მი მეურს ზეცაშა?
მუ პასუხის მარზენა ბიბლია
ღორონთ გიშაგორუნს შეზღუდულ რაოდენობაშ ართგურ ქრისტიანეფს, მით ღურაშ უკულ გეთელებნა ზეცას ოცხოვრებელო ( 1პეტრე 1:3, 4). გიშაგორუაშ უკულ თინეფქ ოკო გაგრძელან ქრისტიანულ ნორმეფიშ დაცვება, მუშენდა ვადინუან ზეციურ ჯილდო (ეფესოელები 5:5; ფილიპელები 3:12—14).
მუს გაკეთენა თინეფ მით ზეცაშა მეულა?
თინეფ იესოწკუმა ართო მეფეეფო დო მღვდელეფო იმსახურენა 1 000 წანას (გამოცხადება 5:9, 10; 20:6). თინეფ ჩამოაყალიბენა „ახალ ცას“, შხვანერო ქოფთქუათინ, ზეციერ მთავრობას, ნამუთ იმართველენს „ახალ დედამიწაშა“ — მიწიერ საზოგადოებაშა. თე ზეციერ მართველეფ ქიმეხვარებნა კაცობრიობას, დართინუან თი ჯგირ პირობეფ, ნამუთ ღორონთის დაჭყაფშე აფუდ განზრახულ (ესაია 65:17; 2 პეტრე 3:13).
მუსხი კოჩ გეთელებ ზეცას ცხოვრებაშო?
ბიბლია იჩიებ, ნამდა 144 000 კოჩ გეთელებ ზეციერ ცხოვრებაშო (გამოცხადება 7:4). გამოცხადებაშ 14:1—3-ს ინოჭარილ ხილუას, მოციქულ იოანექ ქოძირ „კირიბ, [ნამუთ] სიონიშ გვალას გიმარდჷ დო თიწკუმა ართო რდჷ 144 000“. თე ხილუას „კირიბ“ განასახიერენს გათელებურ იესოს (იოანე 1:29; 1 პეტრე 1:19). “სიონიშ გვალა“, წარმოადგინენს იესოშ დო თიშ 144 000 თანამართველიშ ამაღალებურ მდგომარეობას (ფსალმუნი 2:6; ებრაელები 12:22).
თინეფ მით „მოწოდებულ დო გიშაგორილ“ რენა ქრისტეწკუმა მართველობაშო, მოშინაფილ რენა, მუჭოთ „ჭიჭე ოჭყიშალ“ (გამოცხადება 17:14; ლუკა 12:32). თავრეშე იძირე, ნამდა თინეფ შედარებით უმოს ნაკლებ იჸუაფნა, ვინემ იესოშ შხვა შხურიშ მთლიან რაოდენობა (იოანე 10:16).
არასწორ წარმოდგენა თინეფიშ გურშენ, მით ზეცაშა მეურს
არასწორ წარმოდგენა: არძა ჯგირ ადამიან ზეცას მოხვადუ.
სიმართლე: ღორონთ ჯგირ ადამიანეფიშ უმენტაშის დედამიწას მარადიულ სიცოცხლეს ოპირ (ფსალმუნი 37:11, 29, 34).
იესოქ თქუ: „ზეცაშა მითინს ვეშურთუმ“ (იოანე 3:13). თეშნერო თიქ ქაძირუ, ნამდა თი ჯგირ ხალხ, ნამუთ დედამიწას თიშ დაბადებაშახ რდჷ ღურელ, მაგალთო, აბრაამ, მოსე, იობ დო დავით, ვა მოხვალამე ზეცას (საქმეები 2:29, 34). თეშ მანგიორო, თინეფს უღდეს იმენდ, ნამდა გეთელებდეს დედამიწას ოცხოვრებელო (იობი 14:13—15).
ზეციერ ცხოვრებაშო გათელებას „პირველ გათელება“ ჯოხო (გამოცხადება 20:6). თავრეშე იძირე, ნამდა იჸუაფ ხოლო ართ, მიწიერ, გათელება.
ბიბლია მოგურუანა, ნამდა ღორონთიშ სამეფოშ მართველობაშ დროს „მეტო ვეჸუაფ ღურა“ (გამოცხადება 21:3, 4). თე დუნაპირებ დედამიწას შისრულებ, მუშენდა ღურა დღას ვა ჸოფე ზეცას.
არასწორ წარმოდგენა: თითოულ კოჩ მუშით გიშაგორუნს, ზეცას მიღენს სიცოცხლეს დოვარ დედამიწას.
სიმართლე: ღორონთ გინოჭყვიდუნს, ნამ ართგურ ქრისტიან მიღენს „ზეციურ მოწოდებაშ ჯილდოს“, შხვანერო ქოფთქუათინ, ზეციერ ცხოვრებაშ იმენდის (ფილიპელები 3:14). თენა ადამიანიშ სურვილშა ვა რე დამოკიდებულ (მათე 20:20—23).
