კითხვა 7
მუს წინასწარმეტყველენს ბიბლია ამდღარ დროშ გურშენ?
„რჯულ რჯულს გეგნენტერებუ დო სამეფო სამეფოს გეგნენტერებუ . . . თე ირფელ მშობიარობაშ ჭუეფიშ დაჭყაფ რე“
(მათე 24:7, 8).
„ბრელ ცრუ წინასწარმეტყველ გემკორჩქინდუ დო ქიანაშის მიოჩილითუანს. ურჯულოებაშ მოძინაშ გურშენ ბრელს ჸოროფა გურგიდუ‘‘
„მუჟამს ქიგეგონენთ ჩხუპეფიშ ხონარს დო ამბეფს ჩხუპეფიშ გურშენი, ვა გაშქურინან. თე ირფელქ მოხვადას ოკო, მარა დიო ხოლო ვა რე აღსასრული‘‘
(მარკოზი 13:7).
„იჸუაფუ დიდ დიხანწალუეფი, ეპიდემიეფი დო ოჭკომალიშ სინაკლებე მინ ართ დო მინ მაჟია ადგილს. იჸუაფ საშქურანჯ მოვლენეფ დო დიდ ნიშანეფ ცაშე‘‘
(ლუკა 21:11).
„გიჩქუდას, ნამდა ბოლო დღალეფს მანგარ ძნელ გინაღალარ დრო დოდირთუ. ადამიანეფ იჸუაფუნა დუდიშ მოჸოროფეეფი, ფარაშ მოჸოროფეეფი, დუდშა დიდ წარმოდგენა უღუნან ფერეფი, ამაყეფი, ღორონთიშ მაგორაფალეფი, მშობლეფიშ უდუჯერებელეფი, უმარდულეფი, უდუნდებელეფი, ჸოროფა ვაუღუნან ფერეფი, თინეფწკუმა მორიგება ვეშქალებედას იჸი, ტყურაშ ეკმაწამებელეფი, დუდუშუკებუეფი, სასტიკეფი, ჯგირ ჯოგუნან ფერეფი, მოღალატეეფი, ჯიუტეფი, ყოყოჩეფი, ღორონთიშ უმოსო სიამოვნებაშ მოჸოროფეეფი. თინეფს ღორონთიერო მეუღუნა დუდი, მარა ღორონთიშ ართგურეფ ვა რენა“