ქო. ბიბლიას მოჩამილ რე თიშ არგამა მტკიცებულებეფ, ნამდა ღორონთ არსებენს. თენა აბღძრენა ღორონთიშ მიმართ რწმენა გუვავითარათ, შხვადოშხვა რელიგიურ გურაფეფიშ უცბას დაჯერებათ ვარინ, გააზრებულო დო გურგოჩამილო (რომაელები 12:1; 1 იოანე 5:20). გუვარჩუათ, ბიბლიაშა გერსხილ შხვადოშხვა მიზეზეფ:

•   სამყაროს რეთ თი წესრიგ გუმაჭყაფალიშ არსებობაშა მეუთითენს. ბიბლია იჩიებ: „არძა ჸუდე მიდგარენიშ ნაშენებ რე, მარა ირფელიშ ემაშენებელ ღორონთ რე“ (ებრაელები 3:4). თიშ უმკუჯინუო, ნამდა თეცალ ლოგიკა უბრალო რე, ბრელ განათლებულ ადამიან ხუჯის უკინენს თე აზრის. a

•   მუჭოთ ადამიანეფს, ჩქი დაბადებაშე ეთოპჸუნა თიშ სურვილ, ქიგებგათ, მუ რე ჩქინ ცხოვრებაშ აზრ დო მიზან. შხვა არძა მოთხოვნა დაკმაყოფილებურ რდასინ ხოლო, თეშ სურვილ იშენით მაღვენუნა. თენა რე ართ-ართ მუდგარენ, მუდგას ბიბლია „სულიერ მოჸუმენაფათ“ მიშინუანს, მუდგაშა მიშურს ღორონთიშ გაჩინებაფაშ დო თიშ თაყვანიშცემაშ სურვილ (მათე 5:3; გამოცხადება 4:11). თე სულიერ მოთხოვნა ხვალე ღორონთიშ არსებობას ვამტკიცენს, თავრეშე თის ხოლო ვორწყეთ, ნამდა თინა რე მოჸოროფე ღორონთ, ნამდგას ოკო დამკმაყოფილან თე მოთხოვნილება (მათე 4:4).

•   ბიბლიას მოჩამილ რე წინასწარმეტყველებეფ, ნამდგაქ საუკუნეეფით ადრე ენიჭარ დო კილ-კილშა შესრულ. თე წინასწარმეტყველებეფიშ დეტალურო შესრულება დო სიზუსტე თის ოძირანს, ნამდა თაქ მოჩამილ აზრეფ ზებუნებრივ წყაროშე მოურს (2 პეტრე 1:21).

•   ბიბლიაშ მაჭარალეფს უღდეს რჩქინა, ნამუთ თინეფიშ თანამედროვეეფს ვა უღდეს. მაგალითო, ჯვეშო ბრელს წანდჷ, ნამდა დედამიწა თიცალ ცხოველეფს უკინებდეს, მუნერით რდეს სპილო, ტყარ ღეჯ დო ხოჯ. თეშ გინაწონს, ბიბლიას ჭარჷ, ნამდა ღორონთის „მუთუნშა ვემკუბუნუაფ დედამიწა“ (იობ 26:7). ათეშენ, ბიბლიას, ესაიაშ 40:22-ს, ორიგინალ ნინაშა დედამიწა ეჭარილ რე, მუჭოთ „სფერო“ ვარდა „გლობუსი“. ბრელ ადამიანს ჯერს, ნამდა თე საკითხიშ თეცალ გონივრულო ახსნაქ შეიოლებერქ იჸუ ღორონთიშ საშვალებათ, ნამდგაქ ბიბლიაშ მაჭარალეფს თეცალ ინფორმაცია გინოჩ.

•   ბიბლია თიცალ კითხვეფს პასუხენს, ნამდგაშა პიროვნებას პასუხიქ ვემიაღებუ-და, შილებე ათეისტო გინირთას. მაგალითო: ღორონთ ირფელიშ შემალებე დო მოჸოროფე ქორენ-და, მუშენ ხვადუ თესხი ტანჯება დო ბოროტება? მუშენ უღჷ რელიგიას ხშირ შემთხვევას ხალხწკუმა ჯგირიშ მანგიორო გლახა გავლენა? (ტიტე 1:16).