არასწორ წარმოდგენა: დედამიწას მარადიულო ხვალე თი ადამიანეფ იცხოვრენა, მით ზეცას ცხოვრებაშ ღირსეფ ვეჸუაფნა.
სიმართლე: ღორონთ დედამიწას მარადიულო იცხოვრენან თინეფიშ გურშენ იჩიებ, „ჩქიმ ხალხ“, „ჩქიმ გიშაგორილეფ“ დო „იეჰოვაშე ხვამელ“ (ესაია 65:21—23). თინეფ ქიმიოჭირინუანა სრულყოფილებას დო მარადიულო იცხოვრენა სამოთხეთ სამოთხეთ გინორთელ დედამიწას, მუთ ღორონთიშ დუდშეიან განზრახვა რდჷ. თენა დიდ პატი რე (დაბადება 1:28; ფსალმუნი 115:16; ესაია 45:18).
არასწორ წარმოდგენა: გამოცხადებაშ წიგნის მოშინაფილ რიცხვის 144 000 სიმბოლურ მნიშვნელობა უღჷ დო ვართ ხოლო პირდაპირ.
სიმართლე: მართალ რე, გამოცხადებაშ წიგნის მოშინაფილ რე რიცხვეფ, ნამდგას სიმბოლურ გაგება უღჷ, მარა ნამთინე რიცხვ პირდაპირ მნიშვნელობათ ოკო გებგათ. მაგალთო თექ ჩიება მეურს „12 მოციქულიშ 12 სახელშენ“ (გამოცხადება 21:14). გუვარჩუათ, მუ მარწმუნენა, ნამდა რიცხვის 144 000 პირდაპირ მნიშვნელობა უღჷ.
გამოცხადებაშ 7:4-ის ჭარჷ, ნამდა „ბეჭედგეშქუმალირეფიშ [ზეცას ცხოვრებაშო გიშაგორილეფიშ] რიცხვ 144 000“ რე. უკულიან მუხლეფს მაჟია ჯგუფიშ გურშენ რაგადებულ რე, ნამდა თინეფ რენა „ანაყუ ხალხ, მიდგაშ კოროცხუა მითინს ვეშულებუდ“. თე „ანაყუ ხალხ“ ხოლო რსხებას მიღენს ღორონთშე (გამოცხადება 7:9, 10). 144 000-ის სიმბოლურ მნიშვნელობა ქუღუდ დო თინა სინამდვილეს ანაყუ ხალხის ქონიშნენდ-და, იმწკუმა თე ჟირ ჯგუფ შქას მუთუნნერ განსხვავება ვა ჸოფე. a
თეს გეძინელ, 144 000-იშ გურშენ ნარაგად რე, ნამდა თინეფქ „ადამიანეფშე იჸუეს ნაჸიდერქ, მუჭოთ პირველ ნაყოფ“ (გამოცხადება 14:4). სიტყვეფ „პირველ ნაყოფ“ თის ნიშნენს, ნამდა ზეცაშა მაულარეფიშ რაოდენობა ბრელ ვეჸუაფ. თაშ ნამდა, თე სიტყვეფ ზუსტას ეჭარუნს 144 000 ართგურ ქრისტიანს, ნამუთ იესოწკუმა ართო იმეფენს დო იმართველენს დედამიწას მახორუ ანაყუ ხალხშა (გამოცხადება 5:10).
a პროფესორ რობერტ ტომასიქ ხოლო „გამოცხადებას“ მოშინაფილ 144 000-იშ გურშენ ჭარჷ: „[გამოცხადებაშ 7:4-ის] მოშინაფილ რე განსაზღვრულ რიცხვ დო 7:9-ს — განუსაზღვრელ. თე რიცხვის [144 000] სიმბოლურ მნიშვნელობა ქუღუნ-და, გიშურს, ნამდა თე წიგნის მოშინაფილ ნამთინ რიცხვ ოკო ვეგებგათ პირდაპირ მნიშვნელობათ“. (An Exegetical Commentary, გვერდ 474).
შილებე თექ ხოლო მიგეწონან
ᲫᲘᲠᲘᲗᲐᲓ ᲑᲘᲑᲚᲘᲣᲠ ᲒᲣᲠᲐᲤᲔᲤ
მუ რე ღორონთიშ სამეფო?
მსახურებაშ დროს, იესო დიდ ყურადღებას ამახვილენდჷ ღორონთიშ სამეფოშე. საუკუნეეფიშ დინახალე, ხალხ სამეფოშ მოულაშ გურშენ ლოცულენდჷ.
