დუდ 22

მუჭო შეილებნა შხვეფს გეგნოჩათ სახიოლო ამბე?

რჩქილა

ბიბლიურ ჭეშმარიტებაშ გურაფაშ დროს, შილებე იფიქრათ: „თენა ირკოჩიქ ოკო ქიგეგას!“. თაშ რე, თენა ირკოჩიქ ოკო გეგას! მარა შილებე გაწუხენდან თიშე ფიქრ, მუჭო უქადაგათ შხვეფს. მორთ გუვარჩუათ, მუჭო შეილებნა გიორჯგინათ თეცალ ფიქრეფს დო ხიოლით ქიდიჭყათ შხვეფშა სახიოლო ამბეშ გინოჩამა.

1. მუჭო შეილებნა ნაჩინებუეფს გინოჩათ თინა, მუთ გეგით?

იესოშ მოწაფეეფქ თქუეს: „ჩქი ვემმატებენა თიშე რაგად, მუთ ბძირით დო მიფრჩქილეთ“ (საქმეები 4:20). თინეფ თეშ აფასენდეს ჭეშმარიტებას, ნამდა ოკოდეს, მუთ შილებე ბრელ ადამიანშა უქადაგებდესკო. თქვა ხოლო თაშ ფიქრენთო? თაშ ქორენ-და, დოგორით შესაძლებლობეფ, მუჟამსით შეგალებენა ოჯახიშ წევრეფს დო მეგობრეფს გემუანო ქუწუათ თინა, მუთ დიგურეთ (წეკითხით კოლოსელეფიშ 4:6).

ნამთინე საშვალება ჩიებაშ დაჭყაფალო

ოჯახიშ წევრეფწკუმა რეთინ თიმწკუმა, ბიბლიურ თემაშე ჩიებაშ წუმაჭყაფალო ქოთქვით: „თე მარას საინტერესო მუდგარენ გებგჷ“.
გუზიარით გურიშემაკინალ ბიბლიურ მუხლ მეგობარს, ნამუთ გლახათ რე ვარდა ოწუხებელ უღჷ.
მუჟამსით თქვან თანამშრომელეფ გოკითხნა, მუს ორთუდით საბატონ დო ჟეშხას, ქუწით, მუ გეგით ბიბლიაშ გურაფაშე ვარდა კრებაშ შეხვალამაშე.
ქაძირეთ თქვან მეგობრეფს ვებგვერდ.
ქუდაპატიჟით შხვეფ, ნამდა ქიდესწრან თქვან ბიბლიაშ გურაფას ვარდა ქაძირეთ, მუჭო მითხუან ბიბლიაშ გურაფა ვებგვერდშე jw.org.

2. მუშენ რე კრებაწკუმა ართო ქადაგება მნიშვნელოვან მიზან?

იესოშ მოწაფეეფ სახიოლო ამბეს ხვალე ნაჩინებუეფწკუმა ვა ქადაგენდეს. იესოქ თინეფ „მიდაშქვჷ ჟირ-ჟირო არძა . . . ქალაქშა“ (ლუკა 10:1). თეცალ ორგანიზებულ სამქადაგებლო საქმექ ბრელს ქიმეჩ საშვალება, ქიმირჩქილუესკო სახიოლო ამბე. ართო ქადაგებას მოწაფეეფშა უმოს ხიოლ მოუღუდ (ლუკა 10:17). თეშნერო, თქვა ხოლო შეილებნა მიზანო გიღდან კრებაწკუმა ართო ქადაგება!

ქიგეგით უმოს

დეფიქრით, მუჭო შეილებნა გიორჯგინათ ქადაგებაშ შიშის დო გეგმოცადათ თი ხიოლ, ნამუთ თე საქმეს მოუღ.

3. იეჰოვა იჸუაფ თქვანწკუმა

ნამთინეს, მიდგას ქადაგება ოკო, შილებე ოშქურდას თიშა, მუს იფიქრენა შხვეფ თიშ გურშენ ვარდა მუნერ რეაქცია აღვენუნა.

