მსოფლიო ლიდერეფს დო საერთაშორისო ორგანიზაციეფს ვეშულებუნა მშვიდობაშ დამყარება. ამდღა რენ თიზმა ჩხუპ მაჟია მსოფლიო ომიშ უკულ ვა ჸოფე. სოდგარენ ჟირ მილიარდ ადამიან — მსოფლიო მოსახლეობაშ ნანთხალ — ცხოვრენს თიცალ ტერიტორიას, სოდეთ ომ მეურს.

 მუშენ ვეშულებუნა ადამიანეფს მშვიდობაშ დამყარება? მუს იჩიებ თეშ გურშენ ბიბლია?

1.  1. ადამიანეფს თიცალ თვისებეფ უღუნა, ნამდა ბრელ თეშ ხოლო ვაცად, მშვიდობაქ ქიჸუასინ. ბიბლიას ამდღარ დროშ გურშენ თეცალ წინასწარმეტყველება ჭარჷ: „ადამიანეფ იჸუაფუნა დუდიშ მოჸოროფეეფ, ფარაშ მოჸოროფეეფ, დუდშა იცქვანან ფერეფ, ამაყეფ, … ართგურობა ვა უჩქუნან ფერეფ, … აჯამეფ, … დუდიშ შეკება უჭირან ფერეფ, უდუნდებელეფ, … შხვაშ აზრ ვაინტერესუნან ფერეფ, დუდძირგალეფ“ (2 ტიმოთე 3:2—4).

2.  2. ადამიანეფს ვეშულებუნა მუნეფიშ გუმაჭყაფალიშ, იეჰოვა a ღორონთიშ უმშო მაგვარან პრობლემეფ. ბიბლიას ჭარჷ, ნამდა „კოჩის ვაჸონინე მუშ ცხოვრება“ (იერემია 10:23).

3.  3. თე ქვეყნიერება უბადო მართველიშ, სატანა ეშმაკიშ ხეს რე, ნამდგას დიდ ძალა უღჷ. თინა „ოჩილითუანს მთელ მსოფლიოს“ (გამოცხადება 12:9). ონდო „მთელ ქვეყნიერება უბადოშ ხეს რე“, ჩხუპეფ ირიათო იჸუაფ (1 იოანე 5:19).

 ბიბლია მირაგადუნა, ნამდა მშვიდობა მალას იჸუაფ, ოღონც თე მშვიდობას ადამიანეფ ვარინ, ღორონთ მიღანს.

•   „მიჩქჷ, მუ მილამ თქვანო, — იჩიებ იეჰოვა, — მშვიდობა მილამ დო ვართ ხოლო უბედრობა; მოკო, ნამდა მომავალიშ იმენდ გიღუდან“ (იერემია 29:11).

 მუჭო შეასრულენს ღორონთ თე დუნაპირებუს? „ღორონთ … მოსპუნს სატანას“ (რომაელები 16:20). თინა მსოფლიოს მშვიდობაშ დამყარებელო გეგმირინუანს მუშ მთავრობას, ნამდგას ბიბლია მიშინუანს, მუჭოთ „ღორონთიშ სამეფოს“ (ლუკა 4:43). ღორონთიშ სამეფოშ მეფე, იესო ქრისტე, ადამიანეფს ქუდაგურუანს, მუჭო იცხოვრან მშვიდობიანო (ესაია 9:6, 7).

•   უმოსიშ გაგებელო წეკითხით სტატია „მუს გაკეთენს ღორონთიშ სამეფო?“.