დუდ 31
მუ რე ღორონთიშ სამეფო?
ბიბლიაშ მთავარ თემა ღორონთიშ სამეფო რე. იეჰოვა თე სამეფოს გეგმირინუანს თიშო, ნამდა დედამიწაწკუმა დაკავშირებულ მუშ დუდშეიან განზრახვა შეასრულას. მუ რე ღორონთიშ სამეფო? სოვრეშე მიჩქნა, ნამდა თინა ამდღა მართველენს? მუ აკეთ ღორონთიშ სამეფოქ დო მუს გაკეთენს მომავალს? პასუხეფს თე დო უკულიან ჟირ დუდშე ქიგებგენთ.
1. მუ რე ღორონთიშ სამეფო დო მი რე თიშ მეფე?
ღორონთიშ სამეფო იეჰოვაშ დაარსებულ მთავრობა რე. თიშ მეფე იესო ქრისტე რე დო თინა ზეცაშე მართველენს (მათე 4:17; იოანე 18:36). ბიბლია იესოშ გურშენ იჩიებ: „თინა მარადიულო იმეფენს“ (ლუკა 1:32, 33). მუჭოთ ღორონთიშ სამეფოშ მეფე, იესო, მთელ დედამიწაშ მართველ იჸუაფ.
2. მი მართველენს იესოწკუმა ართო?
იესო ხვალე ვა მართველენს. ადამიანეფ „არძა ტომშე, ნინაშე, ხალხშე დო ერშე . . . იჸუაფნა დედამიწაშ მართველეფ“ (გამოცხადება 5:9, 10). მუსხი იჸინა თინეფ? იესოშ დედამიწაშა მოულაშ უკულ მილიონობით ადამიანქ გინირთჷ თიშ მიმაჸუნალო, მარა ხვალე 144 000 მეურს ზეცაშა, ნამდა თიწკუმა ართო იმართველას (წეკითხით გამოცხადებაშ 14:1—4). დანარჩენ ქრისტიანეფ თე სამეფოშ მოქალაქეეფ იჸუაფნა დედამიწას (ფსალმუნი 37:29).
3. მუშენ რე ღორონთიშ სამეფო ადამიანურ მთავრობეფიშ უჯგუშ?
შილებე მთავრობას რენან თი კათა ოცადდან ჯგირიშ კეთებას, მარა თინეფს ვა უღნა ძალა თი ირფელიშ ოკეთებელო, მუდგაშ სურვილ უღნა. საბოლათ თინეფს იშენ ეგოისტ მართველეფ თირანს, მიდგას შილებე ვაკოდას ხალხიშ მოხვარა. მარა ღორონთიშ სამეფოშ მეფეშ, იესოშ, მართველობა დღას ვეთირუ. ღორონთიქ დამყარ სამეფო, „ნამუთ დღას ვეკოცენს“ (დანიელი 2:44). იესო იმართველენს მთელ დედამიწაშა დო ვეგმირჩქინანს გიშაკერძაფას. თინა მოჸოროფე, კეთილ დო სამართლიან რე დო შხვეფს ხოლო დაგურუანს, ნამდა ართიანს მექცუან ჸოროფათ, ჯგირო დო სამართლიანო (წეკითხით ესაიაშ 11:9).
ქიგეგით უმოს
ქიგეგით, მუშენ რე ღორონთიშ სამეფო ნებისმიერ ადამიანურ მთავრობაშ უჯგუშ.
4. თე ძალიერ მთავრობა მთელ დედამიწას იმართველენს
იესო ქრისტეს ამდღარ დღაშახ არსებულ ნებისმიერ მართველშე უმოს მეტ ძალა უღჷ. წეკითხით მათეშ 28:18 დო უკულ გარჩით თუდო მოჩამილ კითხვა:
-
მუთ რე იესოშ მართველობა ადამიანურ მართველობაშე ბრელით უჯგუშ?
ადამიანურ მთავრობეფ ხშირას ითირუ დო თითოულ დედამიწაშ ხვალე მუდგარენ ნაწილს მართუნს. მუშ რაგად შემლებნა ღორონთიშ სამეფოშე? წეკითხით დანიელიშ 7:14 დო უკულ გარჩით თუდო მოჩამილ კითხვეფ:
-
თქვან აზრით, მუშენ იჸუაფ ჩქინო ჯგირ თინა, ნამდა ღორონთიშ სამეფო დღას „ვეკოცენს“?
-
თქვან აზრით, მუშენ იჸუაფ ჩქინო ჯგირ თინა, ნამდა თე მთავრობა მთელ დედამიწას იმართველენს?
5. ადამიანურ მართველობაქ ოკო დითირას
მუშენ ოკო დოთირუას ღორონთიშ სამეფოქ ადამიანურ მთავრობეფ? ქოძირით ვიდეო დო უკულ გარჩით თუდო მოჩამილ კითხვა.
-
მუ შედეგ მიღჷ ადამიანურ მართველობაქ?
წეკითხით ეკლესიასტეშ 8:9 დო უკულ გარჩით თუდო მოჩამილ კითხვა:
-
მუჭო ფიქრენთ, ოკო დოთირუასო ღორონთიშ სამეფოქ ადამიანურ მართველობეფ დო მუშენ ფიქრენთ თაშ?