თქვა ხოლო ხომ ვა გოშქურნა, მუჟამსით შხვეფწკუმა ქადაგებაშე ფიქრენთ დო მუშენ?

ქოძირით ვიდეო დო უკულ გარჩით თუდო მოჩამილ კითხვა.

ვიდეო: „იეჰოვას ლოცვას გაბედულებას ფთხინდჷ!“ (4:05)

მუჭო გიორჯგინეს თე ახალგაზრდა მოწმეეფქ შიშის?

წეკითხით ესაიაშ 41:10 დო უკულ გარჩით თუდო მოჩამილ კითხვა:

მუშენ ოკო ილოცათ თიმწკუმა, მუჟამსით ქადაგებაშ შიშ გიღნა?

ქოიჩქუდესო?

ბრელ იეჰოვაშ მოწმე ფიქრენდჷ, დღას ვეშიალებედ შხვეფშა სახიოლო ამბეშ ქადაგება. მაგალთო, ართ პიროვნება, სერგეი, დუდის უღირსო გინაფლენდჷ დო უჭირდჷ შხვეფწკუმა ჩიება, მარა თიქ ქიდიჭყჷ ბიბლიაშ გურაფა დო ასე იჩიებ: „ჩქიმ შიშიშ უმკუჯინუო, ქიდიბჭყჷ შხვეფწკუმა თიშ გურშენ ჩიება, მუდგას ბგურაფლენდჷ. ჩქიმ გასაკვირო შხვეფწკუმა ბიბლიაშ გურშენ ჩიებაქ უმოს თავდაჯერებულობა ქომუჩ დო რწმენა ხოლო გამიმანგარ“.

4. გეგმირჩქინით პატიცემა

მუჟამსით სახიოლო ამბეს ქადაგენთ, მნიშვნელოვან რე დეფიქრათ, მუს თქუანთ დო მუჭო გინოჩანთ ორაგადეს. წეკითხით 2 ტიმოთეშ 2:24 დო 1 პეტრეშ 3:15 დო უკულ გარჩით თუდო მოჩამილ კითხვეფ:

მუჭო შეილებნა გეგმირინუათ თე მუხლეფს მოჩამილ რჩევეფ, მუჟამსით შხვეფს ბიბლიაშ გურშენ ეჩიებუთ?
ნამთინე ოჯახიშ წევრ ვარდა მეგობარს შილებე ვა გოთანხმუდან. მუშ კეთება შეილებნა თეცალ დროს დო მუ ოკო ვა გაკეთათ?
მუშენ შილებე უჯგუშ რდას, შხვეფწკუმა ჩიებაშ დროს ტაქტიან კითხვეფიშ გიმორნაფა ვინემ თიშ რაგად, ნამდა ოკო დეჯერან თინა, მუდგას ვურაგადუთ?

5. სახიოლო ამბეშ გაცხადებას ხიოლ მოუღ

იეჰოვაქ დავალ იესოს იქადაგკო სახიოლო ამბე. მუჭო უჯინედ იესო თე საქმეს? წეკითხით იოანეშ 4:34 დო უკულ გარჩით თუდო მოჩამილ კითხვეფ:

ჯგირ ოჭკუმალიშ ჭკუმუაშ ჭყოლოფათ ფცოცხლენთ დო ხიოლს ბგინაფლენთ. მუშენ შეადარ იესოქ ოჭკუმალიშ ჭკუმუა ღორონთიშ ნებაშ შესრულებას, მუდგაშა სახიოლო ამბეშ ქადაგება ხოლო მიშურს?
მუჭო ფიქრენთ, მუ ხიოლ შილებე მოუღდას სახიოლო ამბეშ ქადაგებას?

