ვარ. ბიბლიაშე ბგებულენთ, ნამდა ლოცვათ ხვალე ღორონთის ოკო მიმაფრთათ, იესოშ სახელით. იესოქ მუშ მოწაფეეფს უწუ: «ათეშ გურშენ, თაშ ილოცით: „ჩქინ ზეციერ მუმა, წმინდა რდას სქან სახელ“» (მათე 6:9). თის მუშ მოწაფეეფშა დღას ვა უთქუალ, ნამდა ლოცვათ მიმართესკო წმინდანეფს, ანგელოზეფს ვარდა შხვა მითინს ღორონთიშ გარდა.

 იესოქ მუშ მოწაფეეფს თინა ხოლო უწუ: „მა ვორექ შარა, ჭეშმარიტება დო სიცოცხლე! მუმაშა ჩქიმ უმშო მითინს ვემიართე“ (იოანე 14:6). ღორონთშე ხვალე იესოს აფჷ მეჩამილ თიშ უფლება, ნამდა რდას შუამავალ ჩქინ დო ღორონთ შქას (ებრაელები 7:25).

მუ მოხვადუ ქოთ ღორონთის მიმაფრთე ლოცვათ დო ქოთ წმინდანეფს?

 ვით მცნებაშე ართ-ართის ბკითხულენთ: „მა ვორექ უფალი, თქვან ღორონთ, მანგიორიშ გინმაგაფალ“ (გამოსვლა 20:5; საქორთუოშ საპატრიარქოშ გიშაშქუმალა). მუ გაგებათ რე ღორონთ „მანგიორიშ გინმაგაფალ?“ ბიბლიაშ „ახალ ქიანაშ თარგმანს“ თე სიტყვა თარგმნილ რე, მუჭოთ „განსაკუთრებულ ართგურობაშ მუმათხუაფალ“. თენა თის ნიშნენს, ნამდა ღორონთის ოკო, ხვალე თის ვემსახურათ დო ლოცვათ ხოლო ხვალე თის მიმაფრთათ (ესაია 48:11).

 წმინდანეფს ვარდა ანგელოზეფს ლოცვათ მიმაფრთენთ-და, ღორონთის გურს ვუწყუნუანთ. მუჟამსით მოციქულ იოანექ ეცად თაყვან ქოცუკო ანგელოზის, ანგელოზიქ გაჩერ თინა დო უწუ: „ვა ქიმნა თენა! ღორონთის ქოცჷ თაყვან! მა ხოლო თიცალ მონა ვორექ, მუნერით სი დო სქან ჯიმალეფ, ნამუთ იესოშ გურშენ ქადაგენა“ (გამოცხადება 19:10).