დუდ 44
არძანერ დღესასწაულ მოწონსო ღორონთის?
იეჰოვას ოკო, გეფხარათ ცხოვრებათ დო მინშა მნიშვნელოვან დღალეფ ხოლო აბღნიშნათ. მარა არძანერ დღესასწაულს იწონუანსო თინა? მუჭო შემლებნა თე საკითხწკუმა დაკავშირებით ვოძირუათ, ნამდა მიჸორა იეჰოვა?
1. მუშენ ვეწონუანს იეჰოვა არძანერ დღესასწაულს?
შილებე გაიკვირდან თიშ გაგებაქ, ნამდა ბრელ დღესასწაულ არაბიბლიურ გურაფეფშა რე გერსხილ ვარდა წარმართულ დაჭყაფ უღჷ. თეცალ დღესასწაულეფ შილებე ტყურა რელიგიეფშე მიშას, დაკავშირებულ რდას სპირიტიზმწკუმა ვარდა შურიშ უკვდავებაშ გურშენ გურაფაწკუმა. ნამთინე დღესასწაულიშ საფუძველ ცრურწმენა ვარდა ბედიშ არსებობაშ გურშენ რწმენა რე (ესაია 65:11). იეჰოვა მუშ მსახურეფს აფრთხილენს: „ვა რდათ თინეფწკუმა . . . უწმინდურს ვემკანჭათ“ (2 კორინთელები 6:17). a
2. მუს ფიქრენს იეჰოვა თიცალ დღესასწაულეფშე, ნამუთ ადამიანს განადიდენს?
იეჰოვა მაფრთხილენა, ნამდა კოჩშა ვა ვორდათ დაიმენდებულ (წეკითხით იერემიაშ 17:5). ნამთინე დღესასწაულ განადიდენს მართველეფს ვარდა ჯარიშკოჩეფს, შხვეფ სახელმწიფო სიმბოლოეფს ვარდა დამოუკიდებლობას (1 იოანე 5:21). ნამთინე დღესასწაულს ადამიანეფ პოლიტიკურ ვარდა სოციალურ ორგანიზაციეფს განადიდენა. მუჭო იგინანს იეჰოვა დუდის, ადამიანს ვარდა ორგანიზაციას განვადიდენთ-და, განსაკუთრებულო თიცალეფს, მიდგაშ შეხედულებეფ ოწინააღმდეგ მუშ განზრახვას?
3. მუნერ საქციელ გინაშქვანს დღესასწაულეფს ღორონთშო მიუღებელო?
ბიბლია ვეწონუანს „გინოჸუნელ შუმას, დუდეშქუმალირ დროშ ტარებას [დო] უზომე შუმას“ (1 პეტრე 4:3). ნამთინე დღესასწაულს ადამიანეფ ვეგმირჩქინანა დუდშეკებას დო უზნეოთ იქციებნა. იეჰოვაშ მეგობრეფო ქუდოფსქიდათინ, თეცალ უწმინდურ საქციელეფშე შორს ოკო ვორდათ.
ქიგეგით უმოს
ქიგეგით, მუჭო შეილებნა იეჰოვაშ გურიშ გახარება დღესასწაულეფწკუმა დაკავშირებით მეღებულ გონივრულ გადაწყვეტილებეფით.
4. ვაღნიშნათ დღესასწაულეფ, ნამუთ ღორონთის შეურაცხყოფას მიორინუანს
წეკითხით ეფესოელეფიშ 5:10 დო უკულ გარჩით თუდო მოჩამილ კითხვეფ:
-
მუშა ოკო დებრწმუნათ, მუჟამსით გინობჭყვიდუნთ აბღნიშნათ დო ვარ დღესასწაულ?
-
უმოსო ნამ დღესასწაულეფს აღნიშნენა თქვან მხარეს?
-
მუჭო ფიქრენთ, ქუხარენსო გურს იეჰოვას თე დღესასწაულეფ?
