მუს გინაფლენთ, მუჟამსით თქვან მეგობარ ძვირფას მუდგარენს გაჩუქენა? ალბათ მანგარო გოხიოლნა დო გოკოდან იჸი ქაძირუათ, ნამდა აფასენთ თიშ საჩუქარს. იეჰოვა დო იესოქ არძაშ უჯგუშ საჩუქარ მუჩეს. მუ რე თინა დო მუჭო შემლებნა ვოძირუათ, ნამდა ვაფასენთ თის?

1. მუ რე ართ-ართ საშვალება, მუდგათ შემლებნა ვოძირუათ, ნამდა იეჰოვა დო იესოშ მარდულობას გიმიფრჩქინათ?

ბიბლია მოპირნა, ნამდა, პიროვნებას, მით „თიშ [იესოშ] რწმენას გიმირჩქინანს“, შეულებ მარადიულო იცხოვრას (იოანე 3:16). მუს ნიშნენს რწმენაშ გიმორჩქინა? უმოს მეტიშ კეთება რე საჭირო, ვინემ ხვალე თინა, ნამდა ბწანდან იესოშ. რწმენა ჩქინ გადაწყვეტილებეფით დო საქმეეფით ოკო ქუვოძირუათ (იაკობი 2:17). მუჟამსით რწმენას ჩქინ სიტყვეფით დო საქმეეფით გეგმიფრჩქინანთ, იესო დო თიშ მუმა იეჰოვაწკუმა ურთიერთობა უმოსო გემემანგარებნა (წეკითხით იოანეშ 14:21).

2. ნამ განსაკუთრებულ ღონისძიება მოხვარნა, ნამდა მარდულობა ქუვოძირუათ იეჰოვა დო იესოს?

ღურაშახ იესოქ მუშ მიმაჸუნალეფს ხოლო ართ საშვალებაშ გურშენ ეჩუ, მუდგათ შეულებდეს გიშაჸიდირალიშ მარდულობაშ გიმოხანტუა. თიქ უწუ, ნამდა აღნიშნესკო განსაკუთრებულ ღონისძიება, ნამდგას ბიბლიას „უფალიშ ოსერშე“ ჯოხო. თეს გეძინელ, თის მიფშინუანთ, მუჭოთ ქრისტეშ ღურაშ გოშინაშ ონჯუას (1 კორინთელები 11:20). იესოს ოკოდ, მუშ მოციქულეფს დო არძა ჭეშმარიტ ქრისტიანს შუდკო, ნამდა თიქ მუშ სიცოცხლე გაწირ ჩქინო. ათეშენ დომჩინეს: „თენა აკეთით ჩქიმ გასაშინეთ“ (ლუკა 22:19). მუჟამსით ოსწრუთ გოშინაშ ონჯუას, ოძირანთ, ნამდა მარდულეფ რეთ თი დიდ ჸოროფაშ, ნამუთ იეჰოვა დო იესოს ჩქინ მიმართ უღნა.

 ქიგეგით უმოს

3. მარდულობა მოქმედებაშა აღბძრენა

წერმიდგინით, ნამდა მიდგარენქ წყარს შქვიდაფას გინგოტუეს. ადვილო გიჭყოლიდუანდითო თის, მუთ თე პიროვნებაქ თქვანო აკეთ დოვარ ეცადებუდით, ქაძირეთკო თის, ნამდა თიშ მარდულეფ რეთ?

იეჰოვაშ ჭყოლოფათ ჩქი მარადიულ სიცოცხლეშ შესაძლებლობა მიღნა. წეკითხით 1 იოანეშ 4:8—10 დო უკულ გარჩით თუდო მოჩამილ კითხვეფ:

• მუშენ რე იესოშ მსხვერპლ განსაკუთრებულ საჩუქარ?

• მუს ფიქრენთ თიშე, მუთ იეჰოვა დო იესოქ თქვანო აკეთეს?

მუჭო შემლებნა ვოძირუათ, ნამდა მარდულ ვორეთ თი ირფელშე, მუთ იეჰოვა დო იესოქ ჩქინო აკეთეს? წეკითხით 2 კორინთელეფიშ 5:15 დო 1 იოანეშ 4:11; 5:3. თითოულ მუხლიშ კითხირიშ უკულ, გარჩით თუდო მოჩამილ კითხვა:

• მუჭოთ თე მუხლშე იძირე, მუშ კეთება შემლებნა მარდულობაშ ოძირაფალო?

4. ქიმიაჸუნით იესოშ მაგალითის

მარდულობაშ გიმოხანტუაშ ხოლო ართ საშვალება იესოშ მაგალითიშ მეჸუნა რე. წეკითხით 1 პეტრეშ 2:21 დო უკულ გარჩით თუდო მოჩამილ კითხვა:

• მუჭო შეილებნა ზუსტას მიაჸუნათ ქრისტეშ ნაკვალუს?

• მუ ხვადუ გოშინაშ ონჯუას?

დასკვნა

მუჟამსით ვავითარენთ იესოშ რწმენას დო ვოსწრუთ თიშ ღურაშ გოშინაშ ონჯუას, თეთ მარდულობას გიმიფრჩქინანთ თი ირფელშე, მუთ თიქ ჩქინო აკეთ.

გამეორებელ კითხვეფ

• მუს ნიშნენს იესოშ მიმართ რწმენაშ გიმორჩქინა?

• მუშ კეთება გილამნა თიშ ოძირაფალო, ნამდა მარდულ რეთ თი ირფელშე, მუთ იეჰოვა დო იესოქ თქვანო აკეთეს?

• მუშენ რე მნიშვნელოვან ქრისტეშ გოშინაშ ონჯუაშა დასწრება?