ქო. ჩქი ბწანა იესო. თიქ თქუ: „მუმაშა ჩქიმ უმშო მითინს ვემიართე“ (იოანე 14:6). ჩქი ბჯერა, ნამდა იესოქ ზეცაშე დედამიწაშა გიმორთ, ადამიანო გინირთ დო მუშ სრულყოფილ სიცოცხლე დათმჷ ჩქინ გურშენ (მათე 20:28). თიშ ღურაქ დო გაცოცხლებაქ მარადიულ სიცოცხლეშ საშვალება მეჩჷ თინეფს, მიდგას წანსჷ იესო. თეწკუმა ართო, ბჯერა, ნამდა იესო ასე ღორონთიშ ზეციერ სამეფოშ მეფე რე, ნამუთ მალას მთელ დედამიწას მშვიდობას დამყარენს (გამოცხადება 11:15). თეს გეძინელ, იესოშ სიტყვეფიშ საშვალებათ თის ხოლო ბგებულენთ, მუ მდგომარეობა უკებ თის. თიქ თქუ: „მუმა ჩქიმდე უმოს დიდ რე“ (იოანე 14:28). ჩქი თაყვანს ვა ფცენთ იესოს, მუშენდა თინა ირფელიშშემალებე ღორონთო ვემმორჩქუნა.