1.  მუ რე დიდ ბაბილონ?

2.  მუჟამ ოკო მორთკო მესიაქ?

3.  სამედიცინო პროცედურეფ, ნამდგაშა ზისხირიშ გიმორნაფა მიშურს

4.  მეუღლეშე ცალკე ცხოვრება

5.  დღესასწაულეფ

6.  გინმიდვალუნ ფერ ლახალეფ

7.  ბიზნეს დო იურიდიულ საკითხეფ

 1. მუ რე დიდ ბაბილონ?

სოვრეშე მიჩქუნა, „დიდ ბაბილონ“ არძა ტყურა რელიგიაშ სიმბოლო რენ? (გამოცხადება 17:5). გუვარჩუათ მუსხირენ მტკიცებულება:

• თინა მთელ მსოფლიოს მოქმედენს. დიდ ბაბილონშე ჭარჷ, ნამდა თინა „ხალხეფს დო ჯგუფეფს“ მართუნს. თიშ „სამეფოს ომორჩილნა დედამიწაშ მეფეეფ“ (გამოცხადება 17:15, 18)

• თინა ვეჸუაფ პოლიტიკურ დო კომერციულ სისტემაშ სიმბოლო. „დედამიწაშ მეფეეფ“ დო „დიდვაჭარეფ“ გინასქიდუნა, მუჟამსით თინა გენადგურებ (გამოცხადება 18:9, 15)

• ღორონთიშ გურშენ ტყურეფს ოსიმუანს. თინა ბიბლიას მეძავო რე მოშინაფილ, მუშენდა ფარა დო ძალაუფლება მიღასინ თიშ გურშენ, შხვადოშხვა მთავრობეფწკუმა ართო მოქმედენს (გამოცხადება 17:1, 2). თის შეცდომაშა მიშაჸუნს არძა ხალხ. თეს გეძინელ, თიშ კისერს რე ბრელ პიროვნებაშ ღურა (გამოცხადება 18:23, 24).

დუდ 13, პუნქტ 6

 2. მუჟამ ოკო მორთკო მესიაქ?

ბიბლიაქ იწინასწარმეტყველ, ნამდა მესიაშ მულაშახ 69 მარა გემკიშ (წეკითხით დანიელიშ 9:25).

• მუჟამ დიჭყჷ 69 მარაშ ეკოროცხუაქ? ჯვ. წ. 455 წანას, მუჟამსით გამგებელ ნეემიაქ იერუსალიმშა გენორთჷ, ნამდა აღადგინკო თინა (დანიელი 9:25; ნეემია 2:1, 5—8).

• მუსხი ხანს გეგრძელებუდ 69 მარა? ნამთინე ბიბლიურ წინასწარმეტყველებას ართ დღა ართ წანას ნიშნენს (რიცხვები 14:34; ეზეკიელი 4:6). გიშურს, ნამდა ართ მარა შქვით წანას ნიშნენს. თე წინასწარმეტყველებას, 69 მარა, 483 წანას ნიშნენს (69 მარა x 7 დღაშა).

• მუჟამ ითუ 69 მარაქ? ჯვ. წ. 455 წანაშე 483 წანას გეგნობკოროცხუნთ-და, ქიმურთჷ ახ. წ. 29 წანაშა. a თენა ზუსტას თი წანა რე, მუჟამსით იესოქ ინათ დო მესიათ გინირთჷ (ლუკა 3:1, 2, 21, 22).

დუდ 15, პუნქტ 5

 3. სამედიცინო პროცედურეფ, ნამდგაშა ზისხირიშ გიმორნაფა მიშურს

რე თიცალ სამედიცინო პროცედურეფ, ნამდგაშა პაციენტიშ ზისხირიშ გიმორნაფა მიშურს. თინეფშე ნამთინე, ვა რე მეღებულ ქრისტიანშო. მაგალთო, ზისხირიშ ჩაბარება შხვეფს გეგნუბანინ თიშენ ვარდა ოპერაციაშახ წინასწარ საკუთარ ზისხირიშ ჩაბარება, ნამდა დოჩუან დო უკულ გეგნომბან (კანონი 15:23).

