დუდ 19

ქორენანო იეჰოვაშ მოწმეეფ ნამდვილ ქრისტიანეფ?

რჩქილა

იეჰოვაშ მოწმეეფს ბჯერა, ნამდა ჭეშმარიტ ქრისტიანეფ ვორეთ. მუშენ იფჩიებუთ თეს? გუვარჩუათ, მუშა რე ჩქინ რწმენა გერსხილ დო მუნერ ჸოროფა მიღნა ართიანიშ მიმართ. თეს გეძინელ, ქიფჩუათ ჩქინ სახელიშ გურშენ, მუდგათ შხვეფშე გიშებგორუთ.

1. მუშა რე იეჰოვაშ მოწმეეფიშ რწმენა გერსხილ?

იესოქ თქუ: „[ღორონთიშ] სიტყვა ჭეშმარიტება რე“ (იოანე 17:17). იესოცალო იეჰოვაშ მოწმეეფს ხოლო რწმენა ღორონთიშ სიტყვაშა მაფნა გერსხილ. გუვარჩუათ ჩქინ თანამედროვე ისტორია. 1870-იან წანეფს ბიბლიაშ მარკვიებელეფიშ ჯგუფიქ ქიდიჭყჷ ბიბლიაშ საფუძვლიან გიმორკვიება. თე კათა მუნეფიშ რწმენას ბიბლიაშა გიორსხუანდჷ, თიმწკუმა ხოლო, მუჟამსით თინეფიშ რწმენა ოწინააღმდეგუდ ეკლესიურ გურაფეფს. ჭიჭე ხანშა თინეფქ, ბიბლიურ ჭეშმარიტებაშ შხვეფშა გინოჩამა ქიდიჭყეს. a

2. მუშენ ბჯოხონა იეჰოვაშ მოწმეეფ?

იეჰოვა მუშ თაყვანიშმცემელეფს მუშ მოწმეეფო მიშინუანს, მუშენდა თინეფ იჩიებნა ჭეშმარიტებას ღორონთიშ გურშენ (ებრაელები 11:4—12:1). მაგალთო, ჯვეშ დროს ღორონთიქ უწუ მუშ ხალხის: „თქვა რეთ ჩქიმ მოწმეეფ“ (წეკითხით ესაიაშ 43:10). ბიბლიას იესო მოშინაფილ რე, მუჭოთ „ართგურ მოწმე“ (გამოცხადება 1:5). ათეშენ, 1931 წანაშე ჩქი ბჯოხონა იეჰოვაშ მოწმეეფ დო მოამაყნა თე სახელ.

3. მუჭო მეჸუნა იეჰოვაშ მოწმეეფ იესოშ ჸოროფაშ მაგალითის?

იესოს ოჯახიშ წევრეფცალო უჸორდჷ მუშ მოწაფეეფ (წეკითხით მარკოზიშ 3:35). თეშნერო, იეჰოვაშ მოწმეეფ ხოლო მთელ მსოფლიოს ართ ოჯახცალო ვორეთ გაერთიანებულ. ათეშ გურშენ ვუძახუთ ართიანს და დო ჯიმას (ფილიმონი 1, 2). თეს გეძინელ, ვომორჩილუთ მითითებას: „გიჸორდან მთელ საჯიმალო“ (1 პეტრე 2:17). იეჰოვაშ მოწმეეფ ბრელნერო გიმიფრჩქინანთ თე ჸოროფას. მაგალთო, ელვურეთ მთელ მსოფლიოს მახორუ თანამორწმუნეეფს, მუჟამსით მოხვარა ოსაჭირნა.

ქიგეგით უმოს

უჯგუშო გეჩინებაფეთ იეჰოვაშ მოწმეეფიშ ისტორია დო ქოძირით, ხოლო მუ ამტკიცენს, ნამდა ჩქი ჭეშმარიტ ქრისტიანეფ ვორეთ.

ნამდვილ ქრისტიანეფს მუნეფიშ რწმენა ბიბლიაშა აფნა გერსხილ დო თის შხვეფს ხოლო უზიარენა

4. ჩქინ რწმენა გერსხილ მაფნა ბიბლიაშა

იეჰოვაქ იწინასწარმეტყველ, ნამდა ბიბლიურ ჭეშმარიტება გეგმიარგამებუდ. წეკითხით დანიელიშ 12:4 დო უკულ გარჩით თუდო მოჩამილ კითხვა:

ღორონთიშ ხალხ ბიბლიაშ გიმორკვიებას გაგრძელენდ-და, მუ მაჸუნუდ თეს შედეგო?

