მთელ მსოფლიოს ადამიანეფს განსხვავებულ შეხედულება უღნა ოშუმალიშ გურშენ. ნამთინე მინშა მეგობრეფწკუმა ართო შუნს, ნამთინე გინოჭყვიდუნს, შურო ვა შვას. შხვეფ თიზმას შუნა, ნამდა იშუმუნა. მარა, მუს იჩიებ ბიბლია ოშუმალიშ გურშენ?

1. ვა შილებენო ალკოჰოლიშ მეღება?

ბიბლია ვეჩიებ, ნამდა შუმა გლახა რე. თეშ გინაწონს, ღორონთშე მეღებულ ძღვინეფ შქას, ღვინ ხოლო მიშინუაფ, ნამუთ „გურიშ გუმამხიარულებერ“ რე (ფსალმუნი 104:14, 15). ბიბლიას მოშინაფილ ნამთინე ართგურ ქომოლკოჩ დო ოსურკოჩ ხოლო შუნდჷ ალკოჰოლურ ოშუმალს (1 ტიმოთე 5:23).

2. მუ რჩევას არზენს ბიბლია თინეფს, მით ისხუნუანს, ნამდა გეშვას?

იეჰოვას ვა მოწონს ზომაშე მეტიშ შუმა დო შუმილობა (გალატელები 5:21). თიშ სიტყვა იჩიებ: „ვა რდა თინეფ შქას, მით ღვინს უზომეთ შუნს“ (იგავები 23:20). თაშ ნამდა, მუჟამსით შუმას გინობჭყვიდუნთ, ვა უღჷ მნიშვნელობა ხვალე დოვარ შხვეფწკუმა ართო, თიზმა ოკო ვა ფშვათ, ნამდა აზროვნებაშ უნარს მეცილან, რაგად დო საქმეეფ ვა მაკონტროლებედან ვარდა ჯამრთელობაშა ზიან მომღუდან. მუსხის ფშუნთინ თიშ კონტროლ ვა შემლებუნან-და, უჯგუშ იჸუაფ, საერთოთ ვარია ქოფთქუათ ოშუმალშე.

3. მუჭო შემლებნა პატი ფცათ ოშუმალწკუმა დაკავშირებულ შხვეფიშ გადაწყვეტილებას?

თითოულქ მუშით ოკო გინოჭყვიდას, გეშუნს დოვარ ოშუმალს. ჩქი ბრალ ოკო ვეგებდვათ თინეფს, მით შუმას გინოჭყვიდუნს დო ვართ თინეფს ოკო დუვანძალათ, მიდგას შუმა ვაკო (რომაელები 14:10). ჩქინ შუმას შხვეფშა პრობლემეფ ქუმუღუნ-და, გინობჭყვიდუნთ, ნამდა შურო ვა ფშვათ (წეკითხით რომაელეფიშ 14:21). ჩქი თის ბგორუნთ, „მუთ შხვაშო რე მარგებელ“ დო ვართ ხოლო ჩქინო (წეკითხით  კორინთელეფიშ 10:23, 24).

 ქიგეგით უმოს

4. გეგნოჭყვიდით, გეშუნთ დო ვარ ოშუმალს

მუს ფიქრენდჷ იესო ოშუმალიშ გურშენ? თეშ გაგებელო, გუვარჩუათ თიშ კეთებულ პირველ სასწაულ. წეკითხით იოანეშ 2:1—11 დო უკულ გარჩით თუდო მოჩამილ კითხვეფ:

• მუს ბგებულენთ თე სასწაულშე თიშ გურშენ, მუს ფიქრენდჷ იესო ოშუმალშე დო თი კათაშე, მით შუნს?

• იესო გლახათ ვა უჯინედ ოშუმალიშ შუმას. ათეშენ, მუნერ დამოკიდებულება ოკო უღდას ქრისტიანს თიცალ პიროვნებაშე, მით გინოჭყვიდუნს თიშ შუმას?

მართალ რე, ქრისტიანშო აკრძალულ ვა რე ოშუმალიშ შუმა, მარა თენა თის ვა ნიშნენს, ნამდა ირო გონივრულ რე შუმა. წეკითხით იგავეფიშ 22:3 დო უკულ გარჩით თუდო მოჩამილ ფაქტორეფ, ნამდგაქ შილებე გინგოჭყვიდირაფუან, გეშუნთ დოვარ თიმწკუმა, მუჟამსით:

• მანქანაშა გაფნა გიოხუნალ ვარდა დანადგარწკუმა ოკო იმუშუათ

• ორსულო რეთ

• ექიმ გივარიენა შუმას

• ვა გაკონტროლებენა მუსხის შუნთ

• კანონ ვა გარზენა შუმაშ უფლებას

• თიცალ პიროვნებაწკუმა ართო რეთ, მიდგას ულირს შუმა ვაკონტროლებედ დო ათეშენ, ასე დუდის ურიდანს ოშუმალს

ქორენო სწორ, კამპანიას ვარდა შხვა მეგობრულ შეხვალამეფს ოშუმალიშ მიკოღალა? თიშ გაგებელო, მუ მიგეხვარებნა თეშ გინოჭყვიდუას, ქოძირით ვიდეო.

წეკითხით რომაელეფიშ 13:13 დო 1 კორინთელეფიშ 10:31, 32. თითოულ მუხლიშ კითხირიშ უკულ, გარჩით თუდო მოჩამილ კითხვა:

• მუჭო მიგეხვარებნა თე პრინციპიშ გიმორნაფა თიცალ გადაწყვეტილებაშ მეღებას, ნამუთ გურს გუხარენს იეჰოვას?

 5. გეგნოჭყვიდით, მუსხის შუნთ

ალკოჰოლურ ოშუმალიშ მეღებას გეგნოჭყვიდუნთ-და, ვაგგოჭყორდან: იეჰოვა ალკოჰოლიშ შუმაშ ვარიას ვეჩიებ, მარა თის ვა მოწონს ზომაშე მეტიშ შუმა. მუ რე თეშ მიზეზ? წეკითხით ოსიაშ 4:11, 18 დო უკულ გარჩით მოჩამილ კითხვა:

• მუქ შილებე მაჸუნას ზომაშე მეტიშ შუმას?

მუჭო შემლებნა დუდ ეუჩილითუათ ზომაშე მეტიშ შუმას? მოკრძალებურეფ ოკო ვორდათ დო მარჩქილედან, მუსხიშ შუმა შემლებნა. წეკითხით იგავეფიშ 11:2 დო უკულ გარჩით თუდო მოჩამილ კითხვა:

• მუშენ რე გონივრულ, მიჩქუდან თიშ ზღვარ, მუსხი ფშვათ?

6. გიორჯგინით ზომაშე მეტიშ შუმაშ ჩვევას

დასკვნა

იეჰოვაქ ალკოჰოლურ ოშუმალეფ ჩქინ გამხიარულებერო მუჩეს, მარა თინა ვეწონუანს ზომაშე მეტიშ შუმას დო ოშუმალშა გინოჸუნას.

გამეორებელ კითხვეფ

• მუს იჩიებ ბიბლია ოშუმალიშ გურშენ?

• მუ საფრთხეეფ მოჸუნს ზომაშე მეტიშ შუმას?

• მუჭო შემლებნა პატი ფცათ ოშუმალწკუმა დაკავშირებულ შხვეფიშ გადაწყვეტილებას?