მარა შხვა პროცედურეფიშ გიმორნაფა, შილებე მისაღებ რდას. თეშა მიშურს ზისხირიშ ანალიზიშ ეჭოფუა, ჰემოდიალიზ, ჰემოდილუცია, ზისხირიშ დაზოგება ვარდა ზისხირიშ ხელოვნურ მიმოქცევაშ აპარატიშ გიმორნაფა. b არძა ქრისტიანქ პირადო ოკო გინოჭყვიდას, მუჭო ოკო გიმირინუან თიშ ზისხირ, სამედიცინო პროცედურაშ, სამედიცინო ანალიზეფიშ ვარდა თიშა დანიშნებულ მკურნალობაშ კურსიშ დროს. შილებე არძა ექიმ თე პროცედურეფს ჭიჭე განსხვავებულო ორთუდას. თაშ ნამდა, ონდო სამედიცინო პროცედურა, სამედიცინო ანალიზ ვარდა მკურნალობაშ კურსიშ გურშენ გადაწყვეტილებას მიღენდას, ქრისტიანქ ზუსტას ოკო ქიგეგას, მუჭო იჸუაფ თიშ ზისხირ გიმორნაფილ. ყურადღება ქიმიაქცით თუდო მოჩამილ კითხვეფს:

• მუშ რაგად შილებე თი შემთხვევაშე, მუჟამსით ზისხირ ჩქიმ ორგანიზმშე გიშმურს დო თიშ მიმოქცევაქ შილებე გარკვეულ დროთ მეჭყორდას? ქომჩანსო სინდის თიშ ნებას, თეცალ ზისხირ კინ ჩქიმ სხეულიშ ნაწილო მიფრჩქინე დოვარ ფიფქრენქ, ნამდა „წყარცალო ოკო დოწუას დიხას“? (კანონი 12:23, 24).

• მუშ რაგად შილებე თი შემთხვევაშე, მუჟამსით სამედიცინო პროცედურაშ დროს ორგანიზმშე გარკვეულ რაოდენობაშ ზისხირ გიშმურს, მუდგარენეფ გიაძინუ დო კინ ორგანიზმშა ირთუ? შემაწუხენსო თეშ გურშენ სინდის დოვარ ვარიას ვა ფთქუანქ თეცალ მკურნალობაშე?

დუდ 39, პუნქტ 3

 4. მეუღლეშე ცალკე ცხოვრება

ღორონთიშ სიტყვა ჩათხიას ვეწონუანს დო გასაგებო იჩიებ, ნამდა მეუღლეშე ცალკე ცხოვრებაშ უკულ ჩილ დო ქომონჯის ვა უღჷ შხვაწკუმა დაქორწინებაშ უფლება (1 კორინთელები 7:10, 11). მარა, მინშა რე სიტუაციეფ, მუჟამსით ქრისტიანეფ შილებე ფიქრენდან მეუღლეშე ცალკე ცხოვრებაშე.

• ოჯახიშ მიკოჯინაშა გარძახ დუდიშ ეჩილითაფა. ქომონჯ ვარიას იჩიებ, მატერიალურო ქიმკაჯინას ოჯახის დო თინეფს აუცილებერ საჭიროებეფიშ უმშო იტენს (1 ტიმოთე 5:8).

• უკიდურეს ფიზიკურ ძალადობა. თეშნერ ძალადობაშა მიშურს თიცალ უდუნდებელ მოქციება, მუჟამსით ართ-ართ მეუღლე ფიქრენს, ნამდა თიშ ჯამრთელობა ვარდა სიცოცხლე საფრთხეშ თუდო რე (გალატელები 5:19—21).

• სერიოზულ საფრთხეშ თუდო რე იეჰოვაწკუმა ურთიერთობა. თეცალ დროს ართ-ართ მეუღლე ირნერო ოცილ მაჟიას იეჰოვაშ მსახურებას (საქმეები 5:29).

