შეერთებულ შტატეფიშ ბეთელიშ კომპლექსეფიშ ძირაფაშ უკულ ართ წყვილქ, ნამუთ ვანუატუშე რე, ათეცალ სიტყვეფი თქუ: „დღას ვაგმოჭყორდუნა ბეთელს ვორდითინ თიმ დრო“. თე კომპლექსეფიშ ოძირაფშა ირ წანას 70 000-შე მეტი კოჩი მოურს დო თინეფი ხოლო თეგვარი სიტყვეფს იჩიებნა.

ვა გაფნა ნაძირეფი შეერთებულ შტატეფიშ ბეთელიშ კომპლექსეფი-და, შურ დო გურით გაპეჯენთ თინეფიშ გაჯინუშა.

მთავარ სამმართველო, ბრუკლინი, ნიუ-იორკი. ექსკურსიაშ დროს გეინწყუნა, მუჭო მეურს მთელ მსოფლიოს სახიოლო ამბეშ ქადაგება. თქვა თქვანით ხოლო შეილებნა ქოძირათ ჟირი გამოფენა. ართის ჯოხო „ხალხი იეჰოვაშ სახელშო“. თე გამოფენაშე ქიგეგენთ იეჰოვაშ მოწმეეფიშ ისტორიას პირველ საუკუნეშე დოჭყაფილ ამდღარშახ. მაჟია გამოფენას ჯოხო „ბიბლია დო ღორონთიშ სახელი“. თექ ძირაფილ რე ბიბლიაშ ბრელ თარგმანი, სოდეთ ღორონთიშ სახელი ენოჭარუ.

„საგუშაგო კოშკიშ“ ოგურაფალ ცენტრი, პატერსონი, ნიუ-იორკი. ექსკურსიაშ დროს თქვა უმოსის ქიგეგენთ თიცალ სკოლეფიშ გურშენ, მუნერით რე „საგუშაგო კოშკიშ“ ბიბლიურ სკოლა „გალაადი“ დო სკოლა ფილიალიშ კომიტეტიშ წევრეფშო დო თინეფიშ ოსურეფშო. თქვა ქოძირუნთ საინტერესო სტენდეფს დო ვიდეორგოლეფს, სოდეთ ნაძირეფ რე, მუს ორთნა მხატრულ გაფორმებაშ, აუდიო-ვიდეო, იურიდიულ დო სამსახურებრივ განყოფილებეფს.

სტამბა დო ჯღონუაშ განყოფილება, უოლკილი, ნიუ-იორკი. თქვა ქუგოძირანა სტამბას დო გეინწყუნა, მუჭო იბეშტუ ბიბლია დო ბიბლიაშა გერსხილ ლიტერატურა, მუჭო აკოკინძუნა დო ოჯღონანა თის შეერთებულ შტატეფიშ შხვადოშხვა ადგილშა, კარიბიშ კუნძულეფშა დო მსოფლიოშ შხვადოშხვა კუნთხუშა.

ექსკურსია ბრუკლინს სოდგარენ ართ საათის მეურს, პატერსონს — ჟირ საათის, უოლკილს — დახე საათ დო გვერდის.

ექსკურსიას ჩაიტარენა ბეთელიშ შხვადოშხვა განყოფილებეფს მუშენა ფერ და დო ჯიმალეფი. თინეფიშ აზრით შხვა ირფელწკუმა ართო თე ექსკურსიეფ ხოლო მთელ მსოფლიოს მოწმეეფიშ გურაფას უნწყუნს ხეს. 2014 წანაშ მესიშ მონაცემეფით, შეერთებულ შტატეფიშ ბეთელიშ სუმხოლო კომპლექსის 5 000-შე მეტ და დო ჯიმა მსახურენდ დო თენეფშე სოდგარენ 3 600-იქ ექსკურსიაშ ოტარებელო სპეციალურ პროგრამა მიკორთუ. ექსკურსიეფს სოდგარენ 40 ნინაშა ატარენა.

ექსკურსიეფშენ ფარა ვა რე ოგაფალ.

მუშო ოკო რაგად, ვარ. ბეთელიშ კომპლექსეფიშ გაჯინუშა ბრელ შხვა რელიგიაშ ხალხი ხოლო მოურს. თე ექსკურსიეფ მეხვარებუ მუჭოთ იეჰოვაშ მოწმეეფსინ, თეშ შხვეფს ხოლო, მეტ ქიგეგან, მუჭო მეურს მოწმეეფიშ საქმე მთელ მსოფლიოს.

ინდოეთის ცხოვრენსინ ფერ ართი მუსულმან ოსურქ პატერსონიშ ფილიალიშ გაჯინუშა მორთუ. ექსკურსიაშ უკულ თიქ თუ: „მა ხოლო მოკო თქვანწკუმა ართო ვორდენ. დიდ მადლობა ყურადღებაშენ!‘‘.

მუშო ოკო რაგად, ქო. ბაღანეფს შილებე დღას ვა გაჭყორდან ბეთელს რდესინ თიმ დროქ. ჯონი, ნამუთ შეერთებულ შტატეფშე რე, იჩიებუ: „ჩქინ ჯგუფიშ ბაღანეფი თიცალ გახარებულეფ რდეს, მთელ შარას პიჯი ვა გუჩერებნა. ექსკურსიაშახ თინეფს ბრელ მუთუნ ვა უჩქუდეს ბეთელიშ მსახურებაშ გურშენ, მარა ასე თისხი მუდგარენ ქიგეგეს, ნამდა ბეთელს მსახურება უღუნა მიზანო“.

იეჰოვაშ მოწმეეფიშ ფილიალეფ შეილებნა შხვა ქიანეფს ხოლო ქოძირათ. თქვა შეილებნა ჩქინ ვებ-გვერდის ქოძირათ ინფორმაცია, ნამ ქიანეფს რე ფილიალეფი, ქიგეგათ ექსკურსიეფიშ დო შხვა დეტალეფიშ გურშენ. შურ დო გურით გაპეჯენთ ჩქინ ფილიალეფიშ გაჯინუშა!