ქოძირით, მუჭო ირკვიენდჷ ღორონთიშ სიტყვას ბიბლიაშ მარკვიებელეფიშ ჯგუფ, ნამდგაშე ართ-ართ ჩარლზ რასელ რდჷ. ქოძირით ვიდეო დო უკულ გარჩით თუდო მოჩამილ კითხვა.

ვიდეო: „ბიბლიურ ჭეშმარიტებაშ კინე ძირაფა“ (7:45)

მუჭოთ ვიდეოშე იძირე, მუჭო ირკვიენდეს ბიბლიას ჩარლზ რასელ დო თიშ თანამოაზრეეფ?

ქოიჩქუდესო?

მინშა ჩქინ გურაფეფს მუდგარენეფ ითირუ. მუშენ ხვადუ თაშ? მუჭოთ ჩხანა ეშმურს დო ირფელს ჭიე-ჭიეთ მუკარჩქინანს, თეშ ღორონთ ხოლო მოხვარნა, ჭიე-ჭიეთ ქინვანჭათ მუშ სიტყვას (წეკითხით იგავეფიშ 4:18). თაშ ნამდა, მართალ რე, ბიბლია ვეთირუ, მარა, მუჟამსით თის უმოსო ინვანჭუთ, ფთირანთ ჩქინ გურაფეფს.

5. ჩქი ფცხოვრენთ ჩქინ სახელიშ შესაბამისო

მუშენ ბჯოხონა იეჰოვაშ მოწმეეფ? ქოძირით ვიდეო დო უკულ გარჩით თუდო მოჩამილ კითხვა.

ვიდეო: „სახელ, ნამდგათ გიშებგორუთ“ (2:40)

მუშენ რე სახელ „იეჰოვაშ მოწმეეფ“ შესაფერის?

მუშენ გიშეგორ იეჰოვაქ ადამიანეფ მუშ მოწმეეფო? მუშენდა იეჰოვაშ გურშენ ბრელ ტყურაქ ირაგადუ, ათეშენ მოწმეეფ გაცხადენდეს, ნამდა იეჰოვა რე ჭეშმარიტ ღორონთ. გუვარჩუათ ჟირ ტყურა გურაფა.

ნამთინე რელიგია მუშ მიმაჸუნალეფს ოგურუანს, ნამდა ღორონთ ითხინს თაყვანიშცემაშ დროს გამოსახულებეფიშ გიმორნაფას. ქორენო თენა სიმართლე? წეკითხით ლევიანეფიშ 26:1 დო გარჩით თუდო მოჩამილ კითხვა:

მუნერ დამოკიდებულება უღჷ იეჰოვას გამოსახულებეფიშ მიმართ?

ნამთინე რელიგია ოგურუანს, ნამდა იესო ღორონთ რე. ქორენო თენა სიმართლე? წეკითხით იოანეშ 20:17 დო უკულ გარჩით თუდო მოჩამილ კითხვეფ:

ღორონთ რენო იესო?
თქვანდა მუჭო მოქმედენს თიშ რჩქინა, ნამდა იეჰოვაქ მუშ მოწმეეფს დავალ, იქადაგესკო სიმართლე მუ დო მუშ სქუაშ გურშენ?

6. ჩქი მიჸორა ართიან

ბიბლია ქრისტიანეფს სხეულიშ შხვადოშხვა ნაწილს ადარენს. წეკითხით 1 კორინთელეფიშ 12:25, 26 დო უკულ გარჩით თუდო მოჩამილ კითხვეფ:

მუჭო მოქმედენა ჭეშმარიტ ქრისტიანეფ, მუჟამსით თანაქრისტიანეფს უჭირა?
პირადო თქვა მუ გარწმუნენა, ნამდა იეჰოვაშ მოწმეეფ შქას ართიანიშ ჸოროფა რე?