დუდ 42, პუნქტ 3

  5. დღესასწაულეფ

ქრისტიანეფ ვა ღებულენა მონაწილებას თიცალ დღესასწაულეფს, ნამუთ ვა მოწონს იეჰოვას. მარა არძა ქრისტიანქ, ბიბლიათ გოწაფილ სინდისით ოკო იმოქმედას, მუჟამსით დღესასწაულეფწკუმა დაკავშირებულ შხვადოშხვა სიტუაციეფს შეხვადუ. გუვარჩუათ მუსხირენ მაგალით.

• ნამთინე პიროვნება მიგახვამანს დღესასწაულს. შემლებნა უბრალოთ ვუპასუხათ: „მადლობა“. მუჟამსით პიროვნებას ოინტერეს მეტიშ გაგება, შეილებნა გეუნწყათ, მუშენ ვაღნიშნენთ თე დღესასწაულს.

• მუჟამსით მეუღლეს, ნამუთ ვა რე იეჰოვაშ მოწმე, ოკო, ნამდა დღესასწაულიშ დროს ნათესეეფშა მიდაჸუნათ სტუმარო. თქვან სინდის ულაშ ნებას ქუგარზენან-და, შეილებნა მეუღლეს წინასწარ გეუნწყათ, ნამდა ბიბლია ვეწონუანსინ ფერ მუთუნნერ რიტუალს ვემიღენთ მონაწილებას.

• დღესასწაულიშ პერიოდის თქვან უნჩაშ პრემიას გარზენა. ვარია ოკო თქუათო პრემიაშე? თეშ კეთება ირიათო ვა რე აუცილებერ. თქვან უნჩაშშო თე პრემია დღესასწაულიშ აღნიშნებაშ ნაწილ რენო დოვარ უბრალოთ თიშენ გარზენა, ნამდა თქვან ხანდას აფასენსინ თიშ ძირაფა ოკო?

• დღესასწაულიშ პერიოდის მიდგარენ საჩუქარს გარზენა. თე დროს პიროვნებაქ შილებე გიწუან: „მიჩქჷ, თე დღესასწაულს ვაღნიშნენქ, მარა მოკო თენა იშენით გაჩუქე“. შილებე, პიროვნებას უბრალოთ მუდგარენიშ ჩუქება ოკოდას. დეფიფქრათ მაჟია მხარეშე ხოლო, შილებენო, ნამდა თეცალ საქციელით თის თქვან რწმენაშ გიმოცადუა ოკოდას ვარდა ოცადდას მონაწილება მიგოღებაფუან დღესასწაულს? თე კითხვეფშე დაფიქრებაშ უკულ, თქვან გინაჭყვიდირალ რე, გეგწუღანთ დოვარ საჩუქარს. მუდგანერ გადაწყვეტილება ვემიბღათინ, მოკონა სუფთა სინდის მიღდან დო იეჰოვაშ ართგურეფქ ქუდოფსკიდათ (საქმეები 23:1).

დუდ 44, პუნქტ 1

 6. გინმიდვალუნ ფერ ლახალეფ

მოყვას მიჸორან თიშენ, მუთ შილებენ ფრთხილას ვორეთ დო ვოცადუთ შხვას ვეგნობდვათ გინმიდვალუნ ფერ ლახალა. თაშ თიმწკუმა ხოლო იფქციებუთ, მუჟამსით გინმიდვალუნ ფერ ლახალა მოჭირნა, ვარა ფიფქრენთ, ნამდა შილებე დაინფიცირებულ ვორდათ. თაშ თიშენ იფქციებუთ, ნამდა ბიბლია მომწოდენა: „მოყვას სქან დუდცალო გიჸორდას“ (რომაელები 13:8—10).

