ბრელ პიროვნება ვარწყე გამოსავალს თი პრობლემეფშე, ნამდგაქ 2024 წანას შილებე იჸუას. მარა, ჩქი შემლებუნა მიღუდან იმენდ. მორთ, ქიგებგათ, მუჭო.

 ბიბლია მოპირუნა, ნამდა ღორონთ გეგნოჭკირუნს თი პრობლემეფს, ნამუთ ამდღა რთულას მაძირუაფუნა. მალას ღორონთ „გელუწიმინდანს თინეფს ირნერ ჩილამურს თოლეფშე დო მეტო ვეჸუაფ ღურა, ვართ ნგარა, თვალუა დო ჭუა“ (გამოცხადება 21:4).

•   მიღით მეტ ინფორმაცია თიშ გურშენ, მუნერ მომავალს მოპირუნა ბიბლია. წეკითხით ართ-ართ სტატია ჩქინ ვებგვერდის („უკეთესი მომავლის რეალური იმედი”).

 ბიბლიას შეულებ მომავალიშ იმენდ მერჩან, მუთ მიგეხვარებუნა გიორჯგინათ უარყოფით ფიქრეფს დო ვადინუათ დადებით განწყობა (რომაელები 15:13). ბიბლიას მოჩამილ პრაქტიკულ რჩევეფს შეულებ მიგეხვარან თი სირთულეეფიშ გარზბას ხოლო, ნამდგას ამდღა ხვადუთ, მაგალთო, სიღარიბეს, უსამართლობას დო ლახალას.

•   ქოძირით, მუჭო მეხვარ ბიბლიაქ ართ პიროვნებას, ჸოფედუკო ბედნერ დო ვადინუკო სიმშვიდე, თიშ უმკუჯინუო, ნამდა უღონობას ირდუდ. ქუჯინით ვიდეოს „ხუან პაბლო სერმენიო: იეჰოვაქ ცხოვრებაშ ხიოლ დომრთინუ“.

•   წეკითხით ართ-ართ სტატია ჩქინ ვებგვერდის („შესაძლებელია ბიბლიაში მანუგეშებელი აზრების პოვნა?”).

•   ართ პიროვნება, მით სამხედრო სამსახურს მსახურენდჷ, იჩიებ, ნამდა მუთუნიშ იმენდ ვა უღუდ დო ბიბლიაქ მანგარო მეხვარ. ქუჯინით ვიდეოს „ვარია ქოფთქვი იარაღშე“.

 შეილებუნა 2024 წანა თქვანო დო თქვან ოჯახშო ბედნერ წანათ გინაშქვათ. ქიგეგით, მუჭო მიგეხვარებუნა თეს ბიბლია. ხომ ვედიჭყანდით ბიბლიაშ გურაფას?. ქოძირით, მუჭო შეულებ ღორონთის მერჩან სიმშვიდე ასე დო „მომავალიშ იმენდ“ ხოლო (იერემია 29:11).