დუდ 37

მუს იჩიებ ბიბლია მუშობა დო ფარაშენ?

ᲩᲐᲠᲗᲔᲑᲐ

დღას ქოიწუხებნანო სამუშა ვარდა ფარაშ გურშენ? შილებე ვა რდას ადვილ ჩქინ საჭიროებეფშო ზრუნვა დო თეწკუმა ართო, იეჰოვაშა თეშ მსახურება, მუჭოთ თის ოკუთვნჷ. ბიბლია მარზენა პრაქტიკულ რჩევეფს, ნამდგას შეულებ ჩქინ მოხვარა.

1. მუს იჩიებ ბიბლია მუშობაშენ?

იეჰოვას ოკო, მუშობაქ ხიოლ მომღან. ბიბლია იჩიებ: „თიშე უჯგუშ მუთუნ ვა რე კოჩშო, ნამდა . . . გემო ქოძირას მუშ ხანდას“ (ეკლესიასტე 2:24). იეჰოვა მანგარო ხანდენს. ჩქი ხოლო ქიმეპუნთ თიშ მაგალითის დო გურგედვალირო ქოფხანდენთ-და, გურს გავუხარენთ თის დო კმაყოფილებაშ გრძნობა მაღვენუნა.

მუშობა მნიშვნელოვან რე, მარა იეჰოვაშ მსახურებაშ წოხოლე დღას ოკო ვა გივორინუათ (იოანე 6:27). იეჰოვა მოპირნა, მუს პირველ ადგილს ქიგვორინუანთ-და, თინა ქიზრუნენს ჩქინ ფიზიკურ საჭიროებეფშო.

2. მუს ნიშნენს, მიღდან გაწონასწორებულ შეხედულება ფარაშ გურშენ?

მუჭოთ ბიბლია იჩიებ, ფარა „თხილანს კოჩის“, მარა ბიბლია თის ხოლო მაფრთხილენა, ნამდა ხვალე ფარას ვა მაღინე ჩქინდა ბედნერობა (ეკლესიასტე 7:12). ათეშენ, ბიბლია ელამჩანა, ვა მიჸორდან ფარა დო გებჯერდათ თის, მუთ მიღნა (წეკითხით ებრაელეფიშ 13:5). მუთ მიღნან თით კმაყოფილეფ ქუვორეთ-და, ვა გომტირხუნა გურ თიშე ფიქრით, ნამდა დღას ვა მაღვენუნა დასაბაღ ფარა დო ვართ საჭირო ვა რენ ფერ ვალეფს ვა გიბდვანთ (იგავები 22:7). თეს გეძინელ, დუდის ევუჩილითუანთ აზარტულ ლაჸაფეფიშ საფრთხეს დო თიცალ სარისკო შემოთავაზებეფს, ნამუთ უცბას გამდიდრებას მოპირნა.

3. მუჭო შემლებნა, ვორდათ ხეგოფაჩილეფ?

იეჰოვა ხეგოფაჩილ ღორონთ რე დო ჩქი მეპჸუნთ თიშ მაგალითის, მუჟამსით „გურხვეეფ დო ხეგოფაჩილეფ“ ვორეთ (1 ტიმოთე 6:18). შემლებნა ფინანსურო ხუჯ ქუდუკინათ კრებას ვარდა მივეხვარათ თინეფს, მიდგას თენა ოსაჭირ, განსაკუთრებულო თანამორწმუნეეფს დო თეშნერო ხეგოფაჩილობა გეგმიფრჩქინათ. იეჰოვაშო მნიშვნელოვან თინა რე, მუნერ მოტივით ვარზენთ შხვას ფარას დო ვართ თინა, მუსხის ვარზენთ. მუჟამსით მთელ გურით გიმიფრჩქინანთ გურხვეობას, ბედნერეფ იპჸით დო იეჰოვას ხოლო გურს გუხარენთ (წეკითხით საქმეეფიშ 20:35).

