თიშ უმკუჯინუო, ნამდა ჩქინ მთავარ ოფის ამერიკაშ შეერთებულ შტატეფს რე, თუდო გიმოკოროცხილ ფაქტორეფ ადასტურენს, ნამდა ჩქი ამერიკულ სექტა ვა ვორეთ:

•   ნამთინე განმარტებაშ თანახმათ, სექტა რე ჯგუფ, ნამუთიქ რელიგიაშე იჸუ გიშართილქ, ნამდა ახალ რელიგიათ ჩემეყალიბკო. იეჰოვაშ მოწმეეფიშ რელიგია შხვა ნამდგაინ რელიგიურ ჯგუფშე გიშართუალაშ შედეგო ვა დაარსებე. თეშ გინაწონს, ჩქი მეპჸუნთ პირველ საუკუნეშ ქრისტიანობაშ მაგალითის.

•   იეჰოვაშ მოწმეეფ აქტიურო ქადაგენა 230-შე უმოს ქიანას. ნამდგა ქიანას ვა ფცხოვრენდათ, ჩქი იესო ქრისტეშ დო იეჰოვა ღორონთიშ ართგურობას გიმიფრჩქინანთ, დო ვართ ხოლო ამერიკაშ შეერთებულ შტატეფიშ ვარდა შხვა ნებისმიერ მთავრობაშ (იოანე 15:19; 17:15, 16).

•   ჩქინ არძა გურაფა ბიბლიაშა რე გერსხილ დო ვართ ხოლო ამერიკაშ შეერთებულ შტატეფიშ ნამდგაინ რელიგიურ ლიდერიშ წერილეფშა (1 თესალონიკელები 2:13).

•   ჩქინ ხემძღვანელ ადამიან ვარინ — იესო ქრისტე რე (მათე 23:8—10).