რჩევეფ

შქამარაშ შეხვალამაშ დროს, ქიდეკვირით თი მეთოდეფს, მუდგათ შეილებნა დიჭყათ ჩიება.
ქუდურაგადეთ თქვან მასწავლებერს, მუჭო შეილებნა შქამარაშ შეხვალამეფიშ დავალებეფს მიღათ მონაწილება. დავალებეფს შეულებ მიგეხვარან, უმოს მომზადებულ რდათ, შხვეფს გეგნოჩათ თინა, მუდგას გურაფლენთ.
გეგმირინეთ თე წიგნის მოჩამილ პუნქტ: „ნამთინექ შილებე თქუას“ ვარდა „ნამთინექ შილებე იკითხას“, თიშო მამზადებელო, მუჭო შეილებნა უპასუხათ გავრცელებურ კითხვეფს ვარდა საწინააღმდეგო აზრეფს.

ნამთინექ შილებე იკითხას: „მუ რე ახალ სქანჸურე?“.

მუჭო შეილებნა თე დროს პიროვნებას ქეჩუათ თიშ გურშენ, მუთ ბიბლიაშ გურაფაშე გეგით?

დასკვნა

შხვეფშა სახიოლო ამბეშ ქადაგებას ხიოლ მოუღ დო თეშ კეთება შილებე უმოს ადვილ რდას, ვინემ თქვა ფიქრენთ.

გამეორებელ კითხვეფ

მუშენ უქადაგუთ შხვეფს სახიოლო ამბეს?
მუჭო შეილებნა ქადაგებაშ დროს გეგმირჩქინათ პატიცემა?
მუჭო შეილებნა გიორჯგინათ ქადაგებაშ შიშის?

თე დუდიშ თებაშ თარიღ

მიზან

დეფიქრით, კონკრეტულო მის შეილებნა უქადაგათ. თეს გეძინელ, ქიფიქრით, მუ, მუჭო დო მუჟამ უწუათ.

შხვა მიზან:

დამატებით მასალა

ქოძირით ოთხ მარტივ საშვალება, მუჭო შეილებნა ვებგვერდიშ jw.org საკონტაქტო ბარათიშ გიმორნაფათ, სახიოლო ამბეშ შხვეფშა გინოჩამა.

„jw.org საკონტაქტო ბარათიშ შეთავაზებაშ ნიმუშ“ (1:43)

დეფიქრით ოთხ თვისებაშე, ნამუთ მიგეხვარებნა სახიოლო ამბეშ ქადაგებას.

„ქორეთო მზათ, ადამიანეფიშ მებადურეფო გინირთათ?“ („გინაჯინალ კოშკი“ სექტემბერი, 2020 წ.)

ქოძირით, მუჭო შეულებ ბიბლიურ მაგალითის გაბედულება მეჩას პიროვნებას, ბაღანა რდასინ ხოლო, ქიქადაგას სახიოლო ამბე.

„იეჰოვა გაბედულებას მერჩანს!“ (11:59)

ქოძირით, მუჭო შეილებნა ეჩუათ ბიბლიაშ გურშენ ოჯახიშ წევრეფს, მით ვეჩინენს იეჰოვას.

„მუჭო მივეხვარათ ჭეშმარიტებაშ გაგებას ჩქინ ნათესეეფს“ („გინაჯინალ კოშკი“ 15 მარტი, 2014წ.)

შილებე თექ ხოლო მიგეწონან

ᲑᲠᲔᲚᲨᲐ ᲓᲝᲡᲣᲛᲐᲚᲘᲠ ᲙᲘᲗᲮᲕᲔᲤᲘ

მუჭო იტარებ ბიბლიაშ გურაფა იეჰოვაშ მოწმეეფწკუმა ართო?

იეჰოვაშ მოწმეეფწკუმა ბიბლიაშ უფასო გურაფაშ დროს, შეილებნა ბიბლიაშ ნებისმიერ თარგმანიშ გიმორნაფა. ბიბლიაშ გურაფაშა შეილებნა დაპატიჟათ მთელ ოჯახ ვარდა მეგობრეფ.

მარადიულო გეხარით ცხოვრებათ! — ქიგეგით, მუს ოგურუანს ბიბლია