იეჰოვა რე წესრიგიშ ღორონთ (1 კორინთელები 14:33). ათეშენ ველუთ, ნამდა თიშ ხალხ ორგანიზებულ იჸუაფ. მუჭო რე ორგანიზებულ ქრისტიანულ კრებეფ? მუჭო შემლებნა ხე შევუნწყუათ წესრიგიშ დაცვებას კრებას?

1. მი რე კრებაშ დუდ?

„ქრისტე რე კრებაშ დუდ“ (ეფესოელები 5:23). თინა ზეცაშე ხემძღვანელენს მთელ მსოფლიოს იეჰოვაშ ხალხიშ საქმიანობას. იესოქ დანიშნჷ „ართგურ დო გონიერ მონა“ — სულიერო მოწიფულ უხუცესეფიშ ჭიჭე ჯგუფ, ნამდგას ხემძღვანელ საბჭო ხოლო ჯოხო (წეკითხით მათეშ 24:45—47). ამდღა ხემძღვანელ საბჭო მთელ მსოფლიოს არძა კრებას არზენს მითითებეფს, მუჭოთ თეს პირველ საუკუნეს იერუსალიმს მსახურენდესინ თი მოციქულეფ დო უხუცესეფ ორთუდეს (საქმეები 15:2). მარა თე ქომოლკათა ვა რენა ჩქინ ორგანიზაციაშ უნჩაშეფ. თინეფ ხემძღვანელობას ღორონთიშ სიტყვას გორნა დო ომორჩილნა იესოშ მეთაურობას.

2. მუ როლ უღნა უხუცესეფს კრებას?

უხუცესეფ რენა სულიერო მოწიფულ ქომოლკათა, მით ოგურუანა იეჰოვაშ ხალხის ბიბლიაშე დო ჭყიშანა თით, ნამდა ოხვარნა დო გურშა ელუკინანა თინეფს. უხუცესეფს ფარა ვერზიებნა თე საქმეშენ. თეშ მანგიორო, თინეფ თეს ორთნა „ხიოლით, მუჭოთ ღორონთის ოკო; მუდგარენიშ მეღებაშ მიზანით ვარინ, მზადყოფნათ“ (1 პეტრე 5:1, 2). უხუცესეფს ოხვარნა მომსახურეეფ, მით გარკვეულ დროშ უკულ შილებე აკმაყოფილენდან უხუცესო მსახურებაშ მოთხოვნეფს.

ხემძღვანელ საბჭო ნამთინე უხუცესის რაიონულ ზედამხედველო ანიშნენს. თინეფ იძირუანა შხვადოშხვა კრებას, ნამდა ქუხემძღვანელან დო გურშა ელუკინან. რაიონულ ზედამხედველეფ ანიშნენა უხუცესეფო დო მომსახურეეფო თინეფს, მით აკმაყოფილენა ბიბლიას მოჩამილ მოთხოვნეფს (1 ტიმოთე 3:1—10, 12; ტიტე 1:5—9).

3. მუ როლ უღჷ თითოულ იეჰოვაშ მოწმეს კრებას?

კრებას არძა ადიდენს იეჰოვაშ სახელს შეხვალამეფს მონაწილებაშ მეღებათ დო მსახურებას ნამ შეულებუნ თიშ კეთებათ (წეკითხით ფსალმუნიშ 148:12, 13).

 ქიგეგით უმოს

4. იესო ჯგირ მეთაურ რე

იესო მთელ გურით მიწვიენა. წეკითხით მათეშ 11:28—30 დო უკულ გარჩით თუდო მოჩამილ კითხვა:

• მუჭო იბგინანთ დუდის იესოშ მეთაურობაშ თუდო?

5. უხუცესეფ მუნეფიშ მაგალითით ოგურუანა

1. ა. უხუცესეფ ირიათო ოცადნა, მუნეფს დო მუნეფიშ ოჯახეფს იეჰოვაწკუმა ჯგირ ურთიერთობა უღდან

2. ბ. უხუცესეფ კრებას არძაშე ზრუნენა

3. გ. უხუცესეფ რეგულარულო ქადაგენა

4. დ. უხუცესეფ მასწავლებერეფ რენა. თეწკუმა ართო, მონაწილებას ღებულენა დარბაზიშ დონწყუალას დო შხვა საქმეეფს

 6. ჩქი შემლებნა ხუჯ დუკინათ უხუცესეფს

ბიბლია საფუძვლიან მიზეზის მარზენა თიშო, ნამდა უხუცესეფს ხუჯ დუკინათ. წეკითხით ებრაელეფიშ 13:17 დო უკულ გარჩით თუდო მოჩამილ კითხვა:

• ქორენო გონივრულ, დევემორჩილათ თე ბიბლიურ რჩევას დო მუშენ ფიქრენთ თაშ?

წეკითხით ლუკაშ 16:10 დო უკულ გარჩით თუდო მოჩამილ კითხვა:

• მუშენ რე მნიშვნელოვან ხუჯ დუკინათ უხუცესეფს, ართ მეჯინათ ნაკლებო მნიშვნელოვან საკითხის ხოლო?

დასკვნა

იესო რე კრებაშ დუდ. ჩქი ხიოლით ვუკინენთ ხუჯის უხუცესეფს, მით იესოშ ხემძღვანელობას მეჸუნს, მუშენდა თინეფ გურშა ელამკინანა დო მუნეფიშ მაგალითით მოგურუანა.

გამეორებელ კითხვეფ

• მი რე ქრისტიანულ კრებაშ დუდ?

• მუჭო ოხვარნა უხუცესეფ კრებას?

• მუ როლ უღჷ იეჰოვაშ თითოულ თაყვანიშმცემელს?