ქიგეგით უმოს

ქოძირით, მუ ჯგირობუას მოიღანა მუშობაშე გაწონასწორებულ შეხედულება დო კმაყოფილებაშ გრძნობა.

4. სამუშას თქვან ჯგირ საქციელით განადიდით იეჰოვა

იეჰოვაწკუმა მეგობრობაქ ოკო იმოქმედას თიშა, მუნერ დამოკიდებულება მაღვენუნა მუშობაშენ. ქოძირით ვიდეო დო უკულ გარჩით თუდო მოჩამილ კითხვეფ:

ვიდეო: „მთელ შურ დო გურით ემსახურით იეჰოვას“ (4:39)

მუქ მიგეწონეს თევრეშე, მუნერ დამოკიდებულება უღუდ ჯეისონს სამუშაშენ დო მუჭო იქციებუდ თექ?
მუ აკეთ თიქ, ნამდა სამუშაშე გაწონასწორებულ დამოკიდებულება ქუღუდკო?

წეკითხით კოლოსელეფიშ 3:23, 24 დო უკულ გარჩით თუდო მოჩამილ კითხვა:

მუშენ რე მნიშვნელოვან, მუნერ დამოკიდებულება მაღვენუნა მუშობაშ გურშენ?

მუშობა მნიშვნელოვან რე, მარა თინა იეჰოვაშ მსახურებაშ წოხოლე დღას ოკო ვა გივორინუათ

5. კმაყოფილებაშ გრძნობას ჯგირობუა მოუღ

ადამიანეფ ოცადნა, მუთ შილებენ ბრელ ფარა ქიშუან, მარა ბიბლია შხვა მუდგარენს ელამჩანა. წეკითხით 1 ტიმოთეშ 6:6—8 დო უკულ გარჩით თუდო მოჩამილ კითხვა:

მუშ კეთებას ელამჩანა ბიბლია?

თიმწკუმა ხოლო, მუჟამსით ბრელ ვა მიღნა, შემლებნა, ვორდათ ბედნერეფ. ქოძირით ვიდეო დო უკულ გარჩით თუდო მოჩამილ კითხვა:

ვიდეო: „რდათ კმაყოფილ თით, მუთ გიღნა“ (3:20)

მუს მოუღ თე ოჯახეფშა ხიოლ თიშ უმკუჯინუო, ნამდა ბრელ ვა უღნა?

მარა მუშ რაგად შემლებნა, ბრელ ქომღუნა დო ხოლო უმოს ქუმოკონან-და? თიშ ოძირაფალო, მუნერ ოშქურანჯ რე თენა, იესოქ მიჸუნ ართ იგავ. წეკითხით ლუკაშ 12:15—21 დო უკულ გარჩით თუდო მოჩამილ კითხვა:

მუ დიგურეთ იესოშ მოჸუნაფილ იგავშე? (ქოძირით მუხლ 15)

წეკითხით დო ქეშუდარით იგავეფიშ 10:22 დო 1 ტიმოთეშ 6:10. უკულ გარჩით თუდო მოჩამილ კითხვეფ:

მუჭო ფიქრენთ, მუ რე უმოს მნიშვნელოვან — იეჰოვაწკუმა მეგობრულ ურთიერთობა დოვარ ბრელ ფარა დო მუშენ ფიქრენთ თაშ?
მუ პრობლემეფ მოჸუნს უმოს მეტ ფარაშ შიბაშ სურვილს?

6. იეჰოვა ქიზრუნენს ჩქინ საჭიროებეფშო

მუშობა დო ფარაწკუმა დაკავშირებულ პრობლემეფქ შილებე გეგმოცადას ჩქინ რწმენა. ქოძირით ვიდეო დო ქიგეგით, მუჭო შემლებნა გივორჯგინათ რწმენაშ გამოცდეფს დო უკულ გარჩით თუდო მოჩამილ კითხვეფ:

ვიდეო: „იეჰოვა ქიზრუნენს ჩქინ საჭიროებეფშო“ (6:21)

მუ სირთულეეფს შეხვად თე ჯიმაქ?
მუ აკეთ თიქ, ნამდა გიორჯგინკო სირთულეეფს?

