2024 წანას მთელ მსოფლიოს არძაშ უმოს მეტ არჩევნეფ იჸუაფ, ვინემ თენა ულირ წანეფს ჸოფე. მარა, ბრელს უკვე ვა ჯერს პოლიტიკოსეფიშ.

•   გამოკითხვაშ შედეგო გეგმორჩქინდჷ, ნამდა ამერიკელეფიშ უმენტაშიშ აზრით „პოლიტიკოსეფიშ უმენტაშ პირად მიზნეფშე უმოსო ფიქრენს“, ვინემ თიშე, მუჭო ემსახურას თი ხალხის, მიდგაშ წარმომადგენელეფ რენა a (Pew Research Center, 19 სექტემბერ, 2023 წანა).

 თინეფწკუმა ართო, ახალგაზრდეფიშ უმენტაშის ხოლო ვა ჯერს პოლიტიკოსეფიშ.

•   „ამდღა ახალგაზრდეფ ოცადუნა პრობლემეფშე გამოსავალიშ გორუას, მარა გამოკითხვეფიშ დროს იჩიებუნა, ნამდა პოლიტიკოსეფ შუროთ ვა ფიქრენა თეშე“ („ნიუ-იორკ ტაიმზ“, 29 იანარ, 2024 წანა).

•   „გამოკითხვეფიშ შედეგო ქიძირ, ნამდა ახალგაზრდეფს იუთუბერეფიშ უმოსო ჯერა, ვინემ პოლიტიკოსეფიშ“ (The Korea Times, 22 იანარ, 2024 წანა).

 შემლებუნანო ბჯერდან, ნამდა პოლიტიკოსეფ უჯგუშ მომავალს მომღანა? მის ოკო ვენდათ?

 სწორ რე, მუჟამსით ვა ფჩქარენთ მიდგაინიშ ნდობას. ბიბლია იჩიებ: „გამოცდილება ვა უღუნ ფერს არძა სიტყვაშ ჯერს, მარა გურგოჩამილ ოკვირ მუშ ნაბიჯეფს“ (იგავები 14:15).

•   მუჭო შეილებუნა გეგათ, მეღებულ ინფორმაციაშა ქიდიჯერებენ დოვარ? თე საკითხიშ გურშენ წეკითხით ართ-ართ სტატია ჩქინ ვებგვერდის („თავი დაიცავით დეზინფორმაციისგან“).

 თეს გეძინელ, არძაშ უმოს პატიოსან დო ჯგირ მოტივეფ უღუნ ფერ პოლიტიკოსის ხოლო ვეშულებ ირფელიშ კეთება. ზუსტას ათეშენ მაფრთხილენა ბიბლია:

•   „იმენდ ვეგიორსხუათ მართველეფშა, ვართ შხვა ადამიანეფშა, ნამდგას ვეშულებ რსხება“ (ფსალმუნი 146:3).

 მუჭოთ ბიბლიაშე ბგებულენთ, ღორონთიქ დანიშნჷ არძაშ უმოს უნარიან დო სანდო ლიდერ, იესო ქრისტე (ლუკა 1:32, 33). იესო, ღორონთიშ სამეფოშ მეფე რე, შხვანერო ქოფთქუათინ, თი მთავრობაშ მართველ, ნამუთ ზეცაშე მართველენს (მათე 6:10).

•   მუშენ შეილებუნა რჯერდან იესოშ დო მუს გაკეთენს თინა ჩქინ პრობლემეფიშ მაგვარებელო? თე საკითხიშ გურშენ წეკითხით სტატიეფ ჩქინ ვებგვერდის („ვინ არის ღვთის სამეფოს მეფე?“ დო „რას გააკეთებს ღვთის სამეფო?“).