ვებ-გვერდის jw.org ნინეფიშ ოგორალ უღუ, სოდეთ 300-შე მეტ ნინა რე მოჩამილ. ნამთინ შხვა ვებ-გვერდი ვა არსებენს თესხი ნინაშა.

მუშ რაგად შილებე შხვა პოპულარულ ვებ-გვერდეფშენ? 2013 წანაშ კვირკვეს გაერთიანებულ ერეფიშ ორგანიზაციაშ ვებ-გვერდი 6 ნინაშა რდუ გინოთარგმნილ, ევროკავშირიშ ოფიციალურ ვებ-გვერდი, ევროპა — 24 ნინაშა, Google — 71 ნინაშა დო ვიკიპედია — 287 ნინაშა.

მანგარ დიდ დრო დო ხანდა ოსაჭირ ვებ-გვერდის მოჩამილ ინფორმაციაშ 300-შე მეტ ნინაშა გინოთარგმნუას. თე სამუშაშ უმენტაშ ნაწილს მთელ მსოფლიოს იეჰოვაშ მოწმეეფი ორთუნა, იეჰოვაშ სახელი განადიდანინ თიშენ. შხვადოშხვა მათარგმნალ ჯგუფი ტექსტის ინგლისურ ნინაშე თითოულ ნინაშა თარგმნუნს.

ვებ-გვერდის jw.org რე ინფორმაციულ გვერდეფი 300-შე მეტ ნინაშა. თაშ ნამდა, თე ვებ-გვერდის მოჩამილ გვერდეფი ართო ეკოშაყარელო 200 000-ის მიკოლუაფირ რე.

jw.org პოპულარულ ხოლო რე. თეს ამტკიცენს ართ კომპანიაშ (Alexa) მონაცემეფი. თე კომპანია არკვიენს მსოფლიოშ შხვადოშხვა ვებ-გვერდშა მიშმაულარ კათაშ რაოდენობას დო კატეგორიეფო რთუნს. ართ-ართ კატეგორიას „რელიგია დო სულიერობა“ სოდგარენ 87 000 ვებ-გვერდი რე მოჩამილ, ნამუთ ოკუთნუ მსოფლიოშ ძირითად რელიგიეფს, რელიგიურ ლიტერატურაშ გიშმაშკუმალარეფს დო შხვა თეგვარ ორგანიზაციეფს. საინტერესო რე, ნამდა 2013 წანაშ კვირკვეს ვებ-გვერდის jw.org მაჟია ადგილ უკინებუდ. პირველ ადგილს კომერციულ ვებ-გვერდი რდუ, სოდეთ ბიბლიაშ შხვადოშხვა თარგმანიშ ძირაფა რე შეიოლებერ.

2013 წანაშ გიმათუთაშ მონაცემეფით, ვებ-გვერდშა jw.org დღაშე სოდგარენ 890 000 კოჩი მიშმიშუ. ჩქი ჯვეშობურო კინ ირფელს გუვაკეთენთ, ნამდა თე ვებ-გვერდიშ ჭყოლოფუათ ბიბლიაშა გერსხილ ინფორმაციაქ ირდიხას დო ირ კოჩშო ქიჸუას ხეშამალაფარქ.