ᲛᲝᲛᲬᲔᲡᲠᲘᲒᲔᲑᲔᲚᲔᲤ: მომწესრიგებელეფ თქვან მახვარებელო რენა დანიშნულ. რთხინთ, ქიმიაჸუნით თინეფიშ მითითებეფს მანქანეფიშ გერნაფა, ხალხიშ მოძრაობა დო ადგილეფიშ მოკავებაწკუმა დაკავშირებით.

ᲜᲐᲗᲣᲐ: ნათუაშ მოხსენებაშ დოჭყაფაშახ, ნამუთ იჸუაფ საბატონს, ოჭმარეშ პროგრამას, ნათუაშ კანდიდატეფ ოკო ხედან მუნეფშო გიშართილ ადგილეფს, სცენაშ წოხოლე. თითოულს ოკო უღდას პიშქოსალ დო წყარშა ინაულარო მოკრძალებურ მიკაქუნალ.

ᲨᲔᲡᲐᲬᲘᲠᲐᲕᲔᲤ: დიდ ხარჯეფქ იჸუ საჭიროქ, ნამდა კომფორტულო ქიმიფრჩქილუათ კონგრესიშ პროგრამა, ნამუთ იეჰოვაწკუმა დაახლოებას მიმეხვარებნა. თქვან ნებაყოფლობით კეთებულ შესაწირავეფ გიმორნაფილ იჸუაფ თე ხარჯეფიშ ოფორალო დო ჩქინ საქმიანობაშო მთელ მსოფლიოს. თქვანო მოხუჯურქ ქიჸუასინ, შესაწირავიშ ყუთეფ ირდიხას რე საკონგრესო ტერიტორიას დო უღჷ შესაბამის წარწერა. თეწკუმა ართო, შესაწირავიშ ოკეთებელო შეილებნა გიმირინუათ ვებგვერდ donate.pr418.com. მანგარო ვაფასენთ თითოულიშ კეთებულ შესაწირს დო ხემძღვანელ საბჭო წინასწარ დიდ მადლობას გირაგადნა, ნამდა გურხვეთ უკინენთ ხუჯის სამეფოშ საქმეს.

ᲡᲐᲛᲔᲓᲘᲪᲘᲜᲝ ᲛᲝᲮᲕᲐᲠᲐ: რთხინთ, რშუდან, ნამდა პირველად დახმარება ხვალე გადაუდებელ სიტუაციეფშო რე.

ᲓᲘᲜᲐᲤᲘᲚ ᲜᲘᲕᲗᲔᲤ: არძა ნაძირეფ ნივთ ქიმიღით დინაფილ ნივთეფიშ განყოფილებაშა. მუთუნქ მეიდინეს-და, თე განყოფილებას ქიმიაკითხეთ. თაქ მიჸუნათ ოკო თი ბაღანეფ ხოლო, მიდგაქ მშობლეფს გამაჩირთეს. რთხინთ, ირიათო ყურადღება ქიმიაქცუათ ბაღანეფს დო თქვანწკუმა რჸუნდან, ნამდა ვართ თქვა ინერვიანათ დო ვართ შხვეფქ.

ᲐᲓᲒᲘᲚᲔᲤ: რთხინთ, შხვეფ ხოლო გეთვალისწინათ. რშუდან, ადგილეფიშ მოკავება შილებე ხვალე ოჯახიშ წევრეფშო, ბიბლიაშ მაგურაფალეფშო დო თინეფშო, მიდგაწკუმათ მანქანათ მორთით. რთხინთ, ვეგიონწყუათ ნივთეფ თქვან გოხოლუას სკამეფს, ნამდგაშ მოკავება ვაილამნა.

ᲛᲝᲮᲐᲚᲘᲡᲔᲗ ᲛᲡᲐᲮᲣᲠᲔᲑᲐ: კონგრესიშ დროს მოხალისეთ მსახურება ქუგოკონა-და, ქაცნობით თეშ გურშენ საინფორმაციო დო მოხალისეეფიშ განყოფილებას.