ᲩᲘᲔᲑᲐᲨ ᲓᲝᲭᲧᲐᲤᲐ
ᲒᲐᲙᲕᲔᲗᲘᲚ 5
ტაქტიანობა
პრინციპ ბიბლიაშე: „თქვან ჩიება ირო გემუან რდას“ (კოლ. 4:6).
პავლეშ მაგალით
1. ქუჯინ ᲕᲘᲓᲔᲝᲡ ვარდა წეკითხ საქმეეფიშ 17:22, 23. უკულ დეფიქრ თუდო მოჩამილ კითხვეფშე:
-
ა) მუჭო იმოქმედ პავლეშა ათენს ძირაფილ კერპთაყვანიშმცემლობაქ? (ქოძირ საქმეეფიშ 17:16)
-
ბ) ათენელეფიშ რწმენაშ გლახათ მოშინაფაშ მანგიორო, მუჭო გიმირინუ პავლექ ტაქტიანო თინეფიშ რელიგიურ შეხედულებეფ სახიოლო ამბეშ ოქადაგებელო?
მუშ გურაფა შეილებ პავლეშე?
2. მუჟამსით ჯგირო დეფიქრებუქ მუ, მუჭო დო მუჟამ თქუე, მეტ შანს რე, ხალხიქ ჯგირო ქუმოირჩქილუას.
მიაჸუნ პავლეშ მაგალითის
3. გონივრულო გეგშაგორ სიტყვეფ. მაგალთო, მუჟამსით ქრისტიან ვა რენ ფერ პიროვნებას ურაგადუქ, დეფიქრ, მუჭო მიშინუე ბიბლია ვარდა იესო ქრისტე.
4. ხეთეშე ვეშუსწორა აზრ. ქიმეჩ საშვალება, თავისფალო გეგმოხანტას მუშ აზრ. მუჟამსით პიროვნება თიცალ მუდგარენს ქოთქუანს, ნამუთ ვათანხმჷ ბიბლიურ გურაფეფს, ნირზ ვა დუჭყა (იაკ. 1:19). ყურადღებათ ქუმურჩქილუანქ-და, ქიგეგენქ, მუშ წანსჷ დო მუშენ (იგავ. 20:5).
5. დეთანხმჷ დო ქაცქვე, მუჟამსით თეშ შესაძლებლობა ქუმგაჩამუ. თის შილებე მთელ გურით ჯერდას, ნამდა მუდგაშ წანსჷ სიმართლე რე დო დარწმუნებულ რდას, ნამდა მუშ რელიგია რე ჭეშმარიტ. ქეცად, დუდშე თი საკითხეფშე ეჩუე, ნამდგას ჟირხოლო ოთანხმუთ დო უკულ ჭიე-ჭიეთ ქაძირე, მუს ოგურუანს ბიბლია.
ᲥᲝᲫᲘᲠ ᲗᲔ ᲛᲣᲮᲚᲔᲤ ᲮᲝᲚᲝ
(იგავ. 25:15; 2 ტიმ. 2:23—26; 1 პეტ. 3:15)
