ვარ, დედამიწა დღას ვეგენადგურებ, ვართ დაჩხირს იჭუ დო ვართ შხვა პლანეტა თირანს. მუჭოთ ბიბლიაშე ბგურაფლენთ, ღორონთიქ დედამიწა თიშენ გაჭყჷ, ნამდა თექ ადამიანეფქ მარადიულო იცხოვრესკო.

•   „მართალეფ დემკვიდრენა დედამიწას დო მარადიულო იცხოვრენა თექ“ (ფსალმუნი 37:29).

•   „[ღორონთიქ] მანგარ საძირკველს გიაშენ დედამიწა, დღას ვაკოცენს თინა, მარადიულო იჸუაფ“ (ფსალმუნი 104:5).

•   „დედამიწა მარადიულო იჸუაფ“ (ეკლესიასტე 1:4).

•   „დედამიწაშ გუმაჭყაფალს დო თიშ მტკიცას დუმარსხუაფალს ... ტყურელო ვა გურჩქინუ დედამიწა, დახორინალო გარჩქინ“ (ესაია 45:18).

 ღორონთ ადამიანეფს ვემეჩანს უფლებას, ნამდა დედამიწა სრულას განადგურან დაბინძურებათ, ომეფით ვარდა შხვანერო. თეშ გინაწონს, თინა „მოსპუნს დედამიწაშ მუმასპალეფს“ (გამოცხადება 11:18). მუჭო აკეთენს თეს ღორონთ?

 ღორონთ ადამიანურ მართველობეფს, მიდგას ვეშულებნა დედამიწაშ დაცვება, დოთირანს სრულყოფილ ზეციურ სამეფოთ (დანიელი 2:44; მათე 6:9, 10). თე სამეფოშ მეფე იჸუაფ ღორონთიშ სქუა, იესო ქრისტე (ესაია 9:6, 7). მუჟამსით იესო დედამიწას რდჷ სასწაულეფით ოძირუ, ნამდა შეულებ ბუნებაშ მართუა (მარკოზი 4:35—41). იესო ქრისტე, მუჭოთ ღორონთიშ სამეფოშ მეფე, სრულაშო გაკონტროლენს დედამიწას დო ბუნებაშ ძალეფს. თინა გაახალენს დო გაუჯგუშენს დედამიწაშ პირობეფს დო გინაშქვანს თიშნერო, მუნერით ედემიშ ბაღ რდჷ (მათე 19:28; ლუკა 23:43).

 ვარ. ნამთინეს არასწორო არჩქილე 2 პეტრეშ 3:7-ის ინოჭარილ სიტყვეფ, სოდეთ რაგადებულ რე: „ასეიან ცა დო დედამიწა ... დაჩხირშო დო განადგურგებაშო რე ჩუალირ“. მორთ გუვარჩუათ ჟირ მნიშვნელოვან მხარე, მუთ მიმეხვარებნა, ქინვანჭათ თე სიტყვეფიშ მნიშვნელობას:

1.   მუჟამსით ბიბლია ირინუანს სიტყვეფს „ზეცა“, „დედამიწა“ დო „დაჩხირ“, თინეფს ართშე მეტ მნიშვნელობა უღჷ. მაგალთო, დაბადებაშ 11:1 იჩიებ: „მთელ დედამიწა ... ართ ნინაშა იჩიებუდ“. თაქ გიმორნაფილ სიტყვა „დედამიწა“ მეუთითენს დედამიწას მახორუ ხალხშა.

2.   მაჟია პეტრეშ 3:7-იშ კონტექსტ ეჭარუნს ზეცაშ, დედამიწაშ დო დაჩხირიშ მნიშვნელობას. მა-5 დო მა-6 მუხლეფ განადგურებას ნოეშ დროს მოხვალამირ წარღვნაწკუმა აკავშირენს. მართალ რე, თიმ დროშიან მსოფლიოქ გენადგურ, მარა ჩქინ პლანეტა ამდღარშახ არსებენს. წარღვნაქ განადგურ უბადო კათა, მით თიმ დროს ცხოვრენდჷ (დაბადება 6:11). თეწკუმა ართო, გენადგურ „ზეცაქ“, შხვა სიტყვეფით ქოფთქუათინ, თიმწკუმაიან მსოფლიოშ მართველეფქ. თე შემთხვევას ხოლო უბადო კათაქ გენადგურ დო ვართ ხოლო ჩქინ პლანეტაქ. ნოექ დო თიშ ოჯახიქ გინუსქიდეს წარღვნას დო დემკვიდრეს დედამიწა (დაბადება 8:15—18).

 წარღვნაცალო, 2 პეტრეშ 3:7-ის მოჩამილ „დაჩხირ“ განადგურენს უბადო ხალხის დო ვართ ხოლო ჩქინ პლანეტას. ღორონთ მოპირნა „ახალ ცას დო ახალ დედამიწას, სოდეთ დამკვიდრებულ იჸუაფ სიმართლე“ (2 პეტრე 3:13). „ახალ დედამიწა“ ნიშნენს ახალ საზოგადოებას, ნამდგას უმართველენს „ახალ ზეცა“ შხვა სიტყვეფით ქოფთქუათინ, ღორონთიშ სამეფო. ღორონთიშ სამეფოშ მართველობაშ თუდო დედამიწა მშვიდობათ ეფშა სამოთხეთ გინირთუ (გამოცხადება 21:1—4).