მუჭო შემლებნა პრაქტიკულო ვოძირათ, ნამდა ვომორჩილუთ თე მითითებას? დაინფიცირებულ პიროვნებაქ ოკო ვახუტოლას დო ვა გაჯუნას შხვას. თის ოკო ვეწყინას, მუჟამსით შხვეფს, მუნეფიშ ოჯახიშ უსაფრთხოებაშ გურშენ, ვეშულებნა თიშ ჸუდეშა დაპატიჟება. ნათუაშახ, თიქ უხუცესეფიშ საბჭოშ კოორდინატორს მუშ მდგომარეობაშ გურშენ ინფორმაცია ოკო გეგნოჩას, მუშენდა დაცულ ქორდან შხვეფ, მით თიწკუმა ართო ინათუნა. რომანტიკულ ურთიერთობაშ დოჭყაფაშახ, თიქ, მიდგას შილებე გინმიდვალუნ ფერ ლახალა ოჭირ, მუშ სურვილით ოკო ეჭოფას ზისხირიშ ანალიზ. თეცალ საქციელით ოძირანთ, ნამდა შხვეფშე ზრუნენთ დო „ხვალე თქვან ჯგირობუაშე ვარინ, შხვეფიშ ჯგირობუაშე ხოლო“ ფიქრენთ (ფილიპელები 2:4).

დუდ 56, პუნქტ 2

 7. ბიზნეს დო იურიდიულ საკითხეფ

ბრელ პრობლემას ეიფჩილითუანთ დუდშე, ფარაწკუმა დაკავშირებულ არძა შეთანხმებას დობჭარუნთ-და, თიმწკუმა ხოლო, მუჟამსით თანაქრისტიანწკუმა მიღნა საქმე ფარაშ დინახლე (იერემია 32:9—12). მარა ქრისტიანეფს, შილებე მინშა ართიანშქას იშენით აშუან ჭიჭე უთანხმოებაქ ფარაშ დო შხვა საკითხეფიშ გურშენ. თინეფქ თეცალ საკითხეფ ართიან შქას, უცბას დო მშვიდობიანო ოკო მაგვარან.

მარა, მუჭო ოკო მუვაგვარათ თიცალ სერიოზულ საკითხეფ, მუნერით რე, თაღლითობა დო ტყურაშ ეკობრალება? (წეკითხით მათეშ 18:15—17). იესოქ მიწუეს, ნამ სუმ ნაბიჯ ოკო გინობდგათ:

1. ქეცადით, ართიანშქას მაგვარათ თე საკითხ (ქოძირით მუხლ 15)

2. პრობლემაქ თაშ ვემიგვარ-და, ქოთხით ართ ვარა ჟირ მოწიფულ თანაქრისტიანს, მალგაჸუნან (ქოძირით მუხლ 16)

3. პრობლემაქ იშენით ვემიგვარებუ-და, ხვალე თე დროს ოკო უწუათ უხუცესეფს (ქოძირით მუხლ 17)

უმენტაშ შემთხვევეფს, თანაქრისტიანეფწკუმა სასამართლოს საქმე ოკო ვა დებკინათ, მუშენდა თენა იეჰოვაშ სახელ დო კრებაშ რეპუტაციაშე გლახათ იმოქმედენს (1 კორინთელები 6:1—8). მარა, მინშა რე თიცალ სიტუაციეფ, ნამდგაქ კანონიშ ძალათ ოკო გინოჭყორდას: გაყრაშ პროცედურეფ, ბაღანეფშა კანონიერო მინჯობუაშ ნება, ალიმენტიშ გაფა, დაზღვევაშ მოთხუალა, გაკოტრებაწკუმა დაკავშირებულ პროცედურეფ ვარდა ანდერძით ქონებაშ დოტება. ქრისტიან, ნამუთ თეცალ საკითხეფიშ გინაჭყვიდირალო სასამართლოს მიმართენს დო ოცად თინეფ, მუთ შილებენ მშვიდობიანო გეგნოჭკირასინ, ბიბლიურ რჩევაშ წინააღმდეგ ვემურს.

მუჟამსით საქმე ოხუ სერიოზულ დანაშაულს, მუნერით რე: გაუპატიურება, ბაღანეფიშ მიმართ ძალადობა, დუდიშ გენთხაფა, ყაჩაღობა ვარდა კოჩიშ ჸვილუა, ქრისტიან, ნამუთ სამართალდამცავ ორგანოეფს მიმართენს, ბიბლიურ რჩევაშ წინააღმდეგ ვემურს.

დუდ 56, პუნქტ 3