დღას ქეშუთავაზებნანო თქვანდა იეჰოვაშ მოწმეეფიშ შეხვალამაშა დასწრება? თექ დიო ვა ჸოფეთ-და, შილებე პირველო დასწრებაშ გურშენ ჭიჭეთ ნერვიანენდათ. შილებე გოინტერესდან: მუ ხვადუ თე შეხვალამეფს? მუშენ რე თინეფ მნიშვნელოვან? მუშენ ოკო დევესწრათ თე შეხვალამეფს? თე თემას ქიგეგენთ, მუჭო შეგალებენა შეხვალამეფს შხვეფწკუმა ართო დასწრებათ, უმოსო დეახლოვათ ღორონთის დო პირადო თქვა, მუჭო მიგეხვარებნა თე შეხვალამეფიშ დასწრება.

1. ნამ მნიშვნელოვან მიზეზიშ გურშენ იშაყარუნა ართო იეჰოვაშ მოწმეეფ?

ყურადღება ქიმიაქცით, მუჭო გიმოხანტჷ ბიბლიაშ მაჭარალქ ართო აკოშაყარუაშ არძაშ უმოს მნიშვნელოვან მიზეზ: „დიდ კრებულს განვადიდენქ იეჰოვას“ (ფსალმუნი 26:12). თეშნერო, იეჰოვაშ მოწმეეფს დიდ ხიოლ უღნა, მუჟამსით ართო იშაყარნა. მთელ მსოფლიოს, იეჰოვაშ მოწმეეფ ირმარას ართო იშაყარუნა, ნამდა განადიდან იეჰოვა, ქუბირან ოდიდებელ ობირეშეფ დო ართო ქილოცან. თეწკუმა ართო, ირ წანას მუსხირენშა თინეფ დიდ შეხვალამეფს ატარენა, ნამდა თაყვან ქოცან ღორონთის.

2. მუს დიგურუანთ ჩქინ შეხვალამეფშე?

შეხვალამეფს ბგურაფლენთ ღორონთიშ სიტყვას, „ეთმომწყუნთ დო ვარჩიენთ თის“ (წეკითხით ნეემიაშ 8:8). ჩქინ შეხვალამეფშე ქიგეგენთ იეჰოვაშ დო თიშ ძვირფას თვისებეფიშ გურშენ. მუთ უმოსის გეგენთ, მუჭო უჸორთ ღორონთის, თით უმოსო დეახლოებუთ თის. თეს გეძინელ, ქიგეგენთ, მუჭო შეულებ ღორონთის მიგეხვარან, გიღდან კმაყოფილებათ ეფშა ცხოვრება (ესაია 48:17, 18).

3. მუ ჯგირობუას მოიღანა შეხვალამეფს შხვეფწკუმა ურთიერთობა?

იეჰოვა მომწოდენა, „ყურადღება გეგმიფრჩქინათ, ნამდა წუვახალისათ ართიან ჸოროფა დო ჯგირ საქმეეფშა. ვემვოტუათ ართო აკოშაყარუა“ (ებრაელები 10:24, 25). ჩქინ შეხვალამეფს ქოძირუნთ თიცალ კათას, მით მთელ გურით ზრუნენს ართიანშე დო თქვანცალო, დაინტერესებულეფ რენა, უმოს ქიგეგან ღორონთიშ გურშენ. თეწკუმა ართო, თექ ქიმირჩქილუანთ გურიშემაკინალ ბიბლიურ აზრეფს (წეკითხით რომაელეფიშ 1:11, 12). თეს გეძინელ, ქუმგაჩამნა საშვალება, გეჩინებაფუათ თი თანაქრისტიანეფ, მიდგას წარმატებულო გინუღნა შხვადოშხვა პრობლემა. თენეფ რე თი ნამთინე მიზეზ, მუდგაშ გურშენ იეჰოვას ოკო, რეგულარულო დევესწრათ შეხვალამეფს.

 ქიგეგით უმოს

4. იეჰოვაშ მოწმეეფიშ შეხვალამეფ

პირველ საუკუნეს ქრისტიანეფ, იეჰოვას თაყვან ქოცესკო თიშენ, რეგულარულო იშაყარდეს ართო (რომაელები 16:3—5). წეკითხით კოლოსელეფიშ 3:16 დო უკულ გარჩით თუდო მოჩამილ კითხვა:

• მუჭო ცენდეს თაყვანს ჯვეშ დროს მახორუ ქრისტიანეფ იეჰოვას?

1. ა) ჩქინ შეხვალამეფშა მიშურს მოხსენებეფ, ინსცენირებეფ დო ვიდეოეფ. შეხვალამეფ იჭყაფუ დო ითებუ ობირეშით დო ლოცვათ

2. ბ) შეხვალამაშ ნამთინე ნაწილს აუდიტორიას ერზიებ საშვალება, გაკეთან კომენტარეფ.

3.  გ) შეხვალამაშა დასწრება არძას შეულებ: ოჯახეფს, დაუქორწინებელეფს, ხანშა მიშულირეფს დო ბაღანეფს

4. დ) ჩქინ შეხვალამეფშა დასწრება უფასო რე. იეჰოვაშ მოწმეეფიშ შეხვალამეფს ვა ხვადუ ფარაშ ეშაყარუა დო ვართ თიშ მოწოდება, ნამდა შესაწირავიშ ყუთის ფარა ქინვოჸოთათ

5. ირნერო ეცადით, ქიდესწრათ შეხვალამეფს

• მუშენ ოკო დევესწრათ შეხვალამეფს რეგულარულო?

დასკვნა

იეჰოვაშ მოწმეეფიშ შეხვალამეფშა დასწრება მიგეხვარებნა, უმოს გეგათ იეჰოვაშენ, გამანგარათ თიწკუმა მეგობრობა დო თაყვან ქოცათ თის შხვეფწკუმა ართო.

გამეორებელ კითხვეფ

• მუშენ მომწოდენა იეჰოვა, ართო აკიფშაყარათ?

• მუს დიგურუანთ იეჰოვაშ მოწმეეფიშ შეხვალამეფშე?

• მუჭო ფიქრენთ, ხოლო მუ ჯგირობუა შეულებ მოიღან იეჰოვაშ მოწმეეფიშ შეხვალამეფშა დასწრებაქ?