წეკითხით მათეშ 6:25—34 დო უკულ გარჩით თუდო მოჩამილ კითხვა:

მუს ოპირ იეჰოვა თინეფს, მით თის პირველ ადგილს გიორინუანს?

ნამთინექ შილებე თქუას: „შხვა შარა ვა მიღჷ ვემუფშუე, ათეშენ ირ მარას ვეგლმართინე კრებაშა“.

ნამ ბიბლიურ მუხლ გარწმუნენა, ნამდა იეჰოვაშ მსახურებაშ პირველ ადგილს გერნაფა არძაშ უჯგუშ გადაწყვეტილება რე?

დასკვნა

სამუშა დო ფარა აუცილებერ რე, მარა თინეფქ იეჰოვაშ მსახურებას ოკო ვემეცილან.

გამეორებელ კითხვეფ

მუ მიგეხვარებნა, გაწონასწორებულ შეხედულება გიღდან მუშობაშე?
მუ ჯგირობუას მოიღანა კმაყოფილებაშ გრძნობა?
მუჭო შეილებნა გიმირჩქინათ იეჰოვაშ დუნაპირებუშ რწმენა, ნამდა თინა იზრუნენს მუშ ხალხშე?

თე დუდიშ თებაშ თარიღ

მიზან

დეფიქრით, ბოლო თუთეფიშ დინახალე სამუშაშ გურშენ კრებაშ შეხვალამეფქ ბრელშა ხომ ვა გოიჩირთეს. დეფიქრით, ბოლო თუთეფიშ დინახალე სამუშაშ გურშენ კრებაშ შეხვალამეფქ ბრელშა ხომ ვა გოიჩირთეს.

შხვა მიზან:

დამატებით მასალა

გეგმირკვით, მუშენ რე ბიბლიას, ფარა ეჭარილ, მუჭოთ უბადობა.

„ირნერ უბადობაშ ჩხვიჩხვ რენო ფარა?“ (ვებ მასალა)

ქიგეგით, მუჭო შემლებნა თეშ გეგმიბრინუათ ფარა, ნამდა ვასიამოვნათ იეჰოვას.

„მუს იჩიებ ბიბლია შხვაშა ჯგირიშ კეთებაშენ?“ (ვებ მასალა)

უბრალოთ გართობა რენო აზარტულ ლაჸაფეფ?

„ბიბლიაშ თვალსაზრის — აზარტულ ლაჸაფეფ“ („გეგშაკურცხით!“ მარტი, 2015 წ.)

მუქ აღძრჷ ართ კოჩ, დოთირუკო მუშ ცხოვრება დო მიოტუკო აზარტულ ლაჸაფეფ დო ხირუა?

„მანგარო მიჸორდჷ ცხენეფ“ („გინაჯინალ კოშკი“ 1 ნოემბერი, 2011 წ.)

შილებე თექ ხოლო მიგეწონან

ᲑᲠᲔᲚᲨᲐ ᲓᲝᲡᲣᲛᲐᲚᲘᲠ ᲙᲘᲗᲮᲕᲔᲤᲘ

მუჭო იტარებ ბიბლიაშ გურაფა იეჰოვაშ მოწმეეფწკუმა ართო?

იეჰოვაშ მოწმეეფწკუმა ბიბლიაშ უფასო გურაფაშ დროს, შეილებნა ბიბლიაშ ნებისმიერ თარგმანიშ გიმორნაფა. ბიბლიაშ გურაფაშა შეილებნა დაპატიჟათ მთელ ოჯახ ვარდა მეგობრეფ.

მარადიულო გეხარით ცხოვრებათ! — ქიგეგით, მუს ოგურუანს ბიბლია