ᲙᲣᲠᲪᲮᲐᲡ ᲠᲓᲐᲗ!
პოლიტიკურ ძალადობა – მუს იჩიებ ბიბლია?
მთელ მსოფლიოს პოლიტიკურ ძალადობაშ ბრელ შემთხვევა ხვადუ, მუთ ხალხის დიდ ონერვიანებელს ურჩქინანს.
მექსიკას 2023–2024 წანაშ საარჩევნო კამპანიაშ პერიოდის პოლიტიკურ კანდიდატეფიშ ჸვილუაშ არძაშ უმოს მაღალ რიცხვიქ დეფიქსირ. თე საარჩევნო კამპანიაშ დროს 39 პოლიტიკოს ჸვილეს. თეწკუმა ართო, პოლიტიკურ ძალადობაშ შხვა შემთხვევეფ ხოლო ხვადუდ. თე ირფელქ ხალხ მანგარო დაშქურინუ დო საარჩევნო კამპანიას ხოლო ეცილ.
ევროპას ბოლო დროს პოლიტიკურ ძალადობაშ ბრელ შემთხვევაქ მოხვად; თინეფ შქას რდჷ 2024 წანაშ 15 მესის მოხვალამირ შემთხვევა, მუჟამსით სლოვაკეთიშ პრემიერ-მინისტრიშ ჸვილუას ეცადეს.
ამერიკაშ შეერთებულ შტატეფს 2024 წანაშ 13 კვირკვეს ყოფილ პრეზიდენტიშ, დონალდ ტრამპიშ, ჸვილუას ეცადეს, მუდგაქ ხალხ შოკის ქინაჸათ.
მუშენ ხვადუ თეზმა პოლიტიკურ ძალადობა ვარდა დღას მეჭყორდუნო თინა? მუს იჩიებ ბიბლია?
ხალხიშ პოლიტიკურო გორთუალა ნაწინასწარმეტყველებ რდჷ
ბიბლიას ნაწინასწარმეტყველებ რდჷ, ნამდა ჩქინ დროს, „ბოლო დღალეფს“, ბრელს თიცალ აზროვნება დო დამოკიდებულება აღვენუდ, მუთ ძალადობაშ დო უთანხმოებეფიშ მიზეზ იჸუაფუდ.
„ბოლო დღალეფს მანგარ გლახა დო ძნელ გინაღალარ დრო დოდირთუ. ადამიანეფ იჸუაფუნა ... უმარდულეფ, მოღალატეეფ ,.. აჯამეფ ,.. უდუნდებელეფ ,.. მეგობარს ნტერო გინართუნან ფერეფ, ნარაგად ვარჩქილენან ფერეფ, დუდძირგალეფ“ (2 ტიმოთე 3:1–4).
ბიბლიას თინა ხოლო რე ნაწინასწარმეტყველებ, ნამდა ჩქინ დროს შხვა ირფელწკუმა ართო, მთავრობაშ წინააღმდეგ ულა დო პოლიტიკურ არეულობა ჩვეულებრივ მუდგარენ იჸუაფუდ (ლუკა 21:9). მარა პოლიტიკურ ძალადობა დო უთანხმოებეფ ირო ვეჸუაფ.
პოლიტიკურ ძალადობას ბოლო მეღებუ
ბიბლია მირაგადუნა, ნამდა ღორონთ არძა ადამიანურ მმართველობას მუშ ზეციერ მთავრობათ დოთირანს.
გეკარღვანს დო ბოლოს მუღენს არძა თე სამეფოს, დო მუ სადღამუშოთ იჸუაფ“ (დანიელი 2:44).
ღორონთიშ სამეფო მართალო გაერთიანენს ხალხის დო მსოფლიოს მშვიდობას ქუმუღანს.
თე სამეფოშ მმართველ, იესო ქრისტე, მოშინაფილ რე, მუჭოთ „მშვიდობაშ მთავარ“, ნამდგაშ მმართველობაშ დროს „მშვიდობას ბოლო ვაღვენუ“ (ესაია 9:6, 7).
თე სამეფოს ომორჩილუნან თინეფ ამდღა ხოლო გურაფლენა მშვიდობიან ცხოვრებას. მუჭოთ ბიბლია იჩიებ: „თინეფ მუნეფიშ ყამეფშე ოხონალეფს გეგშაჭკადუნა დო ჭვირთეფშე – ოცხონტალეფს. ართ ხალხ მაჟია ხალხიშ წინააღმდეგ ვეჭოფუნს ყამას დო მეტო ვედიგურუანა ჩხუპის“ (ესაია 2:3, 4).
უმოს ინფორმაციაშ მიოღებელო, წეკითხით სტატია „მუს გაკეთენს ღორონთიშ სამეფო?“ [ქორთ.] დო ქუჯინით ვიდეოს „მუ რე ღორონთიშ სამეფო?“.