მშობლეფს ქიანაშმადიდა პასუხიშმგებლობა უღნა, თინეფქ ოკო გაჩინებაფუან სქუალეფს იეჰოვა (ეფეს. 6:4). იეჰოვაშ ორგანიზაცია გიშაშქვანს ბრელ ვიდეოს, ობირეშის დო შხვადოშხვა საშვალებეფს, ნამდა ქიმეხვარან მშობლეფს თე მიზანიშ მენჭირნაფას. მუჭო შეულებნა მშობლეფს, თე ირფელიშ გიმორნაფათ, დაგურუან სქუალეფს?

• გეგმირინეთ ვებგვერდ JW.ORG. თაქ შეილებნა ძირათ ბრელ ვიდეო დო შხვადოშხვა მასალა ახალგაზრდეფშო დო ბაღანეფშო. a თინეფიშ ოძირაფალო გემშართით განყოფილებაშა ბიბლიურ გურაფეფი / ბაღანეფი ვარდა ბიბლიურ გურაფეფი / ახალგაზრდეფი.

• გეგშეგორით თიცალ მასალა, ნამდგაშეთ ფიქრენთ, ნამდა თქვან სქუაშო არძაშ უჯგუშ იჸუაფ. განყოფილებას ბიბლიურ გურაფეფი /ბაღანეფი, შეილებნა ძირათ ვიდეოეფ, ობირეშეფ დო შხვა მასალა ხოლო. თე განყოფილებას შეილებნა ქოძირათ სავარჯიშო სათაურით: „ოჯახწკუმა ართო თაყვანიშცემაშ დროს ოგურაფალ მასალა“ [ქორთ.].

• დრო გეგმურთით სქუალეფწკუმა ჩიებას. მშობლეფ, ხვალე თიშ გურშენ ვაჯინუათ სქუალეფს ვიდეოშა დო ვაკეთებაფუათ სავარჯიშოეფ, ნამდა ბაღანეფს მუდგარენ საქმე უღდან დო ვეგეცილან. თეშ მანგიორო, სქუალეფწკუმა ართო გარჩით თინეფ დო მეხვარით, გეჩინებაფუან იეჰოვა დო დეახლოვან თის.