასუხ: „ამარ ვორექ“. 5 მიდერულ ელიშა დო უწუ: „ამარ ვორექ, დომძახიო?“. თიქ უწუ: „ვა დომძახინ, მეუ, ქიდინჯირ“. თიქ ხოლო მიდართ დო ქიდინჯირ. 6 კინ ქუდუძახ იეჰოვაქ: „სამუელ!“ გედირთ სამუელქ, ელიშა ქიმერთ დო უწუ: „ამარ ვორექ, დომძახიო?“. თიქ უპასუხ: „ვა დომძახებ სქუა, მეუ, ქიდინჯირ“. 7 (სამუელ დიო ვეჩინენდჷ იეჰოვას, დიო ვეგმოცხადებ თის იეჰოვაშ სიტყვა). 8 მასმაშა ხოლო ქუდუძახ იეჰოვაქ: „სამუელ!“ გედირთ, ქიმერთ ელიშა დო უწუ: „ამარ ვორექ, დომძახიო?“. ქიმეხვად ელიქ, ნამდა ბაღანას იეჰოვა უძახუდ. 9 ბოლოს ელიქ სამუელს უწუ: „მეუ, ქიდინჯირ დო კინ ქუდოიძახ-და, ათაშ ქუპასუხ, ქომწი, იეჰოვა, გირჩქილენ-შო სქან მსახურ“. მიდართ სამუელქ დო ქიდინჯირ. 10 ქიმერთ იეჰოვაქ დო კინ ქუდუძახ: „სამუელ, სამუელ!“ სამუელქ უპასუხ: „ქომწი, გირჩქილე სქან მსახურ“.
გონივრულ რე იფიფქრათ, ნამდა ნამთინე არმაგედონს გინოსკილადირ პიროვნებას ჯამრთელობაშ პრობლემეფ აღვენუ. მუჟამსით იესო დედამიწას რდუნ, თინა ოსკილიდუანდჷ „არძანერ ლახალას დო უჭყანობას“ დო თეგვარო ოძირუ, მუშ კეთება ულამუდ არმაგედონ გინოღალირეფშო დო ვართ ხოლო გათელებურეფშო (მათ. 9:35). მუშო ოკო რაგად, გათელებურეფ თეშით ხოლო ჯამრთელეფ იჸუაფნა.
