მსოფლიო ბანკიშ პრეზიდენტიქ 2022 წანაშ ივანობაშ ანგარიშის თქუ: „მსოფლიო ეკონომიკა კინ საფრთხეშ თუდო გერე ... ათე მომენტის, ინფლაციაშ დონე მაღალ რე დო შემოსავალ, ნაკლებ“.

 საერთაშორისო სავალუტო ფონდიშ ინფორმაციათ, „საწვავიშ დო ოჭკუმალიშ ფასეფ უცბას იძინანს, მუდგაქ გლახათ იმოქმედ ღარიბ ქიანეფს მახორუ კათაშა“.

 ბიბლია მოხვარნა თიშ გაგებას, მუშენ ფხვადუთ თეცალ ეკონომიკურ პრობლემეფს, მუჭო შემლებნა თიშ გარზება დო მუ იმენდ არსებენს თე პრობლემაშ მაგვარებელო.

•   ბიბლია ჩქინ დროს მიშინუანს, მუჭოთ „ბოლო დღალეფს“ (2 ტიმოთე 3:1).

•   იესოქ მიშინუ, ნამდა ჩქინ დროს იჸუაფუდ „ოშქურანჯ მოვლენეფ“ (ლუკა 21:11). ინფლაციაშ დონეშ მოძინა შიშის ორჩქინანს. ხალხ მუნეფიშ მომავალშე დო თიშე წუხენს, ქეშიალებენა დოვარ ოჯახეფიშ ეჯუმალა.

•   გამოცხადებაშ წიგნის მოჩამილ რდჷ წინასწარმეტყველება ფასეფიშ მოძინაშ გურშენ. „ქიგებგონ მუდგარენ ხონარ ... თე ხონარ იჩიებუდ: „ართ საწყაო ქობალიშ კაკალ დო სუმ საწყაო ქერ, მთელ დღაშ ნამუშერ ფარაშა“ (გამოცხადება 6:6 [ბიბლიაშ თავისუფალ თარგმან]).

 „ბოლო დღალეფიშ“ დო გამოცხადებაშ წიგნის მოჩამილ წინასწარმეტყველებეფიშ გურშენ მეტ ინფორმაციაშ მიოღებელო, ქუჯინით ვიდეოს „1914 წანაშ უკულ მსოფლიოქ დითირ“ დო წეკითხით ართ-ართ სტატია ჩქინ ვებგვერდის („რას განასახიერებს ოთხი მხედარი?“).

•   „ეიაშენენა ჸუდეეფს დო იცხოვრენა თექ, ქუდარგუანა ბინეხის დო ოჭკუმნა თიშ მიკნაღელს. ვეიაშენენა თიშო, ნამდა შხვაქ იცხოვრას, ვართ თიშო დარგუანა, ნამდა შხვაქ ოჭკუმას“ (ესაია 65:21, 22).

•   „ხვეიანო იჸუაფ მარცვლეულ დედამიწას, გვალაშ წვანდეფს ხოლო ხვეიანო იჸუაფ“ (ფსალმუნი 72:16).

•   «„საწყალ ხალხ იჩაგრებ დო ცოდა კათა წუხენსინ თიშენ, თინეფიშ მახვარებშა მალულ – იჩიებ იეჰოვა“» (ფსალმუნი 12:5). a

 ღორონთ მალას ბოლოს მუღენს ეკონომიკურ პრობლემეფს ხვალე ართ ქიანას ვარინ, მთელ მსოფლიოს. მეტ ინფორმაციაშ მიოღებელო წეკითხით ართ-ართ სტატია ჩქინ ვებგვერდის („იარსებებს ოდღესმე ეკონომიკური თანასწორობა?“).

 მარა ბიბლიას შეულებ ამდღა ხოლო მიგეხვარან ფასეფიშ მოძინაწკუმა დაკავშირებულ პრობლემეფიშ გარზებას. მუჭო რე თენა შეიოლებერ? თექ მოჩამილ რე პრაქტიკულ რჩევეფ ფარაშ ჭკვერულო გიმორნაფაწკუმა დაკავშირებით (იგავები 23:4, 5; ეკლესიასტე 7:12). მეტ ინფორმაციაშ მიოღებელო წეკითხით ჩქინ ვებგვერდის მოჩამილ სტატიეფ („გაუფრთხილდით საარსებო საშუალებებს“ დო „როგორ ვიმყოფინოთ შემოსავალი?“).