6. ღორონთიშ სამეფოს თიცალ მართველეფ ჸუნს, მიდგას ჯგირო არჩქილე ჩქინ
ჩქინ მეფე, იესო, ცხოვრენდჷ მუჭოთ ადამიან, ათეშენ თის არჩქილე, „მუ სისუსტეეფს ვობრძოლუთ“ (ებრაელები 4:15). 144 000 ართგურ ქომოლკოჩ დო ოსურკოჩ, ნამუთ იესოწკუმა ართო იმართველენს, იეჰოვაქ „არძა ტომშე, ნინაშე, ხალხშე დო ერშე“ გიშეგორ (გამოცხადება 5:9).
-
თქვან აზრით, ქორენო გურიშემაკინალ თინა, ნამდა იესოს დო თიშ არძა თანამართველს არჩქილენა ჩქინ დო უჩქნა, მუ პრობლემეფ მიღნა დო მუშენ ფიქრენთ თაშ?
იეჰოვა არძანერ წარმოშობაშ ქომოლკათა დო ოსურკათას გიშაგორუნს, ნამდა იესოწკუმა ართო იმმართველან
7. ღორონთიშ სამეფოს ბრელით უჯგუშ კანონეფ უღჷ
მართველეფ ღებულენა თიცალ კანონეფს, ნამუთ მუნეფიშ აზრით დოთხილანს დო ჯგირობუას მოუღანს მოქალაქეეფს. ღორონთიშ სამეფოს ხოლო უღჷ კანონეფ, ნამდგას მუშ მოქალაქეეფქ ოკო დემორჩილან. წეკითხით 1 კორინთელეფიშ 6:9—11 დო უკულ გარჩით თუდო მოჩამილ კითხვეფ:
-
მუნერ იჸუაფ მსოფლიო, მუჟამსით არძა დემორჩილებ ღორონთიშ სამეფოშ კანონეფს? a
-
ქოუღუნო იეჰოვას უფლება, ღორონთიშ სამეფოშ მოქალაქეეფშე ელდას, თიშ სამეფოშ კანონეფიშ მორჩილებას დო მუშენ ფიქრენთ თაშ?
-
სოვრეშე იძირე, ნამდა თინეფს, მით თე კანონეფს ვა მორჩილ, შეულებნა დითირან? (ქოძირით მუხლ 11)
მთავრობეფ ხალხიშ საჯგირობუოთ დო ოთხილარო ღებულენა კანონეფს. ღორონთიშ სამეფოს ბრელით უჯგუშ კანონეფ უღჷ მუშ მოქალაქეეფიშ საჯგირობუოთ დო ოთხილარო
ნამთინექ შილებე იკითხას: „მუ რე ღორონთიშ სამეფო?“
-
მუჭო უპასუხენდით?
დასკვნა
ღორონთიშ სამეფო რე რეალურ მთავრობა, ნამუთ ზეცას რე დო თე მთავრობა მთელ დედამიწაშ მართველ იჸუაფ.
გამეორებელ კითხვეფ
-
მი რენა ღორონთიშ სამეფოშ მართველეფ?
-
მუთ რე ღორონთიშ სამეფო ადამიანურ მთავრობეფიშ უჯგუშ?
-
მუს ელჷ იეჰოვა მუშ სამეფოშ მოქალაქეეფშე?
დამატებით მასალა
ქოძირით, მუ თქუ იესოქ თიშ გურშენ, სო რე ღორონთიშ სამეფო.
მუშენ ფიქრენა იეჰოვაშ მოწმეეფ, ნამდა ღორონთიშ სამეფოშ ართგურობა უმოს მნიშვნელოვან რე, ვინემ ადამიანურ მთავრობეფიშ?
ქოძირით, მუს მირაგადნა ბიბლია 144 000-იშ გურშენ, მიდგას იეჰოვა გიშეგორუნს, ნამდა იესოწკუმა ართო იმეფან.
მუქ დარწმუნ ართ პატიმარ ოსურკოჩ, ნამდა ხვალე ღორონთის შეულებ სამართლიანობა მომღან?
„ქიგებგ, მუ ჸოფე უსამართლობაშ მიზეზეფ“ („გეგშაკურცხით!“ ნოემბერი, 2011 წ.)
a თე სამეფოშ ნამთინე კანონ მა-3 ნაწილს იჸუაფ გარჩიებულ.
შილებე თექ ხოლო მიგეწონან
ᲑᲠᲔᲚᲨᲐ ᲓᲝᲡᲣᲛᲐᲚᲘᲠ ᲙᲘᲗᲮᲕᲔᲤᲘ
მუჭო იტარებ ბიბლიაშ გურაფა იეჰოვაშ მოწმეეფწკუმა ართო?
იეჰოვაშ მოწმეეფწკუმა ბიბლიაშ უფასო გურაფაშ დროს, შეილებნა ბიბლიაშ ნებისმიერ თარგმანიშ გიმორნაფა. ბიბლიაშ გურაფაშა შეილებნა დაპატიჟათ მთელ ოჯახ ვარდა მეგობრეფ.
