ჩქი ვაფასენთ თის, მუდგას მეცინერებაქ მიოჭირინუ დო ბჯერა ფაქტეფით დადასტურებულ აღმოჩენეფიშ.

 ართ ლექსიკონიშ თანახმათ, მეცინიერება რე გარე სამყაროს დო თექ არსებულ პროცესეფშა დაკვირება დო თინეფიშ გურშენ ობიექტურ რჩქინაშ მეღება (Collins Cobuild Advanced Learner’s English Dictionary). მართალ რე, ბიბლია ვა რე მეცნიერულ წიგნ, მარა თინა ელუჩანს ხალხის, ქიდეკვირან ბუნებას დო მუნეფიშ საჯგირობუთ გეგირინუან მეცნიერულ აღმოჩენეფ. ქობძირათ მუსხირენ მაგალით:

•   ასტრონომია. „ქეიჯინით ცაშა დო ქიდეკვირით. მიქ გაჭყჷ თე ირფელ? თიქ, მიდგას კოროცხუათ გიშაჸუნს თინეფიშ ლაშქარ, თითოულს სახელს უძახ“ (ესაია 40:26).

•   ბიოლოგია. სოლომონ „იჩიებუდ ჯალეფშე, ლიბანიშ კედარით დოჭყაფილ კიდალაშ უსუპით თებულ, მხეცეფშე, ფრინველეფშე, ქვეწარმავლეფშე დო ჩხომეფშე“ (1 მეფეები 4:33).

•   მედიცინა. „ექიმ ჯამრთელეფს ვარინ, ლეხეფს ოსაჭირნა“ (ლუკა 5:31).

•   მეტეოროლოგია. „გემნოირთუმნო თირიშ საცავეფშა ვარდა კირცხიშ საცავეფს ქარწყექო ... ნამდგათ აღმოსავლეთიშ ბორია ივრცელებ დედამიწას?“ (იობი 38:22—24).

 ჩქინ პუბლიკაციეფს ხშირას იჭარუ სტატიეფ მეციერულ მიღწევეფ დო ბუნებაშე, მუთ ოძირანს, ნამდა ვაფასენთ მეცნიერებას. იეჰოვაშ მოწმე მშობლეფ ელუჩანა მუნეფიშ ბაღანეფს, ნამდა ქიდეკვირან ირფელს, მუთ სამყაროს რე დო უჯგუშო ქინანჭან თის. ნამთინე იეჰოვაშ მოწმე მუშენს თიცალ მეცნიერულ დარგის, მუნერით რე ბიოქიმია, მათემატიკა დო ბოტანიკა.

 ჩქინ აზრით, მეცნიერებას ვეშულებ პასუხ ქიმეჩას კაცობრიობაშ არძა კითხვას. a მაგალთო, გეოლოგეფ გურაფლენა დედმიწაშ აგებულებას, ბიოლოგეფ გურაფლენა, მუჭო ფუნქციონირენს ადამიანიშ ორგანიზმ. მარა, თინეფს ვა უღნა პასუხ კითხვეფშე, მუშენ რე დედამიწა ჯგირ ოცხოვრებელო დო მუშენ ფუნქციონირენს ადამიანიშ ორგანიზმიშ ნაწილეფ ართინწკუმა ჰარმონიულო?

 ჩქი თი დასკვანაშა ქიმეფრთით, ნამდა ხვალე ბიბლია ირზენს სრულ დო დამაკმაყოფილებერ პასუხეფს თე კითხვეფშე (ფსალმუნი 139:13—16; ესაია 45:18). თაშ ნამდა მარჩქილენა, ჯგირ განათლებაშა ხვალე მეცნიერულ ვარინ ბიბლიურ რჩქინა ხოლო მიშურს.