„მთელ წმინდა წერილ ღორონთშე რე შთაგონებულ“ (2 ტიმოთე 3:16).

პასუხენს მნიშვნელოვან ცხოვრებისეულ კითხვეფს (იგავები 2:1—5).

ცხოვრებაშ ირ ნაბიჯის გიმოწურუანა (ფსალმუნი 119:105).

მომავალიშ იმენდის მარზენა (რომაელები 15:4).

მუშო ოკო რაგად, ქო. თეშ არძაშ უნაკლებაშ სუმ მიზეზ არსებენს:

• გასაკვირო ურთიერთშეთანხმებულ. ბიბლიას 1600 წანაშე მეტ ხანს სოდგარენ 40 კოჩ ჭარუნდჷ. თინეფიშ უმენტაშ ვეჩინენდჷ ართიანს, მარა თეშ უმკუჯინუო, მთელ წიგნ ართიანწკუმა რე შეთანხმებულ დო თის ართ მთავარ თემა გოჸუნს.

• მაჭარალეფიშ სიპატიოსნე. ნამთინე ისტორიკოს დუც ურიდანს მუშ ხალხიშ შეცდომეფშე ჩიებას. თინეფიშ გინაწონს, ბიბლიაშ მაჭარალეფს ვა უფულნა ვართ მუნეფიშ დო ვართ მუნეფიშ ხალხიშ შეცდომეფ (2 მატიანე 36:15, 16; ფსალმუნი 51:1—4).

• სანდო წინასწარმეტყველებეფ. ბიბლიაქ სოდგარენ 200 წანათ ადრე იწინასწარმეტყველ ჯვეშ ქალაქ ბაბილონიშ მოსპუალა (ესაია 13:17—22). თეს გეძინელ, თინა ხოლო რდუ ნაწინასწარმეტყველებ, მუჭო მისპუდ თე ქალაქ დო მი აკეთენდ თეს (ესაია 45:1—3).

შხვა წინასწარმეტყველებეფქ ხოლო, ნამუთ ბიბლიას რე მოჩამილ კილ-კილშა შისრულ. ზუსტას თეს ოკო ვეველდათო ღორონთიშ სიტყვაშე?! (2 პეტრე 1:21).