მუჟამსით დედამიწაშ ართ ნაწილს მახორუ იეჰოვაშ მოწმეეფს უჭირა, შხვა მოწმეეფ, მთელ მსოფლიოშე, ხეთეშე მოქმედენა თინეფიშ მახვარებელო. ართ-ართ მაგალითიშ ოძირაფალო ქოძირით ვიდეო. უკულ გარჩით თუდო მოჩამილ კითხვა.

ვიდეო: «ქარბორია „მეთიუ“ ჰაიტის» (5:29)

მუჭო ამტკიცენს იეჰოვაშ მოწმეეფიშ ჸოროფას დაზარალებურეფიშ მოხვარა სტიქიურ უბედრობეფიშ დროს?

ნამდვილ ქრისტიანეფ გიმირჩქინანა ჸოროფას თინეფიშ მიმართ, მიდგას უჭირს

ნამთინექ შილებე თქუას: „იეჰოვაშ მოწმეეფიშ რელიგია ახალ რე“.

მუჟამშე მიშინუანს იეჰოვა მუშ თაყვანიშმცემელეფს მოწმეეფო?

დასკვნა

იეჰოვაშ მოწმეეფ რენა ჭეშმარიტ ქრისტიანეფ. ჩქი მთელ მსოფლიოს ართ ოჯახცალო ვორეთ გაერთიანებულ, ჩქინ რწმენა გერსხილ რე ბიბლიაშა დო ვაცხადენთ ჭეშმარიტებას იეჰოვაშ გურშენ.

გამეორებელ კითხვეფ

მუშენ ბჯოხონა იეჰოვაშ მოწმეეფ?
მუჭო გიმიფრჩქინანთ ართიანიშ ჸოროფას?
მუჭო ფიქრენთ, ქორენანო იეჰოვაშ მოწმეეფ ნამდვილ ქრისტიანეფ?

თე დუდიშ თებაშ თარიღ

მიზან

ქოკითხით ართ-ართ იეჰოვაშ მოწმეს, მუქ დარწმუნ, ნამდა ჭეშმარიტებას ქიმიოგორუ.

შხვა მიზან:

დამატებით მასალა

ქიგეგით უმოს ჩქინ ისტორიაშ გურშენ.

„იეჰოვაშ მოწმეეფ — ცოცხალ რწმენა, ნაწილ 1: უკმელაშე გიშულირეფ“ (1:00:53)

ქოძირით მაგალით, მუჭო აარგამენა იეჰოვაშ მოწმეეფ ტყურა გურაფეფს.

„ღორონთიშ ხალხ განადიდენს თიშ სახელს“ 7:08

მიღით პასუხეფ თი კითხვეფშე, ნამუთ შილებე იეჰოვაშ მოწმეეფიშ გურშენ გიღდან.

„ბრელშა დოსუმალირ კითხვეფი იეჰოვაშ მოწმეეფშენ“ (ვებ განყოფილება)

სტეფანს მანგარო ჯოგუდ შხვა რასაშ ხალხ დო ათეშენ თხოზუდ თინეფს. ქიგეგით, მუ ძირჷ თიქ იეჰოვაშ მოწმეეფ შქას, მუდგაქ აღძრჷ, დითირკო.

„ჩქიმ ცხოვრება გლახაშე უფრაშობაშა მიშჷ“ („გინაჯინალ კოშკი“ 1 კვირკვე, 2015 წ.)

a 1879 წანაშე მოჸუნაფილ, გიშმურს ჩქინ მთავარ ჟურნალ, „გინაჯინალ კოშკი“, სოდეთ მოჩამილ რე ბიბლიურ ჭეშმარიტება.

შილებე თექ ხოლო მიგეწონან

ᲑᲠᲔᲚᲨᲐ ᲓᲝᲡᲣᲛᲐᲚᲘᲠ ᲙᲘᲗᲮᲕᲔᲤᲘ

მუჭო იტარებ ბიბლიაშ გურაფა იეჰოვაშ მოწმეეფწკუმა ართო?

იეჰოვაშ მოწმეეფწკუმა ბიბლიაშ უფასო გურაფაშ დროს, შეილებნა ბიბლიაშ ნებისმიერ თარგმანიშ გიმორნაფა. ბიბლიაშ გურაფაშა შეილებნა დაპატიჟათ მთელ ოჯახ ვარდა მეგობრეფ.

მარადიულო გეხარით ცხოვრებათ! — ქიგეგით, მუს ოგურუანს ბიბლია