ოჯახიშ მეკონ-მოკონეფშო ფარა არძას მოსაჭირუნა (იგავები 30:8). ბიბლია ხოლო მირაგადუნა, ნამდა ფარა თხილანს კოჩის (ეკლესიასტე 7:12). შილებე გიჭირდან ფინანსეფშე რაგადი, მარა ქეცადით, ფარაშ გურშენ ოჯახის პრობლემეფქ ვა გაშუანი (ეფესოელები 4:32). ჩილ დო ქომონჯი ართიანს ოკო ონდუდან დო ფარაშ ხარჯებაშ დროს ართიანწკუმა ოკო თანამშრომლენდან.

მუს იჩიებ ბიბლია: „თქვანდე მითინქ კოშკიშ გედგუმა ქიმიკორინუასინ, დიო ვა დოზოჯუნდუ დო ვეგმოთვალუნდუო ხარჯეფს, ნამდა ქუგუგებუდკო ქოუღუნ დო ვარ დასაბაღ ფარა თიშ ოთებელო?“ (ლუკა 14:28). მნიშვნელოვან რე, ართო დაგეგმათ, მუშო ახარჯენთ ფარას (ამოსი 3:3). ართო გეგნოჭყვიდით, მუ გოსაჭირნა დო მუსხიშ ხარჯება შეილებნა (იგავები 31:16). ჯიბეს ფარა ქელაიძნან-და, თენა თის ვა ნიშნენს, ნამდა იშენდოიშენ ოკო დახარჯათ. ვალ ვეგიდვათ; ხვალე თი ფარა ახარჯით, ნამუთ ხეს გიღუნან (იგავები 21:5; 22:7).

მუ ოკო ქიმინათ:

• თუთაშ ბოლოს ფარაქ ქუდგოსკიდეს-და, ართო ქიმირაგადეთ, მუშო გიმირინუანთინ.

• ფინანსურო ქოიჭირან-და, ქიმიფიქრით, მუჭო შილებე ნაკლებ ხარჯიქ გაღვენუანი. მაგალთო, კაფეს ვარდა რესტორანს ჭკომუაშ მანგიორ, ჸუდეს მოხაზირებულ ოჭკომალ ჭკომით.

მუს იჩიებ ბიბლია: „ხვალე იეჰოვაშ წოხოლე ვარინ, ხალხიშ წოხოლე ხოლო ვორთუთ ირფელს პატიოსანო“ (2 კორინთელები 8:21). რდათ გურგონწყუმილ დო ვა უფულათ თქვან მეუღლეს მუსხის შიბულენთ დო მუსხის ახარჯენთინ.

სოიშა მუთუნს იჸიდენდათი, ქიგეგით მუს ფიქრენს თქვან მეუღლე (იგავები 13:10). ფარაშენ ართო ქიჩიებუთ-და, თენა მიგეხვარებნა მშვიდობა გიღდან ოჯახის. რშუდან, ნამდა ფარა, ნამუთ ოჯახშა მოიღნა ხვალე თქვან ვარინ, მთელ ოჯახიშ რე (1 ტიმოთე 5:8).

მუ ოკო ქიმინათ:

• ქიმირაგადეთ, მუსხიშ ხარჯება შეილებნა წინასწარ მორაგადაფაშ უმშო.

• ფარაშენ თეიშა რაგადეთ, სოიშა პრობლემა მიკიძირუანს დუდის.