მაგალთო, დღას დაფიქრებეთო, მუს ფიქრენს იეჰოვა დაბადებაშ დღაშ აღნიშნებაშ გურშენ? ბიბლიას სოთინ ვა რე მოშინაფილ თიცალ შემთხვევა, სოდეთ იეჰოვაშ თაყვანიშმცემელ აღნიშნენს დაბადებაშ დღას, მარა თექ მოშინაფილ რე ჟირ დაბადებაშ დღა, ნამუთ თიცალ პიროვნებეფქ აღნიშნეს, მით ვამსახურუდ იეჰოვას. წეკითხით დაბადებაშ 40:20—22 დო მათეშ 14:6—10. უკულ გარჩით თუდო მოჩამილ კითხვეფ:
-
მუქ მოხვად თე ჟირხოლო დაბადებაშ დღას?
-
მუჭოთ თე ბიბლიურ შემთხვევეფს რე მოჩამილ, თქვან აზრით, მუს ფიქრენს იეჰოვა დაბადებაშ დღაშ აღნიშნებაშე?
შილებე ფიქრენდათ, იეჰოვას მართალო ქაინტერესუნო აბღნიშნენქ დო ვარ დაბადებაშ დღას ვარდა ბიბლიაშა ვა რე გერსხილინ ფერ შხვა დღესასწაულს? წეკითხით გამოსვლაშ 32:1—8. უკულ ქოძირით ვიდეო დო გარჩით თუდო მოჩამილ კითხვეფ.
-
მუშენ ოკო დებრწმუნათ, მუ რე ღორონთშო მოსაწონ?
-
მუჭო შემლებნა თეშ კეთება?
მუჭო გებგათ, იწონუანს დო ვარ ღორონთ კონკრეტულ დღესასწაულს
-
დღესასწაულ არაბიბლიურ გურაფეფშა ხომ ვა რე გერსხილ? თეშ გაგებელო გეგმირკვით, მუჭო დიჭყჷ თიშ აღნიშნებაქ.
-
ადამიანს, ნამთინე ორგანიზაციას ვარდა სახელმწიფო სიმბოლოს ხომ ვა განადიდენს? ჩქინო არძაშ უმოს მთავარ იეჰოვაშ განდიდება რე დო ბწანა, ნამდა თინა გინოჭკირუნს მსოფლიო პრობლემეფს.
-
დღესასწაულწკუმა დაკავშირებულ ტრადიციეფ ვარდა საქციელ ხომ ვაწინააღმდეგ ბიბლიურ ნორმეფს? ჩქი ზნეობრივო სუფთეფქ ოკო დოფსქიდათ.
5. თეშ მიქცით, ნამდა შხვეფქ პატი ცან თქვან რწმენას
შილებე ვა რდას ადვილ შხვეფშა ვარიაშ რაგად, მუჟამსით გირაგადნა, მონაწილება მიღათ თიცალ დღესასწაულეფს, ნამუთ იეჰოვას ვა მოწონს. მოთვინებათ დო ტაქტიანო გეუნწყით თქვან გადაწყვეტილება. თიშ გაგებელო, მუჭო შეილებნა თეშ კეთება, ქოძირით ვიდეო.
წეკითხით მათეშ 7:12 დო უკულ გარჩით თუდო მოჩამილ კითხვეფ:
-
თე მუხლიშ მიხედვით, მიქ ოკო გინოჭყვიდას, შეულებნან დო ვარ თქვან ოჯახიშ წევრეფს, მით ვა რენა იეჰოვაშ მოწმეეფ, აღნიშნან ნამთინე დღესასწაულ?
-
მართალ რე, თინეფწკუმა ართო ვაღნიშნენთ დღესასწაულს, მარა მუშ კეთება შეილებნა თქვან ოჯახიშ წევრეფიშ დარწმუნებელო, ნამდა გიჸორა დო აფასენთ თინეფს?
6. იეჰოვას ოკო, ბედნერეფ ვორდათ
იეჰოვას ოკო, გეფხარათ ჩქინ ოჯახ დო მეგობრეფწკუმა ურთიერთობათ. წეკითხით ეკლესიასტეშ 8:15 დო უკულ გარჩით თუდო მოჩამილ კითხვა:
-
მუჭო ოძირანს თე მუხლ, ნამდა იეჰოვას ოკო ბედნერეფ ვორდათ?
იეჰოვას ოკო, მუშ ხალხიქ დრო სასიამოვნოთ გატარას დო გეხარას ართო ურთიერთობათ. ქოძირით ვიდეო თიშ გაგებელო, მუჭო იძირ თექ ჩქინ საერთაშორისო კონგრესეფშე.
წეკითხით გალატელეფიშ 6:10 დო უკულ გარჩით თუდო მოჩამილ კითხვეფ:
-
ოკო აბღნიშნათო გავრცელებურ დღესასწაულეფ თიშო, ნამდა შხვეფს „ჯგირ“ ვუკეთათ?
-
საჩუქარიშ ჩუქებაშ დროს, მუ მოიღანა უმოს ხიოლს — დღესასწაულიშ დროს ვალდებულებაშ გურშენ ჩუქება დოვარ საჩუქარიშ კეთება თქვან სურვილით?
-
ბრელ იეჰოვაშ მოწმე შხვადოშხვა მუდგარენეფს აგეგმენს მუშ ბაღანეფიშ გახარებელო დო შურო ველნან თეშ აჩუქენს თინეფს საჩუქრეფს. ბაღანეფ ქორჸუნან-და, მუშ კეთება შეილებნა თინეფიშ გახარებელო?
ნამთინექ შილებე თქუას: „ვა უღჷ მნიშვნელობა, მუჭო დიჭყჷ დღესასწაულიშ აღნიშნებაქ. მთავარ რე ოჯახიშ წევრეფ დო მეგობრეფწკუმა ვატარენთ დროს“.
-
თქვა მუს თქუანდით?
დასკვნა
იეჰოვას ოკო, გეფხარათ ოჯახიშ წევრეფ დო მეგობრეფწკუმა ურთიერთობათ. მარა თეწკუმა ართო, თის ოკო, ვაბღნიშნათ თიცალ დღესასწაულეფ, ნამუთ თიშო ვა რე მოსაწონ.
გამეორებელ კითხვეფ
-
სოვრეშე გებგათ კონკრეტულ დღესასწაულ ქუმოწონს დო ვარ იეჰოვას?
-
მუჭო შემლებნა მივეხვარათ ოჯახიშ წევრეფს დო მეგობრეფს დღესასწაულეფწკუმა დაკავშირებულ ჩქინ გადაწყვეტილებაშ გაგებას?
-
სოვრეშე გიჩქნა, იეჰოვას ოკო ბედნერეფ რდათ დო დრო სასიამოვნოთ გატარათ?
დამატებით მასალა
ქიგეგით ნამთინე დღესასწაულიშ გურშენ, ნამდგას ქრისტიანეფ ვაღნიშნენა.
„მუშენ ვაღნიშნენა იეჰოვაშ მოწმეეფ ნამთინე დღესასწაულს?“ (ვებ მასალა)
ქოძირით თიშ ოთხ მიზეზ, მუდგაშეთ ბწანა, ნამდა დაბადებაშ დღაშ აღნიშნებას ღორონთ ვეწონუანს.
„მუშენ ვაღნიშნენა იეჰოვაშ მოწმეეფ დაბადებაშ დღას?“ (ვებ მასალა)
ქოძირით, მუჭო მიქცუ ტაქტიანო ართ ახალგაზრდაქ სკოლას, მუჟამსით შხვეფ ქირსეს ვაღნიშნენდუნ თიშენ გიაძიცანდეს.
მილიონობით ქრისტიანქ გინოჭყვიდ, ვაღნიშნას ქირსე. მუს ფიქრენა თინეფ მუნეფიშ გადაწყვეტილებაშ გურშენ?
„თინეფქ ქირსეშ დღესასწაულშე უჯგუშ მუდგარენს ქიმიოგორეს“ („გინაჯინალ კოშკი“ 1 დეკემბერი, 2012 წ.)
შილებე თექ ხოლო მიგეწონან
ᲑᲠᲔᲚᲨᲐ ᲓᲝᲡᲣᲛᲐᲚᲘᲠ ᲙᲘᲗᲮᲕᲔᲤᲘ
მუჭო იტარებ ბიბლიაშ გურაფა იეჰოვაშ მოწმეეფწკუმა ართო?
იეჰოვაშ მოწმეეფწკუმა ბიბლიაშ უფასო გურაფაშ დროს, შეილებნა ბიბლიაშ ნებისმიერ თარგმანიშ გიმორნაფა. ბიბლიაშ გურაფაშა შეილებნა დაპატიჟათ მთელ ოჯახ ვარდა მეგობრეფ.
