2024 წანაშ ზაფხულიშ ოლიმპიადას, სოდეთ 206 ქიანაშე მონაწილენა სპორტსმენეფ, სოდგარენ 5 მილიარდ კოჩ უჯინე. საერთაშორისო ოლიმპიურ კომიტეტიშ პრეზიდენტიქ, თომას ბახიქ თქუ: „ჩქი თი ღონისძიებაშ ნაწილ ვორეთ, ნამუთ მთელ მსოფლიოს აერთიანენს დო მშვიდობას უნწყუნს ხეს. მორთ არძაქ ხუჯ ქუდუკინათ ოლიმპიადაშ მთავარ მიზანს, ნამუთ ომსახურ მთელ მსოფლიოს მახორუ ხალხიშ გაერთიანებას დო მშვიდობიანო ცხოვრებას, თიშ უმკუჯინუო, ნამდა შხვადოშხვანერეფ ვორეთ“.

 შეულებუნო ოლიმპიადას თე დიდებულ მიზანიშ მეჭირინაფა? შემლებუნანო მიღუდან ნამდვილ მშვიდობაშ დო ართობაშ იმენდ?

 თე წანაშ ოლიმპიადა ხალხშო სპორტულ ღონისძიებაშე უმოს რე, მუშენდა თიქ გემკარჩქინ, თი სოციალურ დო პოლიტიკურ პრობლემეფ, ნამდგას ხალხიშ გორთუალა მოჸუნს. თე პრობლემეფ შქას რე ადამიანიშ უფლებეფიშ დარღვიება, რასიზმ, რელიგიურ დისკრიმინაცია დო უთანასწორობა.

 საერთაშორისო სპორტულ ღონისძიებეფ, მაგალთო, მუნერით რე ოლიმპიადა, ხალხშო გართობაშ საშვალება რე. მარა თეწკუმა ართო, თეცალ ღონისძიებეფიშ დროს ხალხიშ დამოკიდებულებაშე დო საქციელშე იძირე, ნამდა თე ღონისძიებეფ ართობას დო მშვიდობას ვარინ, სინამდვილეს, ხალხიშ გორთუალას უნწყუნა ხეს.

 ბიბლიაქ იწინასწარმეტყველ, ნამდა ხალხის თიცალ აზროვნება დო თვისებეფ აღვენუდ, ნამუთ მანგარო ეცილებუდ მსოფლიოს მშვიდობაშ მეჭირინაფას (2 ტიმოთე 3:1–5). თე ბიბლიურ წინასწარმეტყველებაშ გურშენ მეტიშ გაგებელო, წეკითხით სტატია: „იწინასწარმეტყველუო ბიბლიაქ, მუჭო იაზროვნენდეს დო მიქციებუდეს ადამიანეფ ამდღა? [ქორთ.]“

 ბიბლია მშვიდობაშ დო ართობაშ ნამდვილ იმენდის მარზენა. თინა მოპირუნა, ნამდა მთელ კაცობრიობას ზეციურ ხელისუფლება, „ღორონთიშ სამეფო“, გაერთიანენს (ლუკა 4:43; მათე 6:10).

 ღორონთიშ სამეფოშ მეფე, იესო ქრისტე, მთელ მსოფლიოს მოუღანს მშვიდობას. ბიბლიას ჭარჷ:

•   „გეხარენს მართალ დო იმეფენს მშვიდობა“ (ფსალმუნი 72:7).

•   „თინა დერსხენს უღონოს, ნამუთ მოხვარას ითხინს... დაჩაგრებაშე დო ძალადობაშე ირსხენს თინეფს“ (ფსალმუნი 72:12, 14).

 იესოშ გურაფეფ ამდღა ხოლო აერთიანენს 239 ქიანას მახორუ ხალხის. მთელ მსოფლიოს იეჰოვაშ მოწმეეფქ, მით ქრისტიანეფ რენა, მშვიდობიანო ცხოვრება ქიდიგურუეს. მუქ მეხვარ თინეფს თეშ კეთებას? თეშ გაგებელო წეკითხით „გინაჯინალ კოშკი“ სათაურით: „გიორჯგინით გოჯოგაფას! [ქორთ.]“.