ჩქინ ორგანიზაცია ირ წანას გიშმაშკვანს ბიბლიაშ ოშობით მილიონ ეგზემპლარს დო თიშა გერსხილ პუბლიკაციეფს დო ავრცელენს უფასოთ. ჩქი ვაშენენთ სამეფო დარბაზეფს დო ფილიალეფს დო ულუანთ თინეფს. თეშ გარდა, ანთასობით ბეთელელიშ დო მისიონერიშ მატერიალურ მოთხოვნილებეფს ვაკმაყოფილენთ. ვოხვარუთ სტიქიაშ დო შხვა უბედრობეფიშ დროს დაზარალებულ ხალხის. შილებე გოირჩქინდან კითხვაქ: „მუჭო იფინანსებ თე ირფელ?“.

ვა ბგაფულენთ ოკათუერ ოგაფურს, ვართ ნავითალს, დო ვართ ფარას ფშაყარანთ. მართალ რე ჩქინ ქადაგებაშ საქმეშო დიდ თანხეფ რე საჭირო, მარა ჩქი ხალხშე ვეფშაყარანთ ფარას. დიო ხოლო საუკუნეშ წოხოლე ჟურნალ „საგუშაგო კოშკიშ“ მაჟია ნომერს ჭარუდ: „ბჯერა, ნამდა ჩქი იეჰოვა მიკინენა ხუჯის დო თეშგურშენ დღას ვეფთხინთ ხალხიშ მოხვარას“. თენა დასურო თაშ რე! (მათე 10:8).

ჩქინ საქმე ნებაყოფლობით შესაწირავეფით იფინანსებუ. ბრელ აფასენს ბიბლიაშ გურაფაშ საქმეს, ნამუსით ჩქი ვორთუთ დო თეშგურშენ შესაწირავეფს ორთუნა. იეჰოვაშ მოწმეეფი მუნეფიშ დროს, ენერგიას დო ფარას ხიოლით მიკახარჯენა თის, ნამდა ღორონთიშ ნებაქ მთელ ქიანას შესრულას (1 მატიანე 29:9). სამეფო დო საკონგრესო დარბაზეფს რე შესაწირავეფიშ ყუთეფი დო მიდგას ოკონ თის შეულებ ენაჸათას შესაწირავეფი. თანხას, ნამდგას ორგანიზაცია შესაწირავეფით ღებულენსინ, უმოსო საშუალება ვა უღუნან თინეფი ინმაჸათანა. თე ხალხი გუმოშინანა ქომონჯნაღურა ღარიბ ოსურს, ნამუსით იესოქ ოცქუ ჟირ ჭიჭე მონეტაშ ენოჸოთამაშ გურშენ (ლუკა 21:1—4). თითოულს შეულებ ჭიე-ჭიეთ ირო გეგნოდვას ფარა, „მუჭო გურს გინოჭყვიდუნ თეშ“ (1 კორინთელები 16:2; 2 კორინთელები 9:7).

ბჯერა, იეჰოვა ქიმეხვარებ ხალხის, ნამდა ქიმიკორინუან მუნეფიშ ქონებათ თიშ განდიდება, თეშნერო ხუჯი ქუდუკინან სამეფოშ საქმეს დო შეასრულან ღორონთიშ ნება (იგავები 3:9).

• მუთ ვა გუ ჩქინ ორგანიზაცია შხვა რელიგიეფს?

• მუჭო იკეთებაფუაფ ნებაყოფლობით შესაწირავეფი?