ბიბლია იჩიებ ქრისტიან ქომოლკათაშ ჟირ ჯგუფშენ, მიდგასით კრებას პასუხიშმგებლობეფი უღნა. თენეფ რენა „ზედამხედველეფი დო მომსახურეეფი“ (ფილიპელები 1:1). თითოულ კრებას რენა ჯიმალეფი, ნამუთ უხუცესეფო დო მომსახურეეფო მსახურენა. მუ საქმეეფს ორთუნა მომსახურეეფი კრებაშ საჯგირობუოთ?

თანამშრომლენა უხუცესეფიშ საბჭოწკუმა. მომსახურეეფი სულიერო მოწიფული, საიმენდო დო პატიოსან ქომოლკათა რენა. თინეფ შილებე არძანერ ხანიშ რდანი დო კრებას შხვადოშხვა პასუხიშმგებლობა უღდან. შილებე თენა ოხუდას ორგანიზარციულ საკითხის ვარდა ფიზიკურ მუშობას. უხუცესეფს თენა თიშ საშუალებას არზენს, ნამდა ძირითად ყურადღება კრებაშ წევრეფიშ გურაფაშა დო ჭყიშუაშა გეგნიღანი.

ომსახურნა კრებას. ნამთინე მომსახურეს ოვალუ კრებაშა მოურსინ თინეფიშ ეწოხვალამა. შხვეფს შილებე დევალას ხონარიშ გუმაძლიერებელ აპარატურაშა ყურადღებაშ მექციება, ლიტერატურაშ დო ოქადაგებელ უბანეფიშ განაწილება დო კრებაშ საფინანსო ანგარიშეფიშ საქმეშ ჸონაფა. მომსახურეეფი სამეფო დარბაზეფს ხოლო ომინჯუნა დო ულუანა. შილებე უხუცესეფქ თინეფს ქოთხუან, ქიმეხვარან ხანშა მიშულირეფს. თინეფ ხიოლით დო შურ დო გურით აკეთენა მუნეფს ოხუნან ფერ ირ საქმეს დო თეშგურშენ კრებაშ წევრეფშე დიდ პატიცემას იმსახურენა (1 ტიმოთე 3:13).

თინეფ ჯგირ მაგალითის ირზენა. მომსახურეეფო თინეფს თიშენ ნიშნენა, ნამდა ქრისტიანულ თვისებეფს გიმირჩქინანა. თინეფ კრებაშ პროგრამას ხოლო მონაწილენა; თეთ რწმენას მიმანგარენა. მომსახურეეფი გურგედვალირო ქადაგენა დო თეთ ჯგირ მაგალითის არზენა კრებას. თინეფ უხუცესეფიშ საბჭოწკუმა ხოლო თანამშრომლენა, კრებაშა ხიოლ მიშმუღნა დო ართობას უნწყუნა ხეს (ეფესოელები 4:16). დრო-ხანიშ უკულ შილებე უხუცესო ხოლო დენიშნან.

• მის ნიშნენა მომსახურეთ?

• მუჭო ოხვარნა თინეფ კრებას?