ოდვალი მონღოლეთის ცხოვრენს. თის ზუსტას ვა უჩქუ, მუსხი წანერ რე, მარა ფიქრენს, ნამდა სოდგარენ 1921 წანას დებადუ. ბაღანობას თინა მუშ ოჯახიშ ორინჯის ულუანდ დო ხვალე ართ წანას გილეშუ სკოლაშა. თის კითხირ ვა უჩქუდუ. მარა ამარდე გიშაშქუმალირ ბროშურაქ მეხვარ, ნამდა გეჩინებაფუკო ღორონთი დო ქუგუგებუდკო, მუ ელუ ღორონთიშ დამჯერ ხალხის. თე ახალ ამბექ თის გური გოუტიბუ.

2011 წანას იეჰოვაშ მოწმეეფქ თე ბროშურაშ ჟირ ვერსია გიშაშქვეს. ჟირხოლო სქვამ სურათამ რე, მარა ართიანს თით ვა გუნა, ნამდა ართის უმოს ჭიჭე ტექსტი უღუ, ვინემ მაჟიას.

ართ-ართ ბროშურა „ურჩქილით ღორონთის დო იცხოვრით მარადიულო“, ნამუშ ტექსტი უმოს დიდ რენ, მალას 583 ნინაშა იჸი ხეშამალაფარი, მაჟია ბროშურა „ურჩქილით ღორონთის“ — 483 ნინაშა. ართ საინტერესო ფაქტიქ ხოლო ოკო ქირაგადუას: 2013 წანაშ გიმათუთაშო გაეროშ კოჩიშ უფლებეფიშ დაცვებაშ საერთო დეკლარაცია 413 ნინაშა თარგმნეს. მუჭოთ ვორწყეთინ, თე რიცხვის ვემიართე ჟიშე მოჩამილ რიცხვშა. თეშ გარდა, ჟიშე მოშინაფილ ბროშურაშ ჟირხოლო ვერსიაშ 80 მილიონ ეგზემპლარ უკვე გავრცელებულ რე.

ბრაზილიას ართ ხანიერ ოსურკოჩიქ ხიოლით ეჭოფ ბროშურა „ურჩქილით ღორონთის“ დო თქუ: „გურიშ ემაკინალ რე, ნამდა რენა თიცალ კათა, მით ჩქიმცალ ხალხშე ფიქრენს. თეიშახ დღას ვამაფუ თქვანდა ჟურნალეფი გიწნაღელ, კითხირ ვა მიჩქუდუნ თიშენ. მარა ასე დასურო მოკო თე ბროშურა“.

საფრანგეთიშ მახორუ ბრიჯიტი, ნამუსით ჭარუა-კითხირ ვა უჩქუნ, იჩიებუ: „ირ დღას გუვოჯინექ თე ბროშურას მოჩამილ სურათეფს“.

სამხრეთი აფრიკაშე ართ მოწმე პჭარუნა: „თენა არძაშ უჯგუშ ბროშურა რე, ნამუთ მოხვარუ, ჭეშმარიტება ჩინურ ნინაშა მორაგადე კათას გუვოჩინებაფუე. შემლებ თე ბროშურაშე ვუქადაგე აძანერ ხალხის, უმაღლესთებულეფს, ჭკვერეფს დო თინეფს ხოლო, მიდგას კითხირ უჭირს. ბროშურა „ურჩქილით ღორონთის დო იცხოვრით მარადიულო“ მოხვარუ ბრელ დრო ვა მოკონ თეშ გუვოჩინებაფუე კათას ბიბლიურ გურაფეფი. სოდგარენ გვერდ საათშა თინეფს ინტერესი ურჩქინდუნა“.

გერმანიას მოწმეეფი თე ბროშურაშ ჭყოლოფუათ ართ რჩქინელ წყვილს ოგურუანა ბიბლიას. ქომონჯის თიცალო მეწონუ თე ბროშურაქ, ნამდა თქუ: „თეიშახ მუშენ ვა მუჩით თე ბროშურა? თინა მოხვარ, ადვილო ქიგებგე ბიბლიას ინოჭარილ დო ქინვუანჭე თექ მოჩამილ მოვლენეფიშ მნიშვნელობას“.

ავსტრალიას მახორუ ჸუჯის ვერჩქილენ ფერ ოსური იჩიებუ: „ქიანა ხანს მონასტერს ფცხოვრენდი მონაზონეფწკუმა ართო. მანგარ ხოლოს ვორდი ეკლესიაშ აწმანჯღვერეფწკუმა, მარა ნამთინს ვა დუგურუაფ ჩქიმდა, მუ რე ღორონთიშ სამეფო. თე ბროშურას მოჩამილ სურათეფქ მიმეხვარუ, ქიგამგებუდკო, სინამდვილეს მუ მნიშვნელობა უღუ მათეშ 6:10“.

კანადას იეჰოვაშ მოწმეეფიშ ფილიალი იჩიებუ: «თიშ უკულ, მუჟამს სიერა-ლეონეს კრიო ნინაშა ქოძირეს ბროშურა „ურჩქილით ღორონთის“, ბრელ თექიან მახორუქ ვა დარკუ ოცქვაფურ სიტყვეფი იეჰოვაშ მოწმეეფს. თინეფქ თქუეს, ნამდა მოწმეეფი უდუზოგებუო ხანდენა, ბიბლიურ ამბე ირკოჩის გეგნოჩანინ თიშენ. ნამთინექ თეცალ სიტყვეფ ხოლო თქუ: „აჸ ჯიმა, დასურო თქვა რეთ თი კათა, მით შხვეფშე ფიქრენთ. ბრელ